ଯୁବ ତ୍ରିରାଷ୍ଟ୍ରୀୟ ସିରିଜ୍ ଜିତିଲା ଭାରତ

ହୋଭ୍: ଇଂଲଣ୍ଡରେ ଚାଲିଥିବା ଅଣ୍ଡର୍-୧୯ ତ୍ରିରାଷ୍ଟ୍ରୀୟ ସିରିଜରେ ଭାରତ ୬ ୱିକେଟରେ ବାଂଲାଦେଶକୁ ହରାଇ ଚାମ୍ପିଅନ୍ ହୋଇଛି। ଏହି ମ୍ୟାଚରେ ବାଂଲାଦେଶ ଅଣ୍ଡର୍-୧୯ ଟିମ୍ ଟସ୍ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୫୦ ଓଭରରେ ୨୬୧ ରନ୍ କରି ଅଲଆଉଟ୍ ହୋଇଥିଲା। ଜବାବରେ ଭାରତ ଅଣ୍ଡର୍-୧୯ ଟିମ୍ ୪୮.୪ ଓଭରରେ ୪ ୱିକେଟ୍ ହରାଇ ୨୬୪ ରନ୍ କରି ବିଜୟୀ ହୋଇଥିଲା।

ଏହି ଲକ୍ଷ୍ୟର ପିଛା କରୁଥିବା ଭାରତ ଭଲ ଆରମ୍ଭ କରିଥିଲା। ଦୁଇ ଓପ୍ନର ଯଶସ୍ୱୀ ଜୈସୱାଲ୍ ଓ ଦିବ୍ୟାଂଶ ସାକ୍ସେନା ପ୍ରଥମ ୱିକେଟ୍ ପାଇଁ ଶତକୀୟ (୧୦୪) ଭାଗୀଦାରୀ କରିଥିଲେ। ତେବେ ଦୁହେଁ ଅର୍ଦ୍ଧଶତକ ମାରିବା ପରେ ପ୍ୟାଭିଲିୟନ୍ ଫେରିଥିଲେ। ସାକ୍ସେନା ୬୫ ବଲରେ ୫ ଚୌକା ସହ ୫୫ ଏବଂ ଜୈସୱାଲ୍ ୭୨ ବଲରେ ୬ ଚୌକା ସହ ୫୦ ରନ୍ କରି ଆଉଟ୍ ହୋଇଥିଲେ।

ଚତୁର୍ଥ ସ୍ଥାନରେ ବ୍ୟାଟିଂ କରିବାକୁ ଆସିଥିବା ପ୍ରଜେ୍ଞଶ ଦୁର୍ଗେଶ୍ କାନପିଲ୍ଲେୱର ୨ ରନ୍ କରି ଆଉଟ୍ ହୋଇଥିଲେ। ୨୨ ରନ୍ ଭିତରେ ୩ ୱିକେଟ୍ ହରାଇ ଭାରତ ବିପଦରେ ପଡ଼ିଥିଲା। ତେବେ ଏହି ସମୟରେ କ୍ୟାପଟେନ୍ ପ୍ରିୟମ୍ ଗାର୍ଗ ଓ ଧ୍ରୁବ ଜୁରେଲ୍ ଆଉ ଏକ ଶତକୀୟ ଭାଗୀଦାରୀ କରି ଭାରତକୁ ବିଜୟୀ ନିକଟତର କରାଇଥିଲେ। ଗାର୍ଗ ଦମଦାର ବ୍ୟାଟିଂ କରି ସର୍ବାଧିକ ୭୩ (୬୬ ବଲ୍, ୪ ଚୌକା, ୨ ଛକା) ରନ୍ କରି ଆଉଟ୍ ହୋଇଥିଲେ। ଏହା ପରେ ଜୁରେଲ୍ ଓ ତିଲକ ବର୍ମା ଅପରାଜିତ ରହି ଭାରତକୁ ଜିତାଇଥିଲେ। ଜୁରେଲ୍ ୫୯ (୭୩ ବଲ୍, ୪ ଚୌକା, ୧ ଛକା) ଓ ତିଲକ ୧୬ (୧୦ ବଲ୍, ୩ ଚୌକା) ରନ୍ କରି ଅପରାଜିତ ଥିଲେ। ବାଂଲାଦେଶ ପକ୍ଷରୁ ରକିବୁଲ୍ ହାସନ୍ ୨ଟି ୱିକେଟ୍ ନେଇଥିଲେ।

