ପୁଣି କାନ୍ଧରେ ବୁହାହେଲେ ଗର୍ଭବତୀ

ନୂଆପଡ଼ା: ପୁଣି କାନ୍ଧରେ ବୁହାହେଲେ ଗର୍ଭବତୀ। ଦୀର୍ଘ ୪ କିଲୋମିଟର ପାହାଡିଆ ରାସ୍ତାରେ ବୁହା ହୋଇ ଆମ୍ବୁଲାନ୍ସ ପର୍ଯ୍ୟନ୍ତ ତାଙ୍କୁ ଆଣିବାକୁ ପଡିଥିଲା। ନୂଆପଡା ଜିଲ୍ଲା କିରିକିଟା ପଞ୍ଚାୟତର କପରଗଡ ଗାଁରେ ଦେଖିବାକୁ ମିଳିଛି ଏଭଳି ଘଟଣା।

ଗାଁର ଉକାଳୁ ମାଝୀଙ୍କ ପତ୍ନୀ ପୁନିତା ମାଝୀଙ୍କ ପ୍ରସବ ଜନିତ ଯନ୍ତ୍ରଣା ହେବାରୁ ଆମ୍ବୁଲାନ୍ସକୁ ଫୋନ କରାଯାଇଥିଲା କିନ୍ତୁ ପାହାଡ ଉପରେ ଥିବା ଏହି ଗାଁକୁ ଗମନାଗମନର ସୁବିଧା ନଥିବାରୁ ଆମ୍ବୁଲାନ୍ସ ପହଞ୍ଚିପାରିନଥିଲା।

ଫଳରେ ଆମ୍ବୁଲାନ୍ସରେ ଥିବା ଷ୍ଟ୍ରେଚରକୁ ଗାଁକୁ ନେଇ ଗର୍ଭବତୀଙ୍କ କାନ୍ଧରେ ଭାରା କରି ଆଣିଲେ ଆମ୍ବୁଲାନ୍ସ କର୍ମଚାରୀ ଏବଂ ଗାଁ ଲୋକେ। ଏହାପରେ ତାଙ୍କୁ ଖଡିଆଳ ଏବଂ ପରେ ନୂଆପଡା ହସ୍ପିଟାଲରେ ଭର୍ତ୍ତି କରାଯାଇଥିଲା।

You might also like