ଦୂର ସ୍ଥାନକୁ ଯାତ୍ରା କଲାବେଳେ ରାସ୍ତାକଡରେ କିଲୋମିଟର ସୂଚାଇବା ପାଇଁ ପଥର ଫଳକ (ମାଇଲଷ୍ଟୋନ୍) ଲାଗିଥାଏ। କିନ୍ତୁ ଏହି ଫଳକର ରଙ୍ଗ ଅନେକ ସମୟରେ ଅଲଗା ଅଲଗା ହୋଇଥାଏ। କେଉଁଠି ହଳଦିଆ ରଙ୍ଗର ଫଳକ ଥାଏ ତ କେଉଁଠି ସବୁଜ ରଙ୍ଗର। ଭିନ୍ନ ଭିନ୍ନ ରଙ୍ଗର ଫଳକକୁ ନେଇ ଅନେକ ସମୟରେ ମନରେ ପ୍ରଶ୍ନବାଚୀ ମଧ୍ୟ ସୃଷ୍ଟି ହୋଇଥାଏ। କିନ୍ତୁ ଏପରି ଭିନ୍ନ ରଙ୍ଗର ଫଳକ ପଛରେ ଲୁଚି ରହିଥିବା କାରଣ। ଏହି କାରଣ ସମ୍ପର୍କରେ ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଆସନ୍ତୁ ଜାଣିବା କେଉଁ ରଙ୍ଗର ଫଳକ କାହାକୁ ସୂଚାଇଥାଏ।

ହଳଦିଆ ମାଇଲଷ୍ଟୋନ୍: ରାସ୍ତାରେ ଯିବା ବେଳେ ଯଦି ହଳଦିଆ ରଙ୍ଗର ମାଇଲଷ୍ଟୋନ୍ ଦେଖାଯାଏ, ତେବେ ଆପଣ ଜାତୀୟ ରାଜପଥରେ ଯାତ୍ରା କରୁଛନ୍ତି ବୋଲି ଜାଣି ନିଅନ୍ତୁ। କାରଣ ନିୟମ ଅନୁଯାୟୀ, ହଳଦିଆ ରଙ୍ଗର ମାଇଲଷ୍ଟୋନ୍ କେବଳ ଜାତୀୟ ରାଜପଥ ପାଇଁ ଉର୍ଦ୍ଦିଷ୍ଟ।

ସବୁଜ ମାଇଲଷ୍ଟୋନ୍: ଦୂରସ୍ଥାନକୁ ଯାତ୍ରା କରିବା ବେଳେ ଯଦି ନଜରରେ ସବୁଜ ରଙ୍ଗର ମାଇଲଷ୍ଟୋନ୍ ପଡେ, ତେବେ ଜାଣି ରଖନ୍ତୁ କି ଆପଣ ରାଜ୍ୟ ରାଜପଥରେ ଯାତ୍ରା କରୁଛନ୍ତି। ଏହି ରଙ୍ଗର ମାଇଲଷ୍ଟୋନ୍ କେବଳ ରାଜ୍ୟ ରାଜପଥ ପାଇଁ ଉର୍ଦ୍ଦିଷ୍ଟ। ଏହି ରାସ୍ତାସବୁ ରାଜ୍ୟ ସରକାରଙ୍କ ଅଧୀନରେ ଆସିଥାଏ।

ନୀଳ ଓ କଳା ରଙ୍ଗର ମାଇଲଷ୍ଟୋନ୍: ଯଦି ଆପଣ କୌଣସି ନୂଆ ବଡ଼ ସହର କିମ୍ୱା ଅନ୍ୟ ଜିଲ୍ଲାକୁ ଯାତ୍ରା କରୁଥାନ୍ତି, ତେବେ ଜିଲ୍ଲା ଓ ସହରର ଆରମ୍ଭରୁ ହିଁ କଳା କିମ୍ୱା ନୀଳ ରଙ୍ଗର ମାଇଲଷ୍ଟୋନ୍ ଦେଖିବାକୁ ପାଇବେ। ଗୋଟିଏ ଜିଲ୍ଲାରୁ ଅନ୍ୟ ଜିଲ୍ଲା ଓ ବଡ଼ ସହରର ଅନ୍ୟ ଏକ ପରିଚୟ ହେଉଛି ଏହି ଦୁଇ ରଙ୍ଗ। ଏହି ରାସ୍ତା ଜିଲ୍ଲା ପ୍ରଶାସନ ଅଧୀନରେ ରହିଥାଏ।

