ଆରଏସ୍ଏସ୍ କାର୍ଯ୍ୟକ୍ରମରେ ଅତିଥି ହେବାକୁ ପ୍ରଣବ ମୁଖାର୍ଜୀଙ୍କ ସହମତି ପରେ କଂଗ୍ରେସରେ କମ୍ପନ

ନୂଆଦିଲ୍ଲୀ: ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ନେଇ ହଲ୍‌ଚଲ୍ ଦେଶର ରାଜନୀତି। ଆସନ୍ତା ୭ ତରିଖରେ ନାଗପୁର ଆର୍‌ଏସ୍ଏସ୍ କାର୍ଯ୍ୟକ୍ରମରେ ମୁଖ୍ୟ ଅତିଥି ହେବା ଲାଗି ପ୍ରଣବ ରାଜି ହେବା ପରେ ସୃଷ୍ଟି ହୋଇଛି ଭ୍ରୁକୁଞ୍ଚନ।  କଂଗ୍ରେସିଆ ଛବିକୁ ପଛରେ ପକାଇ ସେ ଏକ ନୂଆ ଅବତାର ନେବାକୁ ଚେଷ୍ଟା କରୁଥିବା ଚର୍ଚ୍ଚା ହେଉଛି। ପରୋକ୍ଷ ପୃଷ୍ଠଭୂମିରେ ରହି ସେ ହିଁ ଆଗାମୀ ନିର୍ବାଚନରେ କଂଗ୍ରେସ ଓ ବିଜେପିକୁ ଛାଡ଼ି ଅନ୍ୟ ଦଳଙ୍କ ସହାୟତାରେ ତୃତୀୟ ସାମ୍ମୁଖ୍ୟ ଗଠନ ଲାଗି ଗୋଟି ଚାଳନା କରୁଥିବା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ଜୋରଦାର ଧରିଛି।

former presidnet ଆରଏସ୍ଏସ ବୈଠକକୁ ପ୍ରଣବ ଅତିଥି ହୋଇ ଯିବା କଥାକୁ ଅନେକ ନେତା ବିଶ୍ୱାସ କରି ପାରୁନାହାନ୍ତି। କିନ୍ତୁ ଏହା ସମ୍ପୂର୍ଣ୍ଣ ସତ। ତେବେ ପ୍ରଣବଙ୍କ ଏଭଳି ଆଭିମୁଖ୍ୟ ପରିବର୍ତ୍ତନ ପଛର କାରଣକୁ ନେଇ ଚର୍ଚ୍ଚା ଚାଲିଥିବା ବେଳେ ଭାରତୀୟ ରାଜନୀତିର ଏହି ପୁରୁଖା ନେତା ଭିନ୍ନ ଗୋଟିଚାଳନା କରୁଥିବା ଚର୍ଚ୍ଚା ହେଉଛି। ପରଦା ପଛରେ ରହି ପ୍ରଣବ ଦେଶରେ ତୃତୀୟ ସାମ୍ମୁଖ୍ୟ ଗଠନ ଲାଗି ଉଦ୍ୟମ କରୁଥିବା କୁହାଯାଉଛି।

 naveen meetimgଗୁରୁତ୍ୱପୂର୍ଣ୍ଣ କଥା ହେଉଛି ନବୀନ ନିବାସରେ ଗତ ଜାନୁଆରୀ ମାସରେ ଏ ଲଞ୍ଚ ଡିପ୍ଲୋମାସିରୁ ହିଁ କୁଆଡ଼େ ତୃତୀୟ ସାମ୍ମୁଖ୍ୟ ଗଠନର ମୂଳଦୁଆ ପଡ଼ିଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି। ବିଜୁ ବାବୁଙ୍କ ଜୀବନୀ ପୁସ୍ତକ ଉନ୍ମୋଚନ ଅବସରରେ ଏକାଠି ହୋଇଥିଲେ ପ୍ରଣବ, ନବୀନ, ଆଡଭାନୀ, ଦେବେଗୌଡ଼ା ଓ ସୀତାରାମ ୟେଚୁରୀ। ଏହାର ବହୁ ଆଗରୁ ରାଷ୍ଟ୍ରପତି ଭବନରେ ନବୀନ, ମମତା ଓ ପ୍ରଣବଙ୍କ ମଧ୍ୟରେ ଏହାର ପ୍ରାରମ୍ଭିକ ଆଲୋଚନା ହୋଇଥିବା କୁହାଯାଉଛି।

