ମନି ଲଣ୍ଡରିଂ ମାମଲାରେ ମିସା ଭାରତୀ ଓ ତାଙ୍କ ସ୍ୱାମୀଙ୍କୁ ସର୍ତ୍ତମୂଳକ ଜାମିନ

ନୂଆଦିଲ୍ଲୀ: ମନି ଲଣ୍ଡରିଂ ମାମଲାରେ ଦିଲ୍ଲୀର ଏକ ସ୍ପେଶାଲ କୋର୍ଟ ଆରଜେଡ଼ି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ଝିଅ ମିସା ଭାରତୀ ଓ ତାଙ୍କ ସ୍ୱାମୀଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି।

ମିସା ଭାରତୀ ଓ ତାଙ୍କ ସ୍ୱାମୀ ଶୈଳେଶ କୁମାରଙ୍କ ବିରୋଧରେ ସମନ ଜାରି ପରେ ସେମାନେ ଆଜି କୋର୍ଟରେ ହାଜର ହୋଇଥିଲେ।

ଜାମିନ ବଦଳରେ ସେମାନଙ୍କୁ ବନ୍ଧକ ସ୍ୱରୂପ ପ୍ରତ୍ୟେକ ୨ ଲକ୍ଷ ଟଙ୍କାର ଏକ ପର୍ସନାଲ ବଣ୍ଡ ସହ କୋର୍ଟର ବିନା ଅନୁମତିରେ ଦେଶ ନଛାଡିବାକୁ କୋର୍ଟ ନିର୍ଦ୍ଦେଶ  ଦେଇଛନ୍ତି।

ଅନ୍ୟପକ୍ଷରେ, କୋର୍ଟର ଶୁଣାଣି ବେଳେ  ପ୍ରବର୍ତ୍ତନ ନିର୍ଦ୍ଦେଶାଳୟ ମିସା ଓ ତାଙ୍କ ସ୍ୱାମୀଙ୍କ ଜାମିନକୁ ବିରୋଧ କରିଛି। ସେମାନେ ଆର୍ଥିକ ଅପରାଧରେ ବହୁ ଗମ୍ଭୀର ଭାବେ ଜଡ଼ିତ ବୋଲି ଇଡି କହିଛି।

ମନି ଲଣ୍ଡରିଂ ମାମଲାକୁ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ଗତ ଡ଼ିସେମ୍ବର ୨୩ରେ ଭାରତୀ ଓ ତାଙ୍କ ସ୍ୱାମୀ ଶୈଳେଶଙ୍କ ବିରୋଧରେ ଫାଇନାଲ ରିପୋର୍ଟ ଦାଖଲ କରିବା ସହ ଦିଲ୍ଲୀର ଏକ ଫାର୍ମହାଉସକୁ ମଧ୍ୟ ବ୍ୟାଜ୍ୟାପ୍ତ କରିଥିଲା।

ଏହି ଫାର୍ମହାଉସ ଦକ୍ଷିଣ ଦିଲ୍ଲୀର ବିଜୱାସନ ସ୍ଥିତ ପାମ୍ ଫାର୍ମସ୍, ୨୬ରେ ଅବସ୍ଥିତ। ଏହି ଫାର୍ମହାଉସ M/s Mishail Packers and Printers Private Limited ନାଁରେ ନାମିତ ବୋଲି ଇଡି ଉଲ୍ଲେଖ କରିଛି।।

ଏହା ୨୦୦୮-୦୯ ମସିହାରେ ୧.୨ କୋଟି ଟଙ୍କାର କଳାଟଙ୍କାକୁ ଧଳା କରାଯାଇ କିଣାଯାଇଥିଲା ବୋଲି ଇଡି ଦର୍ଶାଇଛି।

You might also like