ଭୁବନେଶ୍ୱର ରେଳ ଷ୍ଟେସନର ଆଧୁନିକୀକରଣ ଏମ୍ଓୟୁକୁ ନେଇ ବିବାଦ

ଭୁବନେଶ୍ୱର : MOU ନୁହେଁ, MOU ସ୍ୱାକ୍ଷର ସ୍ଥାନକୁ ନେଇ ଟଣାଓଟରା। ରେଳ ମନ୍ତ୍ରାଳୟ ଓ ରାଜ୍ୟ ସରକାରଙ୍କ ଏ ଦୁଇ ଚିଠି ତାର ପ୍ରମାଣ। ମୁହାଁମୁହିଁ ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରେଳମନ୍ତ୍ରୀ ପୀୟୁଷ ଗୋୟେଲ୍। ଭୁବନେଶ୍ୱର ରେଳ ଷ୍ଟେସନ୍ ଆଧୁନିକୀକରଣ ଏମ୍ଓୟୁକୁ ନେଇ ଉପୁଜିଛି ଏହି ବିବାଦ। ଗତ ଏପ୍ରିଲ୍ ୨୭ରେ ରେଳମନ୍ତ୍ରୀ ପୀୟୁଷ ଗୋୟଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଲେଖିଥିବା ଏହି ଚିଠିରେ ମେ ୨୩ ତାରିଖ ଅର୍ଥାତ ଆସନ୍ତାକାଲି ଦିଲ୍ଲୀରେ MOU ସ୍ୱାକ୍ଷର କଥା ଉଲ୍ଲେଖ କରିଛନ୍ତି। ଏଥିରେ ଯୋଗଦେବାକୁ ସେ ମୁଖ୍ୟମନ୍ତ୍ରୀଙ୍କୁ ଆମନ୍ତ୍ରଣ ବି କରିଛନ୍ତି।

ରେଳମନ୍ତ୍ରୀଙ୍କ ଚିଠି ପାଇବାର ପ୍ରାୟ ତିନି ସପ୍ତାହ ପରେ ଓ କାର୍ଯ୍ୟକ୍ରମର ୨ ଦିନ ପୂର୍ବରୁ ନବୀନ ଚିଠି ଲେଖି MOU ଦିଲ୍ଲୀ ବଦଳରେ ଭୁବନେଶ୍ୱରରେ କରାଯାଉ ବୋଲି କହିଛନ୍ତି। ଭୁବନେଶ୍ୱର ଷ୍ଟେସନ୍‌କୁ ଏକ ବିଶ୍ୱସ୍ତରୀୟ ଷ୍ଟେସନ୍ ଭାବେ ବିକଶିତ କରିବା ପାଇଁ ଏହି ବୁଝାମଣା ହେବ, ଯେଉଁଥିପାଇଁ ରାଜ୍ୟ ସରକାର ଜମି ଓ ଅର୍ଥ ଯୋଗାଇ ଦେବେ। ଭୁବନେଶ୍ୱର ସହରବାସୀଙ୍କ ପାଇଁ ଏହି ପ୍ରକଳ୍ପ ବେଶ୍ ଗୁରୁତ୍ୱ ରଖୁଥିବାରୁ ଏଠାରେ MOU ସ୍ୱାକ୍ଷର କରାଯାଉ ବୋଲି ନବୀନ ଉଲ୍ଲେଖ କରିଛନ୍ତି। ତେବେ ଏହାକୁ ନେଇ ବିଜେଡି ଓ ବିଜେପି ମଧ୍ୟରେ ଆରୋପ-ପ୍ରତ୍ୟାରୋପ ଆରମ୍ଭ ହୋଇଯାଇଛି।

