ଅଗ୍ନି-୨ ର ବ୍ୟବହାରିକ ପରୀକ୍ଷଣ

ଭୁବନେଶ୍ୱର: ସ୍ୱଦେଶୀ ନିର୍ମିତ ଇଣ୍ଟରମିଡିଏଟ୍ ରେଞ୍ଜ ବାଲିଷ୍ଟିକ ମିସାଇଲ ଅଗ୍ନି-୨ ଆଜି ଭଦ୍ରକ ଧାମରା ସ୍ଥିତ ଅବଦୁଲ୍ କଲାମ ଦ୍ୱୀପରୁ ବ୍ୟବହାରିକ ପରୀକ୍ଷଣ କରାଯାଇଛି। ଭୂପୃଷ୍ଠରୁ ଭୂପୃଷ୍ଠକୁ ନିକ୍ଷେପ ହେଉଥିବା ଏହି କ୍ଷେପଣାସ୍ତ୍ର ଆଜି ସକାଳ ୮ ଟା ୩୮ ମିନିଟ୍ ସମୟରେ ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜର ଲଞ୍ଚ କମ୍ପ୍ଲେକ୍ସ-୪ରୁ ଉତକ୍ଷେପଣ କରାଯାଇଥିଲା। ସୂଚନାନୁଯାୟୀ, ଏହି ବ୍ୟବହାରିକ ପରୀକ୍ଷଣ ଭାରତୀୟ ସେନାର ଷ୍ଟ୍ରାଟେଜିକ ଫୋର୍ସେସ କମାଣ୍ଡ (ଏସଏଫସି) ଦ୍ୱାରା କରାଯାଇଛି। ତେବେ ଅଗ୍ନି-୨ ମିସାଇଲ ଏହାପୂର୍ବରୁ ଭାରତୀୟ ସେନାରେ ସାମିଲ ହୋଇସାରିଛି। ୨ ଟି ଇଞ୍ଜିନରେ ପରିଚାଳିତ ଏହି କ୍ଷେପଣାସ୍ତ୍ରର ଲମ୍ବ ୨୦ ମିଟର ଓ ଓଜନ ୧୭ ଟନ୍ ଓ ଏହା ୧୦୦୦ କିଲୋଗ୍ରାମ ପର୍ଯ୍ୟନ୍ତ ଯୁଦ୍ଧାସ୍ତ୍ର ବହନ କ୍ଷମତା ରହିଛି। ଏଥିସହ ଏହି କ୍ଷେପଣାସ୍ତ୍ର ୨୦୦୦ କିଲୋମିଟର ପର୍ଯ୍ୟନ୍ତ  ଲକ୍ଷ୍ୟଭେଦ କ୍ଷମତା ରହିଛି।

You might also like