ନିଦାହାସ୍ ଟି-ଟ୍ୱେଣ୍ଟି: ଆଜି ଭାରତ-ବାଂଲଦେଶ ମଧ୍ୟରେ ଟକ୍କର

ନୂଆଦିଲ୍ଲୀ: ନିଦାହାସ୍ ଟି-ଟ୍ୱେଣ୍ଟି ତ୍ରିକୋଣୀୟ ସିରିଜରେ ଆଜି ଭାରତ-ବାଂଲଦେଶ ମଧ୍ୟରେ ଟକ୍କର ହେବ। ଟୁର୍ଣ୍ଣାମେଣ୍ଟରେ ଭାରତକୁ ଫେଭରିଟ୍ ମନେ କରାଯାଉଛି କିନ୍ତୁ ପ୍ରଥମ ମ୍ୟାଚ୍ ଆୟୋଜକ ଶ୍ରୀଲଙ୍କାଠାରୁ ୫ ଓ୍ୱିକେଟରେ ପରାସ୍ତ ହେବା ପରେ ଦଳ ଚାପରେ ଅଛି।

ତେଣୁ ଆଜିର ମ୍ୟାଚ୍ ଜିତି ସିରିଜରେ ପ୍ରତ୍ୟାବର୍ତ୍ତନ ଉଦ୍ୟମ କରିବ ଟିମ୍ ଇଣ୍ଡିଆ। ଉଭୟ ଦଳ ୫ ଥର ମୁହାଁମୁହିଁ ହୋଇଥିବା ବେଳେ ସବୁ ମ୍ୟାଚ୍ ଭାରତ ଜିତିଛି। ତେବେ ପ୍ରଥମ ମ୍ୟାଚ୍  ହାରିଥିବା ଭାରତ ଅପେକ୍ଷାକୃତ ଦୁର୍ବଳ ବାଂଲାଦେଶକୁ ହାଲୁକା ଭାବେ ନେବନି। ଦଳରେ କିଛିଟା ପରିବର୍ତ୍ତନ ହୋଇପାରେ। ସ୍ପିନର ଚହଲ ଓ ଅକ୍ଷର ପଟେଲଙ୍କୁ ସୁଯୋଗ ମିଳିପାରେ।

ସେହିପରି ରାହୁଲଙ୍କ ସାମିଲ୍ ହେବା ସମ୍ଭାବନା ରହିଛି ଯାହାକି ଟିମ୍ ଇଣ୍ଡିଆର ମଧ୍ୟକ୍ରମକୁ ଆହୁରି ଦୃଢ଼ କରିବ । ସେପଟେ ବାଂଲାଦେଶ ପାଇଁ ଶକ୍ତ ଧକ୍କା ହେଉଛି ଅଲରାଉଣ୍ଡର ସାକିବ୍ ଅଲ୍ ହାସନଙ୍କ ଅନୁପପସ୍ଥିତି। ଆହତ କାରଣରୁ ସେ ଦଳରୁ ବାଦ୍ ପଡ଼ିଛନ୍ତି।ତାଙ୍କ ସ୍ଥାନରେ ଦଳର ନେତୃତ୍ୱ ନେବେ ମହମ୍ମୁଦୁଲାହା।

You might also like
Comments
Loading...