ଗେଟ୍ ୨୦୧୮: ଓଡ଼ିଶାର ଜ୍ୟୋତିରଞ୍ଜନ ଅଲ୍ ଇଣ୍ଡିଆ ଟପ୍ପର

ଭୁବନେଶ୍ୱର: ପୁଣିଥରେ ଓଡ଼ିଶା ପାଇଁ ଗର୍ବ ଓ ଗୌରବର କଥା। ଚଳିତ ବର୍ଷ ଗେଟ୍ (Graduate Aptitude Test in Engineering)-୨୦୧୮ ପରୀକ୍ଷାରେ ଓଡ଼ିଶାର ଜ୍ୟୋତିରଞ୍ଜନ ବାରିକ ସାରା ଭାରତରେ ଟପ୍ପର ହୋଇ ରାଜ୍ୟ ପାଇଁ ସୁନାମ ଆଣିଛନ୍ତି।

ଓଡିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟର ଛାତ୍ର ଜ୍ୟୋତିରଞ୍ଜନ ବାରିକ। ଜ୍ୟୋତିରଞ୍ଜନ ପରୀକ୍ଷାରେ agricultural engineering paper ରେ ସାମଗ୍ରିକ ଭାବେ ୯୫୯ମାର୍କ ରଖି ଟପ୍ପର ହୋଇଛନ୍ତି।

ଜ୍ୟୋତିରଞ୍ଜନଙ୍କ ଘର କଟକ ଫୁଲନଖରାରେ। ଆଇଆଇଟି ଖଡ଼ଗପୁରରୁ soil and water conservation engineeringରେ M.Tech କରିବା ପରେ ପିଏଚଡ଼ି କରି ଭବିଷ୍ୟତରେ ବୈଜ୍ଞାନିକ ହେବାକୁ ଲକ୍ଷ୍ୟ ରଖିଛନ୍ତି ବୋଲି ଜ୍ୟୋତିରଞ୍ଜନ କହିଛନ୍ତି। ଏଥିସହ ଏହି ସଫଳତାର ଶ୍ରେୟକୁ ସେ ତାଙ୍କ ବାପାଙ୍କୁ ଦେବା ସହ ତାଙ୍କ ଭାଇ, ଶିକ୍ଷକମାନେ ଯିଏକି ତାଙ୍କୁ ପାଠପଢ଼ାରେ ଅନେକ ସାହାଯ୍ୟ କରିଥିଲେ ଏନେଇ ଧନ୍ୟବାଦ ଜଣାଇଛନ୍ତି। ଗେଟ୍ ପାଇଁ ପ୍ରସ୍ତୁତ ହେଉଥିବା ଆଶାୟୀ ଛାତ୍ରଛାତ୍ରୀମାନଙ୍କୁ ଏକ ବାର୍ତ୍ତା ଦେଇଛନ୍ତି ଜ୍ୟୋତିରଞ୍ଜନ। ସେ କହିଛନ୍ତି ପ୍ରଥମେ କନସେପ୍ଟସ କ୍ଲିଅର କରି କିଛିଟା ଗୁରୁତ୍ୱପୂର୍ଣ୍ଣ ବିଷୟ ବସ୍ତୁ ଉପରେ ଧ୍ୟାନ ଦେଲେ ସଫଳତା ନିଶ୍ଚୟ ମିଳିବ।

ତାଙ୍କର ଏହି ସଫଳତାକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଅଭିନନ୍ଦନ ଜଣାଇଛନ୍ତି।

ଗେଟ୍ ର ଏହି ସ୍କୋରକୁ ବିଭିନ୍ନ Public Sector Undertakings (PSUs) ସେମାନଙ୍କ ଚୟନ ପ୍ରକ୍ରିୟାରେ ବ୍ୟବହାର କରିଥାନ୍ତି। ଫେବୁଆରୀ ୧୯ରେ ଆଇଆଇଟି ଗୁଆହାଟୀ ଗେଟ୍-୨୦୧୮ ପରୀକ୍ଷାର ଅଫିସିଆଲ ପ୍ରଶ୍ନ ପେପର୍ ଓ ଉତ୍ତର ରିଲିଜ କରିଥିଲା।

