ଚତୁର୍ଥ ଥର ପାଇଁ ଆଇପିଏଲ୍‌ ଚାମ୍ପିଅନ୍‌ ହେଲା ମୁମ୍ବାଇ ଇଣ୍ଡିଆନ୍ସ

ହାଇଦ୍ରାବାଦ: ମୁମ୍ବାଇ ଇଣ୍ଡିଆନ୍ସ ଆଇପିଏଲ୍‌ ଦ୍ୱାଦଶ ସିଜିନ୍‌ରେ ଚାମ୍ପିଅନ୍ ହୋଇଛି। ଏକ ରୋମାଞ୍ଚକର ଫାଇନାଲ୍‌ ମୁକାବିଲାରେ ଚେନ୍ନାଇ ସୁପର କିଙ୍ଗସ୍‌କୁ ୧ ରନ୍‌ରେ ହରାଇ ରୋହିତ ଶର୍ମାଙ୍କ ମୁମ୍ବାଇ ଟିମ୍ ଚତୁର୍ଥ ଥର ପାଇଁ ଟାଇଟଲ୍‌ ଦଖଲ କରିଛି।

ମୁମ୍ବାଇ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ ୮ ୱିକେଟ୍ ହରାଇ ୧୪୯ ରନ୍ କରିଥିଲା। ୧୫୦ ରନ୍ ଟାର୍ଗେଟ୍‌ରେ ବ୍ୟାଟିଂ କରି ଚେନ୍ନାଇ ୧୪୮ ରନ୍ କରିପାରିଥିଲା। ଶେଷ ଓଭରରେ ଚେନ୍ନାଇକୁ ଜିତିବା ପାଇଁ ୯ ରନ୍ ଦରକାର ଥିବାବେଳେ ବୋଲର ଲାସିଥ୍ ମାଲିଙ୍ଗା କମାଲ କରିଥିଲେ। ମ୍ୟାଚ୍‌ର ଶେଷ ବଲ୍‌ରେ ଚେନ୍ନାଇ ଦରକାର କରୁଥିଲା ୨ ରନ୍। କିନ୍ତୁ ମାଲିଙ୍ଗା ସାର୍ଦ୍ଦୁଳ ଠାକୁରଙ୍କୁ ଏଲବିଡବ୍ଲ୍ୟୁ କରି ମୁମ୍ବାଇକୁ ରୋମାଞ୍ଚକର ବିଜୟ କରାଇଥିଲେ।

ମୁମ୍ବାଇ ପକ୍ଷରୁ ଯଶପ୍ରୀତ ବୁମ୍‌ରା ତାଙ୍କ ୪ ଓଭର ସ୍ପେଲ୍‌ରେ ମାତ୍ର ୧୪ ରନ୍ ଦେଇ ୨ଟି ୱିକେଟ୍ ନେବା ସହ ମ୍ୟାନ୍ ଅଫ୍ ଦ ମ୍ୟାଚ୍‌ ବିବେଚିତ ହୋଇଥିଲେ।

କୋଲକାତା ନାଇଟ୍ ରାଇଡର୍ସର ଆନ୍ଦ୍ରେ ରସେଲ୍‌ଙ୍କୁ ପ୍ଲେୟାର ଅଫ୍ ଦ ଟୁର୍ଣ୍ଣାମେଣ୍ଟ ପୁରସ୍କାର ମିଳିଥିଲା। ଆଇପିଏଲ୍‌ ଚାମ୍ପିଅନ୍ ମୁମ୍ବାଇ ଇଣ୍ଡି‌ଆନ୍ସକୁ ୨୦ କୋଟି ଟଙ୍କା ପୁରସ୍କାର ରାଶି ମିଳିଥିଲା।

You might also like