କାରକୁ ପିଟିଲା ଟିପ୍ପର: ୪ ଛାତ୍ରଛାତ୍ରୀଙ୍କ ମୃତ୍ୟୁ

କୋରାପୁଟ: କୋରାପୁଟରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଚାରି ଛାତ୍ରଛାତ୍ରୀଙ୍କ ମୃତ୍ୟୁ ଘଟିଛ। ଦୁର୍ଘଟଣାରେ ମୃତ୍ୟୁ ଘଟିଥିବା ଚାରି ଛାତ୍ରଛାତ୍ରୀଙ୍କର ଆଜି ଶବ ବ୍ୟବଚ୍ଛେଦ କରାଯିବ।

ମୃତକଙ୍କ ମଧ୍ୟରେ କୋରାପୁଟ କେନ୍ଦ୍ରୀୟ ବିଦ୍ୟାଳୟର ୩ଜଣ ଥିବା ବେଳେ ଅନ୍ୟଜଣେ ଏକ ଘରୋଇ କଲେଜର ଯୁକ୍ତ ଦୁଇ ଛାତ୍ର। ମୃତକମାନେ ହେଲେ ରାଜିବ ପାତ୍ର, ତାଙ୍କ ଭାଇ ରୁବେନ୍ ପାତ୍ର, ନିହାରିକା ଭଞ୍ଜ ଓ ଜୟଶ୍ରୀ ରାଓ।

୧୦ମ ଶ୍ରେଣୀରେ ପଢୁଥିବା ରୁବେନ୍, ଜୟଶ୍ରୀ ଓ ନିହାରିକା ଆଡମିଟ କାର୍ଡ ଆଣିବାକୁ ସ୍କୁଲକୁ ଯାଇଥିଲେ। ଏହାପରେ ସ୍କୁଲରେ ଆୟୋଜିତ ଭୋଜିରେ ସାମିଲ୍ ପରେ ସ୍କୁଲକୁ ଏକ କାର୍ ନେଇ ପହଞ୍ଚିଥିଲେ ରୁବେନଙ୍କ ଭାଇ ରାଜୀବ। ୪ଜଣ ମିଶି ସ୍କୁଲକୁ ଘରକୁ ଫେରିବା ବଦଳରେ ଜୟପୁର ଅଭିମୁଖେ ବାହାରିଥିଲେ।

ପରୀକ୍ଷା ପୂର୍ବରୁ ସ୍କୁଲରେ ଶେଷ ଦିନ ଥିବାରୁ ସ୍କୁଲକୁ ଫେରିବା ପରେ ଫଟୋ ଉଠାଇବାକୁ ସେମାନେ ଜୟପୁର ରାସ୍ତା ଧରିଥିଲେ ତେବେ କୋରାପୁଟ ଠାରୁ ମାତ୍ର ଗୋଟିଏ କିଲୋମିଟର ପରେ ତାଙ୍କ ଗାଡିକୁ ଧକ୍କା ଦେଇଥିଲା ଏକ ବାଲି ବୋଝେଇ ଟିପ୍ପର।

ଘଟଣାସ୍ଥଳରେ ରାଜୀବଙ୍କ ମୃତ୍ୟୁ ଘଟିଥିବାବେଳେ କୋରାପୁଟ ମେଡିକାଲରେ ନିହାରିକା ଓ ଜୟଶ୍ରୀଙ୍କ ମୃତ୍ୟୁ ହୋଇଥିବା ବେଳେ ବିଶାଖାପାଟଣା ନେବା ବାଟରେ ରୁବେନଙ୍କ ମୃତ୍ୟୁ ଘଟିଥିଲ। ତେବେ ଏହି ଘଟଣା ପରେ କୋରାପୁଟ ଜିଲ୍ଲାରେ ଶୋକର ଛାୟା ଖେଳି ଯାଇଛି।

ଆହୁରି ପଢ଼ନ୍ତୁ

You might also like