ଅଟୋ ଚାଳକଙ୍କ ଉପରକୁ ବୋମାମାଡ଼

ନୟାଗଡ଼: ରାଜସୁନାଖଳା ଗାଁରେ ବୋମାମାଡ଼ରେ ଜଣେ ଅଟୋଚାଳକଙ୍କ ମୃତ୍ୟୁ ଘଟିଛି। ୨ ଜଣ ଦୁର୍ବୃତ୍ତ ବାଇକରେ ଆସି ବୋମାମାଡ କରି ଫେରାର ହୋଇଯାଇଥିଲେ।

ମୃତକଙ୍କ ନାଁ ଟୁଲୁ ବାରିକ। ଟୁଲୁ ବାଣପୁରରେ ଭଡ଼ାନେଇ ରହୁଥିଲେ।

ମିଳିଥିବା ସୁଚନାନୁସାରେ, ରାଜସୁନାଖଳା ହସ୍ପିଟାଲ ଛକ ଠାରେ ଟୁଲୁ ଠିଆ ହୋଇଥିବା ସମୟରେ ୨ ଜଣ ଯୁବକ ବାଇକରେ ଆସି ତାଙ୍କ ଉପରକୁ ଅତର୍କିତ ଭାବେ ଗୁଳି ଚଳାଇଥିଲେ, ମାତ୍ର ର୍ଦୁଭାଗ୍ୟବଶତଃ ଗୁଳି ଟୁଲୁଙ୍କ ଉପରେ ବାଜିନଥିଲା। ଫଳରେ ଦୁର୍ବୃତ୍ତମାନ ଟୁଲୁଙ୍କ ଉପରକୁ ବୋମାମାଡ଼ କରି ଘଟଣାସ୍ଥଳରୁ ଖସି ପଳାଇଥିଲେ।

ଜମି ବିବାଦକୁ କେନ୍ଦ୍ର କରି ବୋମାମାଡ଼ କରାଯାଇଥିବାର ସନ୍ଦେହ କରାଯାଉଛି।

ସୂଚନାଥାଉ କି, ରାଜସୁନାଖଳା ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ଛାନଭିନ ଆରମ୍ଭ କରି ଦଇଛି।

You might also like