ଏହି ପ୍ରକଳ୍ପ ପାଇଁ ଗତ ଜାନୁୟାରୀ ୨୦ ତାରିଖରେ ଭୁବନେଶ୍ୱରରେ ବୁଝାମଣା ପତ୍ର ସ୍ୱାକ୍ଷର ପାଇଁ ସମୟ ଧାର୍ଯ୍ୟ ହୋଇଥିଲା। ଏନେଇ ବିଜ୍ଞାପନ ବି ପ୍ରକାଶ ପାଇଥିଲା। ତେବେ ଶେଷ ମୁହୂର୍ତ୍ତରେ ରେଲ୍‌ୱେ ଅଧିକାରୀ ନଆସିବାରୁ କାର୍ଯ୍ୟକ୍ରମ ବାତିଲ୍ କରିବାକୁ ପଡ଼ିଥିଲା। ଏବେ ପ୍ରଶ୍ନ ଉଠୁଛି କାହିଁକି ସ୍ଥାନକୁ ନେଇ ଟଣାଓଟରା ? ଉଭୟ ଦଳ ଏହି ପ୍ରକଳ୍ପରୁ ରାଜନୈତିକ ଫାଇଦା ଉଠାଇବାକୁ ଚାହୁଁଛନ୍ତି କି ? ଏଭଳି ଟଣାଓଟରା ଦ୍ୱାରା ରେଳ ବିକାଶରେ ବାଧା ସୃଷ୍ଟି ହେଉ ନାହିଁ କି?

କେନ୍ଦ୍ର-ରାଜ୍ୟ ମଧ୍ୟରେ ବିବାଦ କିଛି ନୂଆ ନୁହେଁ।  କିନ୍ତୁ MOU ସ୍ଥାନକୁ ନେଇ ଯେଭଳି ଟଣାଓଟରା ପଦାକୁ ଆସିଛି, ତାକୁ ନେଇ ନାନା ପ୍ରଶ୍ନ ଉଠିଛି।

 

ଆହୁରି ପଢ଼ନ୍ତୁ

କୋରାପୁଟରୁ କଟକ: ପୂରଣ ହେଲା ଆଦିବାସୀ ଝିଅର ସଙ୍ଗୀତ ସ୍ଵପ୍ନ

ଦିନକରେ ସୁସ୍ଥ ହେଲେ ୪୦୧୮ କରୋନା ଆକ୍ରାନ୍ତ

Bhubaneswar Corona News: ଭୁବନେଶ୍ୱରରୁ ୩୨୫ କରୋନା ଆକ୍ରାନ୍ତ ଚିହ୍ନଟ, ୨୧୮ ଲୋକାଲ କେସ୍

ଶ୍ରୀକୃଷ୍ଣଙ୍କ ପ୍ରେମରେ ବାୟା ଋଷିଆନ୍ ଦମ୍ପତି

‘ବିଜେଡିର ବିରୋଧ ପଛରେ ସିବିଆଇ ରେଡ୍’

ବୋହୂର ପିଲାପିଲି ନହେବାରୁ ଶ୍ୱଶୁର ଭିଆଇଲା ଏଭଳି କାଣ୍ଡ

ରାଜ୍ୟରେ କାହିଁକି ବଢ଼ୁଛି କରୋନା ସଂକ୍ରମଣ?

ଡାକ୍ତରଖାନା ଷ୍ଟ୍ରେଚରରେ ରୋଗୀଙ୍କୁ ଶୁଆଇ ସହର ବୁଲିଲେ ସଂପର୍କୀୟ

ରାଜ୍ୟସଭାରେ କୃଷି ବିଲ୍‌କୁ ବିରୋଧ କଲା ବିଜେଡି

ଘର ଭିତରୁ ମିଳିଲା ବାଘର କଟା ମୁଣ୍ଡ, ଛାଲ

‘ଧାର୍ମିକ ଭାବନାକୁ ଆଘାତ ଦେଇ ଫେସବୁକ୍‌ରେ ପୋଷ୍ଟ କରିଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ’

ଦିନକରେ ୧୦ ଆକ୍ରାନ୍ତଙ୍କ ମୃତ୍ୟୁ, ଓଡ଼ିଶାରେ ୭୦୦ ଟପିଲା କରୋନା ମୃତ୍ୟୁ ସଂଖ୍ୟା

You might also like