ଆଶାରାମଙ୍କୁ ଆଜୀବନ ଜେଲ୍‌

ଯୋଧପୁର: ନାବାଳିକା ଦୁଷ୍କର୍ମ ମାମଲାରେ ଆଶାରାମ ବାପୁଙ୍କୁ ଆଜୀବନ ଜେଲ୍‌ ଦଣ୍ଡ ଶୁଣାଇଛନ୍ତି ଯୋଧପୁର ସ୍ୱତନ୍ତ୍ର କୋର୍ଟ। ମୃତ୍ୟୁ ପର୍ଯ୍ୟନ୍ତ ସେ ଜେଲ୍‌ରେ ରହିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଏଥିସହିତ ତାଙ୍କ ୨ ଜଣ ସହଯୋଗୀଙ୍କୁ ୨୦ ବର୍ଷ ଲେଖାଏଁ ଜେଲ୍ ଦଣ୍ଡାଦେଶ ହୋଇଛି। ଏହି ମାମଲାରେ ସମ୍ପୃକ୍ତ ଥିବା ଅନ୍ୟ ଦୁଇ ଜଣଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି ଅଦାଲତ। ଉତ୍ତର ପ୍ରଦେଶ ଶାହଜାହାଁପୁରର ନାବାଳିକାକୁ ଦୁଷ୍କର୍ମ ମାମଲାରେ ଆଜି ଆଶାରାମ ଦୋଷୀ ସାବ୍ୟସ୍ତ ହୋଇଥିଲେ।

୧୫ ଅଗଷ୍ଟ, ୨୦୧୩ ମସିହାରେ ଯୋଧପୁର ନିକଟସ୍ଥ ମନାଇ ଗାଁରେ ନାବାଳିକାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ଆଶାରାମଙ୍କ ଉପରେ ଥିଲା। ତେବେ ଆଜି ସେ ଦୋଷୀ ସାବ୍ୟସ୍ତ ପରେ ପୀଡ଼ିତାଙ୍କ ପରିବାର ଖୁସି ପ୍ରକଟ କରିଛନ୍ତି। ଏହି ମାମଲାକୁ ନେଇ ଉପର କୋର୍ଟରେ ଆବେଦନ କରିବେ ବୋଲି କହିଛନ୍ତି ଆଶାରାମଙ୍କ ଓକିଲ।

You might also like