ତିନି ଦିନ ଧରି ଆତଙ୍କ ଖେଳାଉଥିବା ହାତୀକୁ ଘଉଡ଼ାଇବାରେ ସଫଳ ହେଲା ବନ ବିଭାଗ

ଭୁବନେଶ୍ୱର: ତିନି ଦିନ ଧରି ହାତୀ ଆତଙ୍କ ପରେ ଶାନ୍ତିରେ ନିଶ୍ୱାସ ମାରିଛନ୍ତି ଖଣ୍ଡଗିରି ଓ ଆଖପାଖ ଅଞ୍ଚଳର ଲୋକେ। ହାତୀ ଘଉଡ଼ାଇବାରେ ଲାଗିଥିବା ବନ ବିଭାଗ ଶେଷରେ ସଫଳ ହୋଇଛି। ଆତଙ୍କ ଖେଳାଉଥିବା ଦନ୍ତା ହାତୀ ଶନିବାର ରାତିରେ ଭୁବନେଶ୍ୱର ଛାଡ଼ି ଚାଲିଯାଇଛି। ହାତୀଟି ଗତକାଲି ରାତି ପ୍ରାୟ ୧୧ଟା ବେଳେ ଜୟଦେବ ବାଟିକାରୁ ବାହାରିଥିଲା। ସେ ଘାଟିକିଆ ଗହିର ପରେ ଶ୍ୟାମପୁର ନୂଆ ଗାଁ ଦେଇ ସହର ସୀମା ଛାଡ଼ିଥିବା ଜଣା ପଡ଼ିଛି।

ହାତୀଟି ତିନିଦିନ ଧରି ଖଣ୍ଡଗିରି ଓ ଆଖପାଖ ଅଞ୍ଚଳରେ ଆତଙ୍କ ଖେଲାଇଥିଲା। OUATର ଉଦ୍ୟାନ ବିଭାଗ ଫାର୍ମରେ ଦୁଇ ଦିନ ଧରି ଉପଦ୍ରବ କରିବା ପରେ ଜୟଦେବ ବାଟିକାରେ ପଶିଯାଇଥିଲା। ହାତୀ ଘଉଡ଼ାଇବାକୁ ଚେଷ୍ଚା କରି ତିନି ଜଣ ଲୋକ ଆହତ ହୋଇଥିଲେ। ହାତୀ ସହର ଛାଡ଼ିଥିବାର ଖବର ଶୁଣିବା ପରେ ଲୋକମାନଙ୍କୁ ଆଶ୍ୱସ୍ତି ମିଳିଛି।

You might also like