ୱେଷ୍ଟଇଣ୍ଡିଜ୍ ବିପକ୍ଷ ଦିନିକିଆ ସିରିଜ୍ ପାଇଁ ଧୱନ୍‌ ଆଉଟ୍‌ ମୟଙ୍କ ଇନ୍

ନୂଆଦିଲ୍ଲୀ: ଆସନ୍ତା ୧୫ ତାରିଖରୁ ୱେଷ୍ଟଇଣ୍ଡିଜ୍ ବିପକ୍ଷ ଆରମ୍ଭ ହେବାକୁଥିବା ଦିନିକିଆ ସିରିଜ୍ ପାଇଁ ଭାରତୀୟ ଟେଷ୍ଟ ଟିମ୍ ଓପ୍ନର ମୟଙ୍କ ଅଗ୍ରୱାଲଙ୍କୁ ସାମିଲ୍ କରାଯାଇଛି। ସେ ନିୟମିତ ଓପ୍ନର ଶିଖର ଧୱନଙ୍କ ସ୍ଥାନରେ ସାମିଲ୍ ହୋଇଛନ୍ତି। ଧୱନ୍ ଆହତ କାରଣରୁ ଟି-୨୦ ସିରିଜରୁ ବାଦ୍ ପଡ଼ିଥିବା ବେଳେ ଏବେ ଦିନିକିଆ ସିରିଜରୁ ମଧ୍ୟ ବାହାରି ଯାଇଛନ୍ତି। ଟି-୨୦ରେ ଧୱନଙ୍କ ସ୍ଥାନରେ ସଞ୍ଜୁ ସାମସନଙ୍କୁ ସୁଯୋଗ ମିଳିଥିଲା।

ଚଳିତ ବର୍ଷ ଧୱନ୍ ପ୍ରଥମଥର ଆଘାତପ୍ରାପ୍ତ ହୋଇନାହାନ୍ତି। ଏହା ପୂର୍ବରୁ ସେ ବିଶ୍ୱକପରେ ମଧ୍ୟ ଆହତ ଯୋଗୁ ଅଧାରୁ ଓହରିଯାଇଥିଲେ। ବିଶ୍ୱକପରେ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଧୱନଙ୍କ ଅଙ୍ଗୁଳିରେ ଆଘାତ ଲାଗିଥିଲା। ବିଶ୍ୱକପରେ ଧୱନଙ୍କ ସ୍ଥାନରେ ମୟଙ୍କଙ୍କୁ ସାମିଲ୍ କରାଯାଇଥିଲା, କିନ୍ତୁ ତାଙ୍କୁ ଚୂଡ଼ାନ୍ତ ଏକାଦଶରେ ସୁଯୋଗ ମିଳିନଥିଲା। ଚଳିତବର୍ଷ ଟେଷ୍ଟ କ୍ରିକେଟରେ ଚମତ୍କାର ପ୍ରଦର୍ଶନ କରିଥିବା ୨୮ ବର୍ଷୀୟ କର୍ଣ୍ଣାଟକ ଖେଳାଳି ମୟଙ୍କଙ୍କୁ ଚଳିତ ମାସରେ ସୀମିତ ଓଭରରେ ଡେବ୍ୟୁ କରିବା ପାଇଁ ସୁଯୋଗ ମିଳିପାରେ।

ମୟଙ୍କ ୯ ଟେଷ୍ଟରେ ୬୭ ହାରରେ ୮୭୨ ରନ୍ କରିଛନ୍ତି। ବର୍ତ୍ତମାନ ଅଗ୍ରୱାଲ୍ ରଣଜୀ ଟ୍ରଫିରେ ତାମିଲନାଡୁ ବିପକ୍ଷରେ ମ୍ୟାଚ୍ ଖେଳୁଛନ୍ତି। ଚେନ୍ନାଇରେ ଇଣ୍ଡିଜ୍ ବିପକ୍ଷ ପ୍ରଥମ ଦିନିକିଆ ପୂର୍ବରୁ ସେ ଜାତୀୟ ଦଳରେ ଯୋଗ ଦେବେ। ସୂଚନାଯୋଗ୍ୟ, ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ପ୍ରଥମ ଦିନିକିଆ ୧୫ ତାରିଖରେ ଚେନ୍ନାଇରେ ଖେଳାଯିବ। ଏହାପରେ ୧୮ ତାରିଖରେ ଦ୍ୱିତୀୟ ମ୍ୟାଚ୍ ବିଶାଖାପଟ୍ଟନମ୍ ଏବଂ ୨୨ ତାରିଖରେ ତୃତୀୟ ମ୍ୟାଚ୍ କଟକରେ ଖେଳାଯିବ।