ସୂଚନା ଅନୁସାରେ, ଛାତ୍ରଛାତ୍ରୀମାନେ ସେମାନଙ୍କର ସ୍କୋର କାର୍ଡ଼ ମାର୍ଚ୍ଚ ୨୦ ରୁ ୩୧ ମଧ୍ୟରେ ଅଫିସିଆଲ ୱେବସାଇଟରୁ ଡାଉନଲୋଡ଼୍ କରିପାରିବେ। ସେମାନେ GOAPS portal କୁ ଯାଇ ମଧ୍ୟ ମାର୍ଚ୍ଚରେ ୨୦ରେ ସ୍କୋର କାର୍ଡ଼ ଡାଉନଲୋଡ଼୍ କରିପାରିବେ।

ସୂଚନାଥାଉ କି, ଲକ୍ଷ୍ନୌର ପ୍ରଶାନ୍ତ ଗୁପ୍ତା Chemistry ରେ All India Rank ପ୍ରଥମରେ ରହି ୧୦୦ରୁ ୭୧.୬୭ ପ୍ରତିଶତ ହାସଲ କରିଥିବା ବେଳେ, ଉତ୍ତରାଖଣ୍ଡର ନମିତା କଲ୍ରା କମ୍ପ୍ୟୁଟର ସାଇନ୍ସ ଇଞ୍ଜିନିୟରିଂରେ All India Rank ପ୍ରଥମରେ ଅଛନ୍ତି।

ଆହୁରି ପଢ଼ନ୍ତୁ

ଆଉ ୧୩୫ ଜଣ କରୋନା ଆକ୍ରାନ୍ତ ସୁସ୍ଥ; ଏଥର ଏହି ଜିଲ୍ଲାରେ ସର୍ବାଧିକ

Puri Rath Yatra 2020: ଗଜପତି ମହାରାଜାଙ୍କ ଚିଠି ପରେ କାହିଁକି ମୁହଁ ଖୋଲୁ ନାହାନ୍ତି ମୁଖ୍ୟମନ୍ତ୍ରୀ ?

ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡ଼ିଲେ ପୁଲିସ୍ ବାବୁ

Puri Rath Yatra 2020:ଶ୍ରୀମନ୍ଦିର ଭିତରେ କେମିତି ହେବ ବିଧିରକ୍ଷା; ସନ୍ଧ୍ୟାରେ ନିଷ୍ପତ୍ତି

କରୋନା ଅପ୍‌ଡେଟ୍: ୨୪ ଘଣ୍ଟାରେ ଦେଶରେ ୩୩୪ ଜଣଙ୍କ ମୃତ୍ୟୁ

ଏଜି ପକ୍ଷ ରଖିଲେ ମୁଖା ଖୋଲିଯିବ ସେଥିପାଇଁ ହରିଶ୍ ସାଲ୍‌ଭେଙ୍କୁ ନିୟୋଜିତ କରାଯାଇଥିଲା କି ?

‘ଭାଙ୍ଗିଗଲା ୫୦୦ ବର୍ଷର ପରମ୍ପରା’

ଆଜି ୯୭ କରୋନା ଆକ୍ରାନ୍ତ ସୁସ୍ଥ

ରଥଯାତ୍ରା ବନ୍ଦ ନେଇ କ’ଣ କହିଲେ ଗଜପତି ମହାରାଜା ?

‘ମୁହଁ ନ ଖୋଲି ରଥଯାତ୍ରା ବନ୍ଦ କଲେ, ଜଗନ୍ନାଥ ସବୁ ଦେଖୁଛନ୍ତି’

ସୁପ୍ରିମକୋର୍ଟରେ ଝୁଲୁଛି ରଥଯାତ୍ରା ଭାଗ୍ୟ: ଆସନ୍ତାକାଲି ଶୁଣାଣି

ସହିଦ ଦୁଇ ଓଡ଼ିଆଙ୍କ ପରିବାରକୁ ୨୫ ଲକ୍ଷ ଟଙ୍କାର ଅନୁକମ୍ପାରାଶି ଘୋଷଣା କଲେ ମୁଖ୍ୟମନ୍ତ୍ରୀ

You might also like