ନାରଙ୍ଗୀ ରଙ୍ଗର ମାଇଲଷ୍ଟୋନ୍: କିଛି ସ୍ଥାନରେ ରାସ୍ତାରେ ନାରଙ୍ଗୀ ରଙ୍ଗର ମାଇଲଷ୍ଟୋନ ଦେଖିବାକୁ ମିଳିଥାଏ। ନାରଙ୍ଗୀ ରଙ୍ଗ ଥିବା ମାଇଲଷ୍ଟୋନ୍ ରାସ୍ତା ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ନିର୍ମାଣ ହୋଇଥିବାକୁ ସୂଚାଇଥାଏ।

Other Stories

  • Delivery Boy
    Delivery Boy ପୋଲିସ୍ ସାଜିଲା ଡେଲିଭରି ବୟ

    ଆମେରିକାରେ ରହୁଥିବା ଜଣେ ମହିଳା ନିଜ ପାଇଁ ଅନ୍‌ଲାଇନ୍‌ରେ ଖାଦ୍ୟ ଅର୍ଡର କରିଥିଲେ। ଯେତେବେଳେ ସେ ଖାଦ୍ୟ ପାଇଁ ଅପେକ୍ଷା କରିଥିଲେ ସେତେବେଳେ ଜଣେ ପୋଲିସ ଅଧିକାରୀ ତାଙ୍କ ଘରର କବାଟ ବାଡେଇଥିଲେ ।

  • PMAY
    Odisha ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି !

    ଭୁବନେଶ୍ୱର: ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ଅଭିଯୋଗ ଆଣି ରାଜ୍ୟ ସରକାରଙ୍କୁ ବିଜେପିର ଟାର୍ଗେଟ୍ । ଏମିତିକି ଏହି ଦୁର୍ନୀତି ଓ ଅନିୟମିତତା ପ୍ରତିବାଦରେ ଆସନ୍ତା ୭ରୁ ୯ ଯାଏଁ ଆନ୍ଦୋଳନ କରିବାକୁ ଦଳ...

  • COWIN
    Co Win ୫୦ ଦେଶ କୋ-ୱିନ୍‌ ଆପ୍‌ ବ୍ୟବହାର କରିବାକୁ ଆଗ୍ରହୀ

    ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇରେ ମୁଖ୍ୟ ଅସ୍ତ୍ର ଟିକା । ଆଉ ଏହି ବିଶ୍ୱର ସର୍ବବୃହତ ଟିକାକରଣ ଅଭିଯାନର ମେରୁଦଣ୍ଡ କୋ-ଓ୍ୱିନ୍ ଟିକା । ଉପଲବ୍ଧତା ଯାଞ୍ଚ ହେଉ, ସ୍ଲଟ୍ ବୁକିଂ ଅବା ରେଜିଷ୍ଟ୍ରେନ୍ କିମ୍ବା...

  • Small-girl
    Odisha ମା‘ ଭାଇର ଜୀବନ ବଞ୍ଚେଇ ଦେଲା କୁନି ଝିଅ

    ମୁରାଦାବାଦ୍‌: ଯେଉଁ ବୟସରେ ଚାଲି ଶିଖିବା କଥା ସେ ବୟସରେ ସେ ମାଆ ପାଇଁ ସାହାରା ହେଲା । ଅଜଣା ରାସ୍ତାରେ ମାଆ, ଭାଇ ପାଇଁ ଖୋଜି ଆଣିଲା ଉଦ୍ଧାରକାରୀ ଟିମ୍ । ଷ୍ଟେସନ୍‌ରେ ଅଚେତ୍ ଅବସ୍ଥାରେ...