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ପ୍ରଣବଙ୍କ ଘନିଷ୍ଠତା ଏବଂ ଏବେ ମମତା ଓ ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ତୃତୀୟ ସାମ୍ମୁଖ୍ୟ ଗଠନ ଉଦ୍ୟମର ଆଗରେ ରହିଥିବାରୁ ଏଥିରେ ପ୍ରଣବଙ୍କ ଗୋଟି ଚାଳନା ଥିବା ଚର୍ଚ୍ଚା ହେଉଛି।

କଂଗ୍ରେସର ଜଣେ ପ୍ରଗାଢ଼ ଅନୁରକ୍ତ ହୋଇଥିଲେ ବି ଦଳ ପ୍ରଣବଙ୍କୁ ଅନେକ ଥର ନିରାଶ କରିଛି। ଖାସ୍ କରି ୨୦୦୪ରେ ପ୍ରଣବ ପ୍ରଧାନମନ୍ତ୍ରୀ ପଦ ଲାଗି ପ୍ରମୁଖ ଦାବିଦାର୍ ମନେ କରାଯାଉଥିଲେ ମଧ୍ୟ ମନମୋହନଙ୍କୁ ଗାଦିରେ ବସାଇ ଥିଲେ ସୋନିଆ। ଏହା ପ୍ରଣବଙ୍କ ପାଇଁ ଥିଲା ସବୁଠୁ ବଡ଼ ଝଟ୍‌କା ପ୍ରଣବ ନିଜ ବହିରେ ମଧ୍ୟ ମନର ନୈରାଶ୍ୟକୁ ବର୍ଣ୍ଣନା କରିଛନ୍ତି। ତେଣୁ କେନ୍ଦ୍ରରେ ଏକ ଅଣବିଜେପି, ଅଣକଂଗ୍ରେସ ସରକାର ଗଠନ ଲାଗି ସେ ପ୍ରୟାସ କରୁଥିବା ଚର୍ଚ୍ଚା ଚାଲିଛି।

ଆହୁରି ପଢ଼ନ୍ତୁ

ସ୍ୱେଚ୍ଛାସେବୀଙ୍କ ବିରୋଧରେ ୧୦୦ କୋଟିର ମାନହାନି ମୋକଦ୍ଦମା କଲା ସେରମ୍‌

ଟିକେଟ୍‌ ବଣ୍ଟନକୁ ନେଇ ବିଜେପି ମନ୍ତ୍ରୀଙ୍କ ବିବାଦୀୟ ବୟାନ

ରାଜନୈତିକ ଦଳ ଗଠନ କରିପାରନ୍ତି ରଜନୀକାନ୍ତ

ମୁଖ୍ୟସ୍ରୋତକୁ ଫେରିବା ପାଇଁ ସଂଗଠନ ଛାଡ଼ିଲେ ହାର୍ଡକୋର ମାଓବାଦୀ

କୁକୁର ସହ ଖେଳୁଥିବାବେଳେ ପଡ଼ିଗଲେ ଜୋ ବାଇଡେନ

୧୧୦ ଶ୍ରମିକଙ୍କ ମୁଣ୍ଡ କାଟି ହତ୍ୟା କଲେ ଆତଙ୍କୀ, ମହିଳାଙ୍କୁ ଉଠାଇ ନେଲେ

ଚାଷୀ ଆନ୍ଦୋଳନ ନେଇ ବିଜେପି ନେତାଙ୍କ ବୈଠକ

କରୋନା ବଢ଼ାଇଲା କୁକୁଡ଼ା ଦାମ୍‌, ଗୋଟାକୁ ୮୫୦

ବାଂଲାଦେଶୀ, ରୋହିଙ୍ଗ୍ୟାଙ୍କୁ ବିତାଡ଼ିତ ନ କରିବା ଅଭିଯୋଗ ଉପରେ କଡ଼ା ଆଭିମୁଖ୍ୟ ରଖିଲେ ଶାହ

କିମ୍‌ଙ୍କୁ ନେଇ ସାଂଘାତିକ ପ୍ରତିକ୍ରିୟା ରଖିଲେ ସାଂସଦ

ବର୍ଷକରେ ମଲେ ୨୬ ବାଘ

ଅଭିନେତ୍ରୀ ଦିବ୍ୟାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର, ଭେଣ୍ଟିଲେଟରରେ ଭର୍ତ୍ତି

You might also like