ଭାଲୁ ଅାକ୍ରମଣରେ ଜଣକର ମୃତ୍ୟୁ

ଯାଜପୁର : ଭାଲୁ ଅାକ୍ରମଣରେ ଜଣକର ମୃତ୍ୟୁ ହୋଇଥିବା ବେଳେ ଅାଉ ଜଣେ ଗୁରୁତର ଅାହତ ହୋଇଛନ୍ତି। ଯାଜପୁର ଜିଲ୍ଲା କୋରେଇ ଥାନା ହୁଡ଼ି ସାହି କାଜୁ ଜଙ୍ଗଲରେ ଏହି ଘଟଣା ଘଟିଛି। ମୃତକ ହେଉଛନ୍ତି ଶ୍ୟାମ ହେସା। ତାଙ୍କୁ ବଞ୍ଚାଇବାକୁ ଯାଇ ଗୁରୁତର ଅାହତ ହୋଇଛନ୍ତି ସୁକୁରା ମୁଣ୍ଡା।

ସୁକୁରାଙ୍କୁ ଯାଜପୁର ରୋଡ୍ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଶ୍ୟାମ ଓ ସୁକୁରା ଅାଜି ଭୋର ସମୟରେ ଶୌଚ କରିବାକୁ ଯାଇଥିବା ବେଳେ ଉଭୟଙ୍କୁ ଭାଲୁ ଅାକ୍ରମଣ କରିଥିଲା। ଖବର ପାଇବା ପରେ ବନ ବିଭାଗର ଅଧିକାରୀମାନେ ଘଟଣାସ୍ଥଳକୁ ଯାଇ ଉଭୟଙ୍କୁ ଉଦ୍ଧାର କରିଥିଲେ।

ଶ୍ୟାମଙ୍କୁ ଡାକ୍ତରଖାନା ନିଅାଯାଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ମୃତକ ଓ ଅାହତଙ୍କ ପରିବାରକୁ ସରକାରୀ ସହାୟତା ଲାଗି ଦାବି କରିଛନ୍ତି ସ୍ଥାନୀୟ ଲୋକେ।

You might also like