ଇନ୍ଦ୍ରାଣୀ ଓ ପିଟର ମୁଖାର୍ଜୀଙ୍କ ସହ କାର୍ତ୍ତି ଚିଦାମ୍ବରମଙ୍କ ହେବ ମୁହାଁମୁହିଁ ଜେରା

ମୁମ୍ବାଇ:  INX ଲାଞ୍ଚ ମାମଲାରେ ଗିରଫ ହୋଇଥିବା କାର୍ତ୍ତି ଚିଦାମ୍ବରମଙ୍କୁ ମୁମ୍ବାଇ ନେଇଛି ସିବିଆଇ। ସେଠାରେ ଇନ୍ଦ୍ରାଣୀ ମୁଖାର୍ଜୀ ଓ ପିଟର ମୁଖାର୍ଜୀଙ୍କ ସହିତ କାର୍ତ୍ତି ଚିଦାମ୍ବରମଙ୍କୁ ସିବିଆଇ ମୁହାଁମୁହିଁ କରି ଜେରା କରିବ।

ପିଟର ମୁଖାର୍ଜୀ ଆଗରୁ INX  ମିଡିଆର ସହ-ମାଲିକ ଥିଲେ।  ଅଭିଯୋଗ ଅନୁସାରେ, ୨୦୦୭ରେ FDI ପାଇଁ ଅନୁମତି ଦେବାକୁ ସେତେବେଳର କେନ୍ଦ୍ର ଅର୍ଥମନ୍ତ୍ରୀ ପି. ଚିଦାମ୍ବରମଙ୍କୁ ଭେଟିଥିଲେ ପିଟର ମୁଖାର୍ଜୀ।  FDI ପାଇଁ ଅନୁମତି ବଦଳରେ ପୁଅ କାର୍ତ୍ତି ଚିଦାମ୍ବରମଙ୍କ ବ୍ୟବସାୟରେ ସାହାଯ୍ୟ କରିବାକୁ ଚିଦାମ୍ବରମ କୁଆଡ଼େ ପିଟର ମୁଖାର୍ଜୀଙ୍କୁ କହିଥିଲେ।

୩ ଶହ କୋଟି ଟଙ୍କାର FDI ଲାଗି କାର୍ତ୍ତି ଚିଦାମ୍ବରମ ୧୦ ଲକ୍ଷ ଟଙ୍କା ଲାଞ୍ଚ ନେଇଥିବା ମଧ୍ୟ ଅଭିଯୋଗ ଅଛି। ତେବେ ଏହି ଅଭିଯୋଗକୁ ପି. ଚିଦାମ୍ବରମ୍ ଓ କାର୍ତ୍ତି ଚିଦାମ୍ବରମ ଖଣ୍ଡନ କରୁଛନ୍ତି।  ଗତ ବୁଧବାର କାର୍ତ୍ତି ଚିଦାମ୍ବରମଙ୍କୁ ଗିରଫ କରିବା ପରେ ମଙ୍ଗଳବାର ଯାଏ ତାଙ୍କୁ ରିମାଣ୍ଡରେ ନେଇଛି ସିବିଆଇ।

You might also like