ସଂଶୋଧିତ ଦିନିକିଆ ସ୍କ୍ୱାଡ୍‌: ବିରାଟ୍ କୋହଲି (କ୍ୟାପଟେନ୍‌), ରୋହିତ୍ ଶର୍ମା (ଭାଇସ୍‌-କ୍ୟାପଟେନ୍‌) ମୟଙ୍କ ଅଗ୍ରୱାଲ୍‌, ଲୋକେଶ ରାହୁଲ୍‌, ଶ୍ରେୟସ୍ ଆୟର୍‌, ମନିଷ ପାଣ୍ଡେ, ଋଷଭ ପନ୍ତ (ୱିକେଟକିପର), ଶିବମ ଦୁବେ, କେଦାର ଯାଦବ, ରବୀନ୍ଦ୍ର ଜାଡେଜା, ୟୁଜବେନ୍ଦ୍ର ଚହଲ୍‌, କୁଲଦୀପ ଯାଦବ, ଦୀପକ ଚହର୍‌, ମହମ୍ମଦ ଶାମି, ଭୁବନେଶ୍ୱର କୁମାର।

ଆହୁରି ପଢ଼ନ୍ତୁ

ମାସ୍କ ପାଇଁ ମହିଳା କନଷ୍ଟେବଳଙ୍କ ସହ ଯୁକ୍ତିତର୍କ କଲେ କ୍ରିକେଟର୍ ରବୀନ୍ଦ୍ର ଜାଡେଜାଙ୍କ ପତ୍ନୀ!

ହକି ତାରକା ମନଦୀପଙ୍କୁ କରୋନା

ଚାଇନିଜ୍ କମ୍ପାନୀ ‘ଭିଭୋ’ର ସ୍ଥାନ ନେବ ବାବା ରାମଦେବଙ୍କ ‘ପତଞ୍ଜଳି’!

ଡାକ୍ତରଙ୍କୁ ବିବାହ କରିବେ ଚହଲ୍‌

‘ପାକିସ୍ତାନ ଆର୍ମି ପାଇଁ ଘାସ ଖାଇବାକୁ ପ୍ରସ୍ତୁତ’

ଆଇପିଏଲ୍: ଘନଉଛି ବୋର୍ଡ ଓ ଫ୍ରାଞ୍ଚାଇଜି ବିବାଦ

ଚାଇନିଜ୍ କମ୍ପାନୀ ‘VIVO’କୁ ସସ୍‌ପେଣ୍ଡ କଲା ବିସିସିଆଇ

ଚୀନ୍‌କୁ ଆଉଏକ ଝଟ୍‌କା, ଆଇପିଏଲ୍ ସ୍ପନସରଶିପରୁ ହଟିଲା ‘VIVO’

ଦୁନିଆର ସବୁଠାରୁ ମହଙ୍ଗା କାର୍ କିଣିଲେ ରୋନାଲ୍ଡୋ

ସେପ୍ଟେମ୍ବର ୧୯ରୁ ଆଇପିଏଲ୍, ଗ୍ରୀନ୍ ସିଗନାଲ୍‌ ଦେଲେ ଭାରତ ସରକାର

ଓଡ଼ିଶାରେ ହେବ ଅନ୍ତର୍ଜାତୀୟସ୍ତରର କ୍ରିକେଟ୍ ଏକାଡେମୀ

ଆଇପିଏଲ୍: ୨ ସପ୍ତାହରେ ଖେଳାଳିଙ୍କ ୪ଟି କୋଭିଡ୍ ଟେଷ୍ଟ

You might also like