କାନପୁର: ଆଇଆଇଟି କାନପୁରରେ ଏମିତି ଏକ ଆଶ୍ଚର୍ଯ୍ୟଜନକ ରେଫ୍ରିଜିରେଟର ବା ଫ୍ରିଜ୍‌ ତିଆରି କରାଯାଇଛି, ଯାହାକି ବିଦ୍ୟୁତ୍‌ ଶକ୍ତିରେ ନୁହେଁ ସୌର ସେଲ୍‌ରେ ଚାଲିବ। ଏହାକୁ ଯେକୌଣସି ସ୍ଥାନରେ ରଖାଯାଇପାରିବ।

ଗ୍ରାମାଞ୍ଚଳ ଓ ଦୁର୍ଗମ ଅଞ୍ଚଳରେ ଇ-କାର୍ଟ ଔଷଧ ଓ ପନିପରିବାକୁ ଫ୍ରେସ୍ ରଖିବାରେ ଏହାକୁ ବ୍ୟବହାର କରାଯାଇ ପାରିବ। ଏହାକୁ ତିଆରି କରିଛନ୍ତି ଭାରତୀୟ ସେନା ବାହିନୀର ଲେଫ୍ଟନାଣ୍ଟ କର୍ଣ୍ଣେଲ୍‌ ଅଖିଲ୍‌ ସିଂହ ଚରକ। ଅଖିଲ୍‌ଙ୍କ କହିବାନୁସାରେ ଏହାର ଦାମ୍‌ ପାଖାପାଖି ୫୦ ହଜାର ଟଙ୍କା ହେବ। ଆସନ୍ତା କିଛି ମାସ ମଧ୍ୟରେ ଏହି ଶୀତଳ ଯନ୍ତ୍ରଟି ଅନ୍‌ଲାଇନ୍‌ରେ ଉପଲବ୍ଧ ହେବ ବୋଲି କୁହାଯାଉଛି।

ଏହି ଇ-କାର୍ଟ ତିଆରି ପଛର କାରଣ: ଜମ୍ମୁ-କାଶ୍ମୀରରେ ରହୁଥିବା ଲେଫ୍ଟନାଣ୍ଟ କର୍ଣ୍ଣଲ୍‌ ଅଖିଲ୍‌  ସିଂହ ଚରକଙ୍କୁ ଦୁର୍ଗମ ଅଞ୍ଚଳରେ ନିଯୁକ୍ତ କରାଯାଇଥିଲା। ସେଠାରେ ବିଦ୍ୟୁତ୍‌ ନଥିବାରୁ ଲୋକମାନେ ବହୁତ ଅସୁବିଧାର ସମ୍ମୁଖୀନ ହେଉଥିଲେ। କୌଣସି ଖାଦ୍ୟକୁ ସାଇତି ରଖି ପାରୁ ନ ଥିଲେ। ଫଳରେ ଖାଦ୍ୟଗୁଡ଼ିକ ନଷ୍ଟ ହୋଇଯାଉଥିଲା। ଶୀତଳ ଭଣ୍ଡାର ନ ଥିବାରୁ କୃଷିଜାତ ଦ୍ରବ୍ୟ ମଧ୍ୟ ଶୀଘ୍ର ଖରାପ ହୋଇଯାଉଥିଲା।

ସୈନିକମାନେ ମଧ୍ୟ ଜଙ୍ଗଲ ଅଞ୍ଚଳରେ ଡ୍ୟୁଟି କରୁଥିବା ବେଳେ ଖାଦ୍ୟକୁ ସାଇତି ରଖିପାରନ୍ତି ନାହିଁ। ଏହି ସମସ୍ୟାକୁ ଦୂର କରିବାକୁ ସେ ଉପାୟ ଚିନ୍ତା କରୁଥିଲେ। କାନପୁରରେ ଏମ୍‌ଟେକ୍‌ ପଢ଼ୁଥିବା ବେଳେ ଗତ ବର୍ଷ ଜୁଲାଇରେ ସୌରଶକ୍ତି ଚାଳିତ ରେଫ୍ରିଜିରେଟର ତିଆରି କରିବା କାମ ଆରମ୍ଭ କଲେ।  ଏବଂ ଆଜି ତାଙ୍କ କଳ୍ପନା ବାସ୍ତବ ରୂପ ନେଇଛି। ୮ମାସର ପରିଶ୍ରମ କରି ସେ ସୌରଶକ୍ତି ଚାଳିତ ରେଫ୍ରିଜିରେଟର ତିଆରି କରିଛନ୍ତି।

