• translate
Odishatv Bureau

ଛତିଶଗଡ଼ : ଛତିଶଗଡ଼ରେ ବଡ଼ ଧରଣର ଏନକାଉଣ୍ଟର। ପୋଲିସ ଗୁଳିରେ ୧୦ ମାଓବାଦୀଙ୍କ ସହ ଟପ୍ ମାଓ ଲିଡର୍ ହରିଭୂଷଣ ନିହତ ହୋଇଥିବା ସୂଚନା ମିଳିଛି। ହରିଭୂଷଣ ହେଉଛି ତେଲଙ୍ଗାନା ମାଓ ସଂଗଠନର ନେତା। ବିଭିନ୍ନ ସ୍ଥାନରେ ପୋଡ଼ାଜଳା ସହ ହତ୍ୟାକାଣ୍ଡରେ ସଂପୃକ୍ତ ରହିଛି ହରିଭୂଷଣର। ବାରମ୍ବାର ପୋଲିସ୍‌କୁ ଚକମା ଦେବାରେ ସଫଳ ହୋଇଛି ସେ।

ଘଞ୍ଚ ଜଙ୍ଗଲ ଭିତରେ ପୋଲିସ ସହ ବହୁ ଦିନର ଲୁଚକାଳି ଖେଳିଥିବା ହରିଭୂଷଣ ଶେଷରେ ନିହତ ହୋଇଛି। ଯାହାପରେ ସୁରକ୍ଷାବଳକୁ ଏହି ସଫଳତା ମିଳିଛି। ତେବେ ଏହି ଏନକାଉଣ୍ଟରରେ ଜଣେ ଯବାନ ସହିଦ ହୋଇଛନ୍ତି। ତେଲେଙ୍ଗାନା ଓ ଛତିଶଗଡ଼ ପୋଲିସର ମିଳିତ କମ୍ବିଂ ଅପରେସନରେ ଏହି ଏନକାଉଣ୍ଟର ହୋଇଛି। କମ୍ବିଂ ଅପରେସନ ବେଳେ ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଛି। ବିଜାପୁର ଜିଲ୍ଲା ପୁଜାରୀକାଙ୍ଗେର ଜଙ୍ଗଲରେ ପୋଲିସ ଓ ମାଓବାଦୀ ମୁହାଁମୁହିଁ ହୋଇଥିଲେ।  ଉଭୟଙ୍କ ମଧ୍ୟରେ ଗୁଳି ବିନିମୟ ବେଳେ ମାଓବାଦୀଙ୍କ ମୃତ୍ୟୁ ହୋଇଛି।

Other Stories