ପାରାଦୀପରେ ବାର୍ଡ ଫ୍ଲ୍ୟୁ ଆତଙ୍କ

ପାରାଦୀପ: ପାରାଦୀପରେ ଏବେ ବାର୍ଡ ଫ୍ଲ୍ୟୁ ଆତଙ୍କ। ଗତ  କିଛି ଦିନ ହେବ ଏହି ଅଞ୍ଚଳରେ କାଉ ମଡକ ଦେଖାଯାଇଥିବା ବେଳେ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିଲା।

ତେବେ ଗତକାଲି ପରୀକ୍ଷା ରିପୋର୍ଟରେ ବାର୍ଡ ଫ୍ଲ୍ୟୁ ହୋଇଥିବା ନେଇ ଜଣାପଡିବା ପରେ ବ୍ୟବସାୟୀଙ୍କ ମଧ୍ୟରେ ଛନକା ପଶିଛି। ଜିଲ୍ଲା ପ୍ରଶାସନ ପକ୍ଷରୁ ଏକ ବୈଠକରେ ଆଲୋଚନା ପରେ ପ୍ରତିଷେଧକ ମୂଳକ ବ୍ୟବସ୍ଥା ଗ୍ରହଣ କରାଯାଉଛି।

ଅନ୍ୟପକ୍ଷରେ, ପାରାଦୀପ ବାସିଙ୍କୁ ଚିକେନ, ଅଣ୍ଡା ଆଦି ଖାଇବାକୁ ବାରଣ କରାଯାଇଛି।  ବର୍ତ୍ତମାନ ବିବାହ ଋତୁ ଚାଲିଥିବାରୁ କୁକୁଡା ବ୍ୟବସାୟୀମାନେ ଅଧିକ ମାତ୍ରାରେ କୁକୁଡା ସଂଗ୍ରହ କରି ରଖିଛନ୍ତି  ତେଣୁ ବ୍ୟବସାୟରେ କ୍ଷତିଗ୍ରସ୍ତ ହେବା ନେଇ ଆଶଙ୍କା କରିଛନ୍ତି ବ୍ୟବସାୟୀ।

ଏପଟେ ପାରାଦୀପ ପୌର ପରିଷଦରେ ଲୋକଙ୍କୁ ସଚେତନ କରାଯିବା ସହ ଆବଶ୍ୟକ ପଡିଲେ ଚିକେନ ଦୋକାନଗୁଡିକ ସିଲ କରିଦିଆଯିବ ବୋଲି କହିଛନ୍ତି ପୌରାଧ୍ୟକ୍ଷ।

You might also like