ଏହା କିପରି କାମ କରେ: ଏଥିରେ ସୋଲାର୍ ପ୍ୟାନେଲ୍‌, ବ୍ୟାଟ୍ରି, ଡିସି କରେଣ୍ଟ ଯୁକ୍ତ କମ୍ପ୍ରେସର, ଚାର୍ଜ କଣ୍ଟ୍ରୋଲ ଓ ଏନର୍ଜି ମିଟର ଲଗାଯାଇଛି। ଅଖିଲ୍‌ଙ୍କ କହିବା ଅନୁସାରେ ସୌରଶକ୍ତି ସାହାଯ୍ୟରେ ୨୪୦ ଲିଟର କ୍ଷମତା ସମ୍ପନ୍ନ ଏହି ରେଫ୍ରିଜିରେଟରରେ -୧୨ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ହାସଲ କରାଯାଇ ପାରିବ। ବ୍ୟାଟେରୀ ଫୁଲ୍‌ ଚାର୍ଜ କଲେ ଏହା ୨୪ ଘଣ୍ଟା ପର୍ଯ୍ୟନ୍ତ ଚାଲିବ। ସବୁଠାରୁ ବଡ଼କଥା ହେଲା ବର୍ଷା ସମୟରେ ମଧ୍ୟ ଏହି ରେଫ୍ରିଜିରେଟର କାମ କରିବ।

Other Stories

  • Delivery Boy
    Delivery Boy ପୋଲିସ୍ ସାଜିଲା ଡେଲିଭରି ବୟ

    ଆମେରିକାରେ ରହୁଥିବା ଜଣେ ମହିଳା ନିଜ ପାଇଁ ଅନ୍‌ଲାଇନ୍‌ରେ ଖାଦ୍ୟ ଅର୍ଡର କରିଥିଲେ। ଯେତେବେଳେ ସେ ଖାଦ୍ୟ ପାଇଁ ଅପେକ୍ଷା କରିଥିଲେ ସେତେବେଳେ ଜଣେ ପୋଲିସ ଅଧିକାରୀ ତାଙ୍କ ଘରର କବାଟ ବାଡେଇଥିଲେ ।

  • PMAY
    Odisha ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି !

    ଭୁବନେଶ୍ୱର: ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ଅଭିଯୋଗ ଆଣି ରାଜ୍ୟ ସରକାରଙ୍କୁ ବିଜେପିର ଟାର୍ଗେଟ୍ । ଏମିତିକି ଏହି ଦୁର୍ନୀତି ଓ ଅନିୟମିତତା ପ୍ରତିବାଦରେ ଆସନ୍ତା ୭ରୁ ୯ ଯାଏଁ ଆନ୍ଦୋଳନ କରିବାକୁ ଦଳ...

  • COWIN
    Co Win ୫୦ ଦେଶ କୋ-ୱିନ୍‌ ଆପ୍‌ ବ୍ୟବହାର କରିବାକୁ ଆଗ୍ରହୀ

    ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇରେ ମୁଖ୍ୟ ଅସ୍ତ୍ର ଟିକା । ଆଉ ଏହି ବିଶ୍ୱର ସର୍ବବୃହତ ଟିକାକରଣ ଅଭିଯାନର ମେରୁଦଣ୍ଡ କୋ-ଓ୍ୱିନ୍ ଟିକା । ଉପଲବ୍ଧତା ଯାଞ୍ଚ ହେଉ, ସ୍ଲଟ୍ ବୁକିଂ ଅବା ରେଜିଷ୍ଟ୍ରେନ୍ କିମ୍ବା...

  • Small-girl
    Odisha ମା‘ ଭାଇର ଜୀବନ ବଞ୍ଚେଇ ଦେଲା କୁନି ଝିଅ

    ମୁରାଦାବାଦ୍‌: ଯେଉଁ ବୟସରେ ଚାଲି ଶିଖିବା କଥା ସେ ବୟସରେ ସେ ମାଆ ପାଇଁ ସାହାରା ହେଲା । ଅଜଣା ରାସ୍ତାରେ ମାଆ, ଭାଇ ପାଇଁ ଖୋଜି ଆଣିଲା ଉଦ୍ଧାରକାରୀ ଟିମ୍ । ଷ୍ଟେସନ୍‌ରେ ଅଚେତ୍ ଅବସ୍ଥାରେ...