ବଦଳିପାରେ CBSE ଗଣିତ ପରୀକ୍ଷା ଢାଞ୍ଚା

ନୂଆଦିଲ୍ଲୀ: ବଦଳିପାରେ CBSE ଗଣିତ ପରୀକ୍ଷା ଢାଞ୍ଚା। କାରଣ ଗଣିତ ପରୀକ୍ଷାରେ ଛାତ୍ରଛାତ୍ରୀଙ୍କ ପାଇଁ ଦୁଇ ପ୍ରକାର ପ୍ରଶ୍ନପତ୍ର କରିବାକୁ CBSE ଯୋଜନା କରୁଛି। ଗୋଟିଏ ସରଳ ଏବଂ ଅନ୍ୟଟି ଜଟିଳ।

ଭବିଷ୍ୟତରେ ଗଣିତ ବିହୀନ ଉଚ୍ଚଶିକ୍ଷା କରିବାକୁ ଚାହୁଁଥିବା ଛାତ୍ରଛାତ୍ରୀ ମାନେ ଗଣିତ ପରୀକ୍ଷାରେ ସରଳ ପ୍ରଶ୍ନପତ୍ରକୁ ବାଛିପାରିବେ। ନବମ, ଦଶମ, ଏକାଦଶ ଓ ଦ୍ୱାଦଶ ଶ୍ରେଣୀ ପାଇଁ ଏହି ବ୍ୟବସ୍ଥା ଲାଗୁ କରିବାକୁ ବିଚାର କରାଯାଉଥିବାର ଜଣାପଡ଼ିଛି।

ସିବିଏସ୍ଇ ଆଭ୍ୟନ୍ତରୀଣ ଭାବେ ଏହି ପ୍ରସ୍ତାବକୁ ଅନୁମୋଦନ କଲେ ପରବର୍ତ୍ତୀ ପର୍ଯ୍ୟାୟରେ ଏହାକୁ NCERT ପାଖକୁ ପଠାଯିବ। ଏହାପରେ ୟୁଜିସି ପାଖକୁ ମଧ୍ୟ ଏହି ପ୍ରସ୍ତାବ ଅନୁମୋଦନ ପାଇଁ ପଠାଯିବ। ଏଭଳି ବ୍ୟବସ୍ଥା ଦ୍ୱାରା JEE ପରୀକ୍ଷା ଦେବାକୁ ଇଚ୍ଛୁକ ଛାତ୍ରଛାତ୍ରୀ ଜଟିଳ ଗଣିତ ଓ NEET ପରୀକ୍ଷା ଦେବାକୁ ଚାହୁଁଥିବା ଛାତ୍ରଛାତ୍ରୀ ସରଳ ଗଣିତ ପ୍ରଶ୍ନପତ୍ର ବାଛିପାରିବେ।

You might also like