ମତ୍ସ୍ୟଜୀବୀଙ୍କ ଲାଗି ସମୁଦ୍ର ବାରଣ

ବାଲେଶ୍ୱର: ବାଲେଶ୍ୱର ଜିଲ୍ଲା ଉପକୂଳରେ ମତ୍ସ୍ୟଜୀବୀଙ୍କ ଲାଗି ସମୁଦ୍ର ବାରଣ। ମାଛଙ୍କ ବଂଶବିସ୍ତାର ସମୟ ହୋଇଥିବାରୁ ଗଭୀର ସମୁଦ୍ରରେ ଟ୍ରଲର ଚଳାଚଳକୁ ବନ୍ଦ ରଖିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର।  ଏପ୍ରିଲ ୧୫ରୁ ଜୁନ ୧୫ ତାରିଖ ପର୍ଯ୍ୟନ୍ତ ମାଛମରା ଉପରେ କଟକଣା ଲାଗିଛି।

ଗୋଟିଏ ପଟେ ଏହାକୁ ଟ୍ରଲର ମାଲିକମାନେ ସ୍ୱାଗତ କରିଥିବା ବେଳେ ଅନ୍ୟପଟେ ଏହି ସମୟରେ ସେମାନଙ୍କୁ ସରକାରୀ ପ୍ରୋତ୍ସାହନ ରାଶି ମିଳୁନଥିବାରୁ କ୍ଷୋଭ ପ୍ରକାଶ କରିଛନ୍ତି। ଦୁଇ ମାସ ଧରି ମାଛମରା ବନ୍ଦ ଥିବାରୁ ଟ୍ରଲର ମାଲିକ ଅନେକ କ୍ଷତି ସହୁଛନ୍ତି ଏଣୁ ଏହି ସମୟରେ ସରକାରୀ ସାହାଯ୍ୟ ପାଇଁ ସେମାନେ ଦାବି କରିଛନ୍ତି।

ଏହି ୨ ମାସ ଭିତରେ ସମୁଦ୍ର ଉପକୂଳରୁ ୮  କିଲୋମିଟର ଭିତରେ କଟକଣା ନ ଥିବାରୁ ଛୋଟ ଡଙ୍ଗାରେ ମାଛମାରୁଛନ୍ତି ମତ୍ସ୍ୟଜୀବୀ।  ଏହି ସମୟରେ ମତ୍ସ୍ୟଜୀବୀଙ୍କୁ ବାୟୋମେଟ୍ରିକ୍ସ କାର୍ଡରେ ସରକାର ରାସନ୍‌ ଯୋଗାଉଛନ୍ତି। କିନ୍ତୁ ବାଲେଶ୍ୱର ଜିଲ୍ଲାର ବିଭିନ୍ନ ଟ୍ରଲରରେ କାମ କରୁଥିବା ମତ୍ସ୍ୟଜୀବୀ ଏହି ସୁବିଧାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି।

You might also like