ଉପନିର୍ବାଚନ ପାଇଁ ଉଠୁଛି ପଡୁଛି ବିଜେପୁର ମୈଦାନ : ଘର ଘର ବୁଲି ପ୍ରଚାର କରୁଛନ୍ତି ହେଭିୱେଟ୍ ନେତା ଏବଂ ଷ୍ଟାର୍ ପ୍ରଚାରକ

ବରଗଡ଼ : ଉପନିର୍ବାଚନ ପାଇଁ କମ୍ପୁଛି ବିଜେପୁର ।  ୩ ପ୍ରମୁଖ ଦଳର କ୍ୟାମ୍ପେନ୍‌ରେ ଉଠୁଛି ପଡୁଛି ପ୍ରଚାର ମୈଦାନ । ବିଭିନ୍ନ ସ୍ଥାନରେ ସାଧାରଣ ସଭା ସହିତ ଘରକୁ ଘର ବୁଲି ପ୍ରଚାର କରୁଛନ୍ତି ହେଭିୱେଟ୍ ନେତା ଏବଂ ଷ୍ଟାର୍ ପ୍ରଚାରକ । ବିଜେଡି ନେତ୍ରୀ ରୀତା ସାହୁଙ୍କ ପାଇଁ ଗାଇସିଲାଟ ବ୍ଲକ ଅଞ୍ଚଳରେ ପ୍ରଚାର କରିଛନ୍ତି । ସାଂସଦ ତଥା ଅଭିନେତା ଅନୁଭବ ମହାନ୍ତି, ଅଭିନେତା ଅରିନ୍ଦମ ଦାସ  ଉଭୟ ଷ୍ଟାରଙ୍କ ସହ ଦଳର ବହୁ ନେତା ଓ ମନ୍ତ୍ରୀ ପ୍ରଚାରରେ ସାମିଲ ହୋଇଥିଲେ ।

ଗାଇସିଲାଟ ବ୍ଲକର ବିଭିନ୍ନ ଗାରେ ବୁଲି ପ୍ରଚାର କରିଛନ୍ତି ବିଜିଡି ନେତା । ବିଜେପୁର ବ୍ଲକରେ ବିଜେଡି ପକ୍ଷରୁ ପ୍ରଚାର କରିବେ ଅଭିନେତା ତଥା ସାଂସଦ ସିଦ୍ଧାନ୍ତ ମହାପାତ୍ର ଏବଂ ବିଧାୟକ ଆକାଶ ଦାସ ନାୟକ । ସେହିପରି ବିଜେପି ପ୍ରାର୍ଥୀ ଅଶୋକ ପାଣିଗ୍ରାହୀଙ୍କ ପ୍ରଚାର ପାଇଁ ମୈଦାନକୁ ଓହ୍ଲାଇଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ । ଜୁଏଲ ଗାଇସିଲଟର ବିଭିନ୍ନ ସ୍ଥାନରେ ପ୍ରଚାର କରିଛନ୍ତି  ବିଜେପି ପକ୍ଷରୁ । ଅଭିନେତ୍ରୀ ତଥା ଦଳୀୟ ନେତା ପିଙ୍କି ପ୍ରଧାନ, ବିଜେପୁର ବ୍ଲକର ପୂର୍ଣ୍ଣା ଓ ଜାରି ଗାଁକୁ ଯାଇ ପ୍ରଚାର କରିଛନ୍ତି । ସେହିପରି କଂଗ୍ରେସ ପକ୍ଷରୁ ମଧ୍ୟ ବିଜେପୁରରେ ଚାଲିଛି ଜୋରଦାର ପ୍ରଚାର ।

You might also like