ସେହିପରି ପ୍ରଥମେ ବ୍ୟାଟିଂ କରିଥିବା ବାଂଲାଦେଶ ପକ୍ଷରୁ ମହମଦୁଲ୍ ହାସନ୍ ଜୟ ଆକର୍ଷଣୀୟ ଶତକ ମାରିଥିଲେ। ସେ ୧୩୪ ବଲରେ ୧୦୯ ରନ୍ କରିଥିଲେ, ଯେଉଁଥିରେ ୯ ଚୌକା ଓ ୧ ଛକା ସାମିଲ୍ ଥିଲା। ଏହାଛଡ଼ା ପରଭେଜ୍ ହୋସେନ୍ ଏମନ୍ ୬୦ (୬୪ ବଲ୍, ୭ ଚୌକା, ୩ ଛକା), ଶାମିମ୍ ହୋସେନ୍ ୩୨ ଓ ତନଜିତ୍ ହାସନ୍ ୨୬ ରନ୍ କରିଥିଲେ। ତେବେ ଟିମର ଅନ୍ୟ କୌଣସି ବ୍ୟାଟ୍ସମ୍ୟାନ୍ ଦୁଇଅଙ୍କ ଛୁଇଁପାରିନଥିଲେ। ଭାରତ ପକ୍ଷରୁ କାର୍ତ୍ତିକ ତ୍ୟାଗି ଓ ସୁଶାନ୍ତ ମିଶ୍ର ୨ଟି ଲେଖାଏ ୱିକେଟ୍ ନେଇଥିଲେ।

ଆହୁରି ପଢ଼ନ୍ତୁ

୨୦୪ ରନରେ ଆଣ୍ଠେଇଲା ଇଂଲଣ୍ଡ

ବହୁ ପ୍ରତୀକ୍ଷାର ଅନ୍ତ ଘଟିଲା: ଆରମ୍ଭ ହେଲା କ୍ରିକେଟ୍‌, ମ୍ୟାଚ୍‌ ପୂର୍ବରୁ ଆଣ୍ଠେଇ ପଡ଼ି ନିରବ ପ୍ରାର୍ଥନା କଲେ ଖେଳାଳି

‘ପ୍ରିନ୍ସ ଅଫ୍ କୋଲକାତା’ @୪୮

୧୧୭ ଦିନର ବିରତି ପରେ ପଡ଼ିଆକୁ ଫେରିବ କ୍ରିକେଟ୍

ହ୍ୟାପି ବାର୍ଥ ଡେ ମାହି; ‘ଧୋନିଙ୍କ ପ୍ରତିନିଧିତ୍ୱ ଶୈଳୀ ଶବ୍ଦରେ ପ୍ରକାଶ କରିହେବନି’

ସଚିନଙ୍କ ବଡ଼ ରହସ୍ୟ ଖୋଲିଦେଲେ ଗାଙ୍ଗୁଲି

ପ୍ରମାଣ ଅଭାବରୁ ୨୦୧୧ ବିଶ୍ୱକପ୍ ଫାଇନାଲ୍‌ ଫିକ୍ସିଂର ଅଭିଯାେଗର ତଦନ୍ତ ବନ୍ଦ

ଆଇସିସି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଶଶାଙ୍କ ମନୋହର

୨୫ ଜୁନ୍, ୧୯୮୩: ଭାରତୀୟ କ୍ରିକେଟ୍ ଇତିହାସର ସ୍ୱର୍ଣ୍ଣିମ ଦିନ, ଲର୍ଡ୍ସରେ ଉଡ଼ିଥିଲା ତ୍ରିରଙ୍ଗା

ବିରାଟ୍ କୋହଲିଙ୍କ ଲାଇଫ୍ ପାର୍ଟନର୍ ହେବାକୁ ଚାହୁଁଥିଲେ ଏହି ମହିଳା କ୍ରିକେଟର୍, କିନ୍ତୁ…

ପଜିଟିଭର ଦିନକ ପରେ ଆସିଲା ଏହି ପାକ୍ କ୍ରିକେଟରଙ୍କ ରିପୋର୍ଟ ନେଗେଟିଭ୍

ଆଉ ୭ ପାକିସ୍ତାନ କ୍ରିକେଟରଙ୍କୁ କରୋନା

You might also like