INX ମିଡିଆ ଲାଞ୍ଚ ମାମଲା : ପୁଅ କାର୍ତ୍ତି ପରେ ଅଡୁଆରେ ବାପା ପି.ଚିଦାମ୍ବରମ୍

ନୂଆ ଦିଲ୍ଲୀ :  INX ମିଡିଆ ଲାଞ୍ଚ କାରବାରରେ ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମଙ୍କୁ ଜେରା କରାଯାଇପାରେ। କେତେକ ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ପି. ଚିଦାମ୍ବରମଙ୍କୁ ସିବିଆଇ ମୁଖ୍ୟାଳୟକୁ ସମନ କରାଯିବ ଓ ଏ ମାମଲାରେ ତାଙ୍କୁ ପଚରା ଉଚରା କରାଯିବ। ତେବେ INX ଲାଞ୍ଚ ମାମଲାର ଏତଲାରେ ପି.ଚିଦାମ୍ବରମଙ୍କ ନାଁ ନାହିଁ। କିନ୍ତୁ ଯେଉଁ ସମୟରେ ଲାଞ୍ଚ କାରବାର ହୋଇଥିଲା, ସେହି ସମୟରେ ପି.ଚିଦାମ୍ବରମ୍ କେନ୍ଦ୍ର ଅର୍ଥମନ୍ତ୍ରୀ ଥିଲେ ଏବଂ  INXକୁ ବେଆଇନ ଭାବେ FDI ଅନୁମତି ଦେବାରେ ତାଙ୍କର କିଛି ଭୂମିକା ଥିଲା କି ନାହିଁ, ସେ ସଂପର୍କରେ ସିବିଆଇ ପି.ଚିଦାମ୍ବରମଙ୍କୁ ଜେରା କରିବ।

ଗତକାଲି ପି.ଚିଦାମ୍ବରମଙ୍କ ପୁଅ କାର୍ତ୍ତି ଚିଦାମ୍ବରମଙ୍କୁ ରିମାଣ୍ଡରେ ନେଇଛି। ସିବିଆଇ ଅଭିଯୋଗ ଅନୁସାରେ ବାପା ପି.ଚିଦାମ୍ବରମ କେନ୍ଦ୍ର ଅର୍ଥମନ୍ତ୍ରୀ ଥିବାବେଳେ କାର୍ତ୍ତି ନିଜ ପ୍ରଭାବ ବିସ୍ତାର କରି INX ମିଡିଆକୁ ୩ ଶହ କୋଟି ଟଙ୍କାର ବିଦେଶୀ ପୁଂଜି ସଂଗ୍ରହରେ ସହଯୋଗ କରିଥିଲେ। ଏଥିପାଇଁ କାର୍ତ୍ତିଙ୍କ କମ୍ପାନି ୧୦ ଲକ୍ଷ ଟଙ୍କା ଲାଞ୍ଚ ନେଇଥିବା ଏତଲାରେ ଦର୍ଶାଇଛି ସିବିଆଇ।

You might also like