ମଦ ଦୋକାନକୁ ନେଇ ତାତି

କେନ୍ଦ୍ରାପଡ଼ା: ମଦ ଦୋକାନକୁ ନେଇ ତୁମୁଳକାଣ୍ଡ। ମଦ ଦୋକାନ ଖୋଲିବାକୁ କେନ୍ଦ୍ରକରି କେନ୍ଦ୍ରାପଡା ଜିଲ୍ଲା ମାର୍ଶାଘାଇ ଅଙ୍ଗୁଳେଇରେ ମାରପିଟ୍‌ ହୋଇଥିବା ବେଳେ ଉତ୍ତେଜନା ପ୍ରକାଶ ପାଇଛି। ଏଥିରେ ୪ ଜଣ ଆହତ ହୋଇଥିବା ସୂଚନା ମିଳିଛି।

ମଦ ଦୋକାନ କର୍ମଚାରୀଙ୍କ ମାଡ଼ରେ ସରପଞ୍ଚଙ୍କ ସ୍ୱାମୀଙ୍କ ସହ ଅନ୍ୟ ଜଣେ ଆହତ ହୋଇଥିବା ଅଭିଯୋଗ ହୋଇଛି। ଏମିତିକି ମହିଳା ସରପଞ୍ଚଙ୍କୁ ମଧ୍ୟ ଟଣାଓଟରା କରାଯାଇଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ ଉତ୍ତ୍ୟକ୍ତ ଲୋକେ ମଦ ଦୋକାନ ମାଲିକ ଓ ଜଣେ କର୍ମଚାରୀଙ୍କୁ ମାଡ଼ ମାରିବା ସହ ୨ଟି ଗାଡ଼ି ପୋଡ଼ି ଦେଇଛନ୍ତି। ଗଣ୍ଡଗୋଳ, ମାରପିଟ୍‌ରେ ଉଭୟ ପକ୍ଷରୁ ୪ଜଣ ଆହତ ହୋଇଥିବା ସୂଚନା ମିଳିଛି।

ସୂଚନାଥାଉ କି, ଗତକାଲି କେନ୍ଦ୍ରାପଡା ଜିଲ୍ଲା ଅଙ୍ଗୁଳେଇ ବଜାରରେ ମଦ ଦୋକାନ ଖୋଲାକୁ ବିରୋଧ କରି ରାସ୍ତାରୋକ ହୋଇଥିଲା। ମାର୍ଶାଘାଇ ତହସିଲଦାର ଓ ଡିଏସ୍‌ପି ଘଟଣାସ୍ଥଳକୁ ଯାଇ ଆନ୍ଦୋଳନକାରୀଙ୍କ ସହ ଆଲୋଚନା କରିବା ସହ ମଦ ଦୋକାନ ବନ୍ଦ କରାଇଥିଲେ। ହେଲେ ଆଜି ଦୋକାନ ମାଲିକ ପୁଣି ଦୋକାନ ଖୋଲିଥିବାରୁ ଏଭଳି ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି।

ସେପଟେ ମଦ ଦୋକାନକୁ ବନ୍ଦ କରାଯିବାକୁ କହିଛନ୍ତି ସଦରଥାନା ଅଧିକାରୀ। ତେବେ ଏନେଇ ମଦ ଦୋକାନ ମାଲିକର ପ୍ରତିକ୍ରିୟା ମିଳିପାରିନି।

You might also like
Comments
Loading...