ଆସନ୍ତାକାଲି ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ଦିନିକିଆ

ମୋହାଲି: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ଦିନିକିଆ ମ୍ୟାଚ୍‌ ଆସନ୍ତାକାଲି ମୋହାଲିରେ ଖେଳାଯିବ। ମ୍ୟାଚ୍ ୫ଟିକିଆ ସିରିଜରେ ଭାରତ ଏବେ ୨-୧ରେ ଆଗୁଆ ରହିଛି। ତେଣୁ କାଲିର ମ୍ୟାଚ୍‌ ଜିତି ସିରିଜ କବ୍‌ଜା କରିବାକୁ ଚେଷ୍ଟା କରିବ ଭାରତ।

ତେବେ କାଲିର ମ୍ୟାଚରେ ଭାରତ କିଛି ପରିବର୍ତ୍ତନ କରିପାରେ। ଦୁଇ ଓପନର ରୋହିତ ଶର୍ମା ଓ ଶିଖର ଧାୱନ ଏବେ ଫର୍ମରେ ନାହାନ୍ତି। ତଥାପି ଆସନ୍ତା ବିଶ୍ୱକପ୍‌କୁ ନଜରରେ ରଖି ଉଭୟଙ୍କୁ ପୁଣି ଥରେ ଓପନିଙ୍ଗ କରିବା ସୁଯୋଗ ମିଳିପାରେ। ଅମ୍ବାତି ରାୟୁଡୁଙ୍କ ସ୍ଥାନରେ ଲୋକେଶ ରାହୁଲଙ୍କୁ ପ୍ଲେଇଂ ଇଲେଭେନ୍‌ରେ ନିଆଯିବାର ସମ୍ଭାବନା ରହିଛି।

ତେବେ ଧୋନିଙ୍କ ସ୍ଥାନରେ ୱିକେଟ୍‌କିପର-ବ୍ୟାଟ୍ସମ୍ୟାନ ରିଷଭ ପନ୍ତ ଖେଳିବା ନିଶ୍ଚିତ। କାରଣ ଶେଷ ଦୁଇ ଦିନିକିଆରୁ ଧୋନିଙ୍କୁ ବିଶ୍ରାମ ଦିଆଯାଇଛି। ସେହିପରି ବୋଲିଂରେ ମହମ୍ମଦ ସାମିଙ୍କ ଜାଗା ନେଇପାରନ୍ତି ଭୁବନେଶ୍ୱର କୁମାର।

 

You might also like