ଏନ୍‌କାଉଣ୍ଟରରେ ୩ ଆତଙ୍କବାଦୀ ନିହତ

ଶ୍ରୀନଗର: ଜାମ୍ମୁ-କାଶ୍ମୀର କୁଲ୍‌ଗାମ୍‌ରେ ସୁରକ୍ଷାକର୍ମୀଙ୍କ ଗୁଳିରେ ୩ଜଣ ଆତଙ୍କବାଦୀ ନିହତ ହୋଇଛନ୍ତି। ଘଟଣା ସ୍ଥଳରୁ ପୋଲିସ ୩ଟି ବନ୍ଧୁକ ଜବତ କରିଛି। କୁଲ୍‌ଗାମ୍‌ ଜିଲ୍ଲାରୁ ଜଣେ ପୁଲିସ୍‌ କନଷ୍ଟେବଳଙ୍କୁ ଆତଙ୍କବାଦୀମାନେ ଅପହରଣ କରି ହତ୍ୟା କରିବା ପରେ ସେନା ପକ୍ଷରୁ ଏହି ଅପରେସନ୍ ଆରମ୍ଭ ହୋଇଥିଲା। ମୃତ ଆତଙ୍କବାଦୀଙ୍କ ମଧ୍ୟରେ ଜଣେ ପାକିସ୍ତାନର ବୋଲି ପୋଲିସ୍‌ ସନ୍ଦେହ କରୁଛି।

ସୂଚନାଥାଉ କି, ଶୁକ୍ରବାର କୁଲଗାମର ପୁଲିସ୍‌ କନଷ୍ଟେବଳ ସଲିମ୍‌ ଅହମ୍ମଦ୍ ଶାହଙ୍କୁ ଘରୁ ଅପହରଣ କରାଯାଇଥିବା ବେଳେ ଗତକାଲି ତାଙ୍କର ମୃତଦେହକୁ ଜବତ କରାଯାଇଥିଲା। ଯେଉଁଠାରୁ ଆତଙ୍କବାଦୀମାନେ ସଲିମ୍‌ଙ୍କୁ ଅପହରଣ କରି ନେଇଥିଲେ, ସେଠାରୁ ୨ କିଲୋମିଟର ଦୂରରେ ଏହି ଏନ୍‌କାଉଣ୍ଟର୍‌ ହୋଇଛି।

ସର୍ଚ୍ଚ ଅପରେସନ୍ ବେଳେ ଲୁଚି ରହିଥିବା ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲେ। ଏହା ପରେ ସୁରକ୍ଷାକର୍ମୀ ଏହାର ପାଲଟା ଜବାବ ଦେଇଥିଲେ। ଏଥିରେ ତିନି ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଥିଲା।

You might also like