ଶାହାଙ୍କ ମିଶନ୍ ପଶ୍ଚିମ ଓଡ଼ିଶା

ଭୁବନେଶ୍ୱର: ବିଜେପୁର ଝଟକା ପରେ ବିଜେପିର ଫୋକସରେ ପଶ୍ଚିମ ଓଡିଶା। ନୂଆ ରଣନୀତି ଅନୁସାରେ ବଲାଙ୍ଗିରେ ଆସନ୍ତା ୫ ତାରିଖରେ ଯୁବ ସମାବେଶ କରି ଦଳର ରାଷ୍ଟ୍ରୀୟ ଅଧ୍ୟକ୍ଷ  ଅମିତ ଶାହା ଫୁଙ୍କିବେ ମିଶନ୧୯ର ମନ୍ତ୍ର।

ଏପ୍ରିଲ ପ୍ରଥମ ସପ୍ତାହରେ ଦୁଇଦିନିଆ ଓଡିଶା ଗସ୍ତରେ ଆସୁଥିବା ଶାହା ଭବାନୀ ପାଟଣାରେ ମଧ୍ୟ  କାର୍ଯ୍ୟକର୍ତ୍ତା ସମାବେଶ କରିବାର କାର୍ଯ୍ୟକ୍ରମ ରହିଛି।

ବିଜେପୁର ପରାଜୟ ପରେ ଶାହାଙ୍କ ଗସ୍ତ ଦୋହଲିଯାଇଥିବା ନେତା ଓ କର୍ମୀଙ୍କ ମନୋବଳକୁ ଦମ୍ଭ ଦେବ ବୋଲି ଚର୍ଚ୍ଚା ହେଉଛି।

ଗଂଜାମ, ଯାଜପୁର ଓ ଭୁବନେଶ୍ୱର ପରେ ଏବେ ନଜରରେ ପଶ୍ଟିମ ଓଡିଶା। ପଞ୍ଚାୟତ ନିର୍ବାଚନରେ ଭଲ ପ୍ରଦର୍ଶନ କରିଥିବା କଳାହାଣ୍ଡି ଓ ବଲାଙ୍ଗିରକୁ ବାଛିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତଶାହା। ସଂଗଠନ ଦୁର୍ବଳ ଥିବା ସ୍ଥାନକୁ  ଆସି ମୋ ବୁଥ ମଜଭୁତ କାର୍ଯ୍ୟକ୍ରମରେ ସାମିଲ ହେବାପରେ ଏବେ  ପଶ୍ଚିମ ଓଡିଶାରେ  ସଙ୍ଗଠନ ସଜାଡିବାର ମନ୍ତ୍ର ଦେବେ ଅମିତ ଶାହା।

ଦଳ ତରଫରୁ ଶାହାଙ୍କୁ ଏପ୍ରିଲ ୪ ଓ ୫ ଦୁଇ ଦିନ ପଶ୍ଚିମ ଓଡିଶାର ୪ ଟି ସହରରେ ସମାବେଶ କରିବାକୁ ନିମନ୍ତ୍ରଣ  ଯାଇଛି। ଯଦିଓ ଶାହା ସମସ୍ତ ୪ଟି ସ୍ଥାନକୁ ଯିବା ନେଇ ସ୍ୱୀକୃତି ଦେଇନାହାଁନ୍ତି,  ତେବେ ୪ ତାରିଖରେ ଭବାନୀପାଟଣା ୫ ରେ ବଲାଙ୍ଗୀରରେ ସମାବେଶ ପାଇଁ ଦଳ ପ୍ରସ୍ତୁତ ହେଉଛି।

ବଲାଙ୍ଗୀରରେ ଯୁବ ସମାବେଶ କରି ଯୁବ ଭୋଟରଙ୍କୁ ମିଶନ ୧୯ର ମନ୍ତ୍ର ଦେବେ ଶାହା। ଏ ଦୁଇ ସ୍ଥାନ ବ୍ୟତୀତ ସମ୍ବଲପୁର, ସୁନ୍ଦରଗଡ ଓ  ସୋନପୁରରେ ମଧ୍ୟ ଶାହାଙ୍କ ସଭା ପାଇଁ ରାଜ୍ୟ ବିଜେପି ପ୍ରସ୍ତାବ ଦେଇଥିବା ସୁଚନା ଦେଇଛନ୍ତି ବିଜେପି ରାଜ୍ୟ ସଭାପତି ବସନ୍ତ ପଣ୍ଡା।

