ଗୁଣାତ୍ମକ ଶିକ୍ଷା ନାଁରେ ଶିକ୍ଷକମାନଙ୍କ ଯୋଗ୍ୟତା କମାଇବା ପାଇଁ ଚକ୍ରାନ୍ତ

ଭୁବନେଶ୍ୱର: ଗୁଣାତ୍ମକ ଶିକ୍ଷା ନାଁରେ ଶିକ୍ଷକମାନଙ୍କ ଯୋଗ୍ୟତା କମାଇବା ପାଇଁ ଚକ୍ରାନ୍ତ କରାଯାଉଛି।  ଏହାସହିତ ସମସ୍ତ ଉଚ୍ଚପ୍ରାଥମିକ ବିଦ୍ୟାଳୟରେ ଟିଜିଟି ଶିକ୍ଷକ ବଦଳରେ ସିଟି ଶିକ୍ଷକଙ୍କୁ ନିଯୁକ୍ତି ଦେବା ପାଇଁ ସରକାର ଯୋଜନା କରୁଛନ୍ତି ବୋଲି ଅଭିଯୋଗ କରିଛି ମିଳିତ ବି.ଏଡ. ଶିକ୍ଷକ ମହାସଂଘ।

ଆଦର୍ଶ ବିଦ୍ୟାଳୟ ଓ ସମସ୍ତ ହାଇସ୍କୁଲରେ ଟିଜିଟି ସ୍କେଲରେ ସରକାର ଦରମା ଦେଉଥିବା ବେଳେ ଉଚ୍ଚପ୍ରାଥମିକ ବିଦ୍ୟାଳୟର ଟିଜିଟି ଶିକ୍ଷକଙ୍କୁ ଟିଜିଟି ସ୍କେଲ ଦିଆଯାଉନି ବୋଲି ଅଭିଯୋଗ କରିଛି ମହାସଂଘ।

ତେଣୁ ସମାନ କାମକୁ ସମାନ ଦରମା ପ୍ରଦାନ ଦାବି ଉଠାଇଛି ସଂଘ।  ନହେଲେ ଆସନ୍ତା ବିଧାନସଭା ଅଧିବେଶନ ସମୟରେ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି ମହାସଂଘ। ଅନ୍ୟପକ୍ଷରେ ସଂଘର ଏଭଳି ଅଭିଯୋଗ ନେଇ ବିଭାଗୀୟ ମନ୍ତ୍ରୀଙ୍କ କୌଣସି ପ୍ରତିକ୍ରିୟା ମିଳିପାରିନି।

You might also like