ଲୋମଶ ଶିଶୁ କାହ୍ନାର ପ୍ରଥମ ପର୍ଯ୍ୟାୟ ଅପରେସନ୍

ବ୍ରହ୍ମପୁର:  ଦୀର୍ଘ ସାଢ଼େ ୫ ଘଣ୍ଟା ପରେ ଅାଜି ବ୍ରହ୍ମପୁର ମେଡିକାଲ୍‌ରେ ଶେଷ ହୋଇଛି ଲୋମଶ ଶିଶୁ କାହ୍ନାର ପ୍ରଥମ ପର୍ଯ୍ୟାୟ ଅପରେସନ୍। ଏହି ଅପରେସନ୍ ସଫଳ ହୋଇଥିବା ଡାକ୍ତର କହିଛନ୍ତି। ଗଂଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକ୍‌ ଗାୟଗଣ୍ଡାର ଲୋମଶ ଶିଶୁ କାହ୍ନାର ଏହି ବିରଳ ଅସ୍ତ୍ରୋପଚାର ପରେ ସେ ନୂଅା ଚେହେରା ପାଇବ ବୋଲି ଅାଶା କରାଯାଉଛି। ଏମ୍‌କେସିଜି ଅଧୀକ୍ଷକ, ପ୍ଲାଷ୍ଟିକ୍ ସର୍ଜରୀ ବିଭାଗ ମୁଖ୍ୟ ଓ ନିଶ୍ଚେତକ ଡାକ୍ତରଙ୍କ ତତ୍ତ୍ୱାବଧାନରେ ଅପରେସନ୍ କରିଥିଲା ୧୨ ଜଣିଅା ଡାକ୍ତରୀ ଟିମ୍।  ଅାଜି ପ୍ରଥମ ପର୍ଯାୟରେ କେବଳ ମୁହଁରେ ସ୍କିନ୍‌ ଗ୍ରାଫ୍‌ଟିଂ ଓ ଲେଜର ଚିକିତ୍ସା କରାଯାଇଛି। ଅାଗାମୀ ପର୍ଯ୍ୟାୟରେ ପୂରା ଶରୀରରେ ଅସ୍ତ୍ରୋପଚାର କରାଯିବ ବୋଲି ସୂଚନା ମିଳିଛି। ଏବେ କାହ୍ନାକୁ ୪୮ ଘଣ୍ଟା ପାଇଁ SNCUରେ ଅବଜରଭେସନ୍‌ରେ ରଖାଯାଇଛି। ପୂର୍ବରୁ ପ୍ଲାଷ୍ଟିକ ସର୍ଜରୀ ଓ୍ୱାର୍ଡରେ କାହ୍ନାକୁ ଚିକିତ୍ସା କରାଯାଉଥିଲା। କାହ୍ନାର ମୁହଁରେ ଟ୍ୟୁମର ଭଳି ମାଂସ ଓହଳି ପଡ଼ିଛି। ତା’ସହର ମୁଣ୍ଡରୁ ପାଦ ଯାଏଁ ଲୋମ ମାଡ଼ିଯାଇଛି। ଫଳରେ ଅସ୍ୱାଭାବିକ ଦେଖାଯାଉଛି କାହ୍ନାର ମୁହଁ ଏବଂ ସାରା ଶରୀର।

You might also like