ପଶ୍ଚିମ ଓଡିଶାର ସମୁଦାୟ ୩୬ ଟି ବିଧାନସଭା ଆସନ ଭିତରୁ ଗତଥର ୮ ଟି ଆସନରେ ବିଜୟ ହୋଇଥିଲା। ବିଜେପି ଦଳ ଜିତିଥିବା ସମୁଦାୟ ୧୦ ଟି ଆସନରୁ ୮ଟି ପଶ୍ଚିମ ଓଡିଶାରେ ଆସିଥିବା ବେଳେ ପଞ୍ଚାୟତ ନିର୍ବାଚନରେ ମଧ୍ୟ ଦଳ ପଶ୍ଚିମ ଓଡିଶାରେ ଭଲ ଫଳାଫଳ କରିଥିଲା।

ତେବେ ବିଜେପିୁର ଉପନିର୍ବାଚନର ଫଳ କର୍ମୀ ଓ ନେତାଙ୍କୁ ହତାଶକରିଥିବା ଚର୍ଚ୍ଚା ହେଉଥିବାରୁ ଅମିତ ଶାହା ଙ୍କୁ ଆଣିବା ପାଇଁ ଦଳ ରଣନୀତି କରୁଛି। ଏପଟେ ବିଜେଡି ସବୁ ପରିସ୍ଥିତିକୁ ସାମନା କରିବାକୁ ପ୍ରସ୍ତୁତ ବୋଲି ଦଳ ମୁଖପାତ୍ର ପ୍ରତାପ ଦେବ କହିଛନ୍ତି।

ତ୍ରିପୁରାରେ ଶୂନରୁ ଉଠି ସରକାର କରିବା ପଛର ରଣନୀତିକୁ ଓଡିଶା ପାଣିପାଗରେ  ଆପଣାଇ ପାରେ ବିଜେପି।  ଶାହାଙ୍କ ଗସ୍ତ ବେଳେ ଏ ନେଇ ଦଳ ପ୍ରସ୍ତୁତ କରିଥିବା ବ୍ଲୁପ୍ରିଣ୍ଟ ଉପରେ ମାନସମନ୍ଥନ ହେବାର ସମ୍ଭାବନା  ରହିଛି।

ଆହୁରି ପଢ଼ନ୍ତୁ

ବିଜେପି ନେତ୍ରୀ ରାଧାରାଣୀ ପଣ୍ଡା ଅସୁସ୍ଥ

ଆଉ ୧୩୫ ଜଣ କରୋନା ଆକ୍ରାନ୍ତ ସୁସ୍ଥ; ଏଥର ଏହି ଜିଲ୍ଲାରେ ସର୍ବାଧିକ

Puri Rath Yatra 2020: ଗଜପତି ମହାରାଜାଙ୍କ ଚିଠି ପରେ କାହିଁକି ମୁହଁ ଖୋଲୁ ନାହାନ୍ତି ମୁଖ୍ୟମନ୍ତ୍ରୀ ?

ଲାଞ୍ଚ ନେବାବେଳେ ଭିଜିଲାନ୍ସ ହାତରେ ଧରାପଡ଼ିଲେ ପୁଲିସ୍ ବାବୁ

Puri Rath Yatra 2020:ଶ୍ରୀମନ୍ଦିର ଭିତରେ କେମିତି ହେବ ବିଧିରକ୍ଷା; ସନ୍ଧ୍ୟାରେ ନିଷ୍ପତ୍ତି

କରୋନା ଅପ୍‌ଡେଟ୍: ୨୪ ଘଣ୍ଟାରେ ଦେଶରେ ୩୩୪ ଜଣଙ୍କ ମୃତ୍ୟୁ

ଏଜି ପକ୍ଷ ରଖିଲେ ମୁଖା ଖୋଲିଯିବ ସେଥିପାଇଁ ହରିଶ୍ ସାଲ୍‌ଭେଙ୍କୁ ନିୟୋଜିତ କରାଯାଇଥିଲା କି ?

‘ଭାଙ୍ଗିଗଲା ୫୦୦ ବର୍ଷର ପରମ୍ପରା’

ଆଜି ୯୭ କରୋନା ଆକ୍ରାନ୍ତ ସୁସ୍ଥ

ରଥଯାତ୍ରା ବନ୍ଦ ନେଇ କ’ଣ କହିଲେ ଗଜପତି ମହାରାଜା ?

‘ମୁହଁ ନ ଖୋଲି ରଥଯାତ୍ରା ବନ୍ଦ କଲେ, ଜଗନ୍ନାଥ ସବୁ ଦେଖୁଛନ୍ତି’

ସୁପ୍ରିମକୋର୍ଟରେ ଝୁଲୁଛି ରଥଯାତ୍ରା ଭାଗ୍ୟ: ଆସନ୍ତାକାଲି ଶୁଣାଣି

You might also like