୫ଜଣଙ୍କୁ ହତ୍ୟା ଧମକ ଦେଲେ ମାଓବାଦୀ

କୋରାପୁଟ: ପୋଷ୍ଟର ଜରିଆରେ ୫ ଜଣଙ୍କୁ ମାଓବାଦୀମାନେ ହତ୍ୟା ଧମକ ଦେଇଛନ୍ତି। ଏଭଳି ଧମକପୂର୍ଣ୍ଣ ପୋଷ୍ଟର ଲାଗିଛି କୋରାପୁଟ ବୈପାରୀଗୁଡ଼ା ଥାନା ଦଣ୍ଡାବାଡ଼ି ଅଞ୍ଚଳରେ। ବିକାଶ ନାଁରେ ଗାଁରେ ବିନାଶ ଚାଲିଥିବା ପୋଷ୍ଟରରେ ଉଲ୍ଲେଖ ରହିଛି। ବିକାଶ କେବଳ ସରକାରୀ ବାବୁଙ୍କର ହେଉଛି ବୋଲି ଏଥିରେ ଲେଖାଯାଇଛି। ସିପିଆଇ ମାଓବାଦୀ ମାଲକାନଗିରି, କୋରାପୁଟ ଓ ବିଶାଖାପାଟଣା ବର୍ଡର ବା MKVB କମିଟି ନାଁରେ ଏହି ପୋଷ୍ଟର ଲଗାଯାଇଛି।

ରତାଖଣ୍ଡର ଆନନ୍ଦ ନାୟକ, ଦଣ୍ଡାବାଡ଼ିର ପୁଲୋ ନାୟକ, ଲୋକିରାମ ବାରିକ, ସୁରି ବାରିକ ଏବଂ ମାଝିଗୁଡ଼ାର କୋବରାଜକିରା ନାଁରେ ପୋଷ୍ଟର ମରାଯାଇଛି। ପୋଷ୍ଟରରେ ଆନନ୍ଦ ନାୟକଙ୍କ ନାଁ ଉଲ୍ଲେଖ ଥିବା ବେଳେ ଗତ ୧୫ ତାରିଖ ଦିନ ତାଙ୍କ ଉପରକୁ ଗୁଳିମାଡ଼ ହୋଇଥିଲା ଏଭଳିସ୍ଥଳେ ଆନନ୍ଦଙ୍କ ସହ ୫ଜଣଙ୍କୁ ମୃତ୍ୟୁଦଣ୍ଡ ଧମକକୁ ପୂର୍ବ ଶତ୍ରୁତା କିମ୍ବା ମାଓବାଦୀଙ୍କ କାଣ୍ଡ ବୋଲି ସନ୍ଦେହ କରାଯାଉଛି।

You might also like