ପାକିସ୍ତାନରେ ହଟଚମଟ: ଇମ୍ରାନ୍ ଖାନଙ୍କୁ ସମଲିଙ୍ଗୀ କହିଲେ ପୂର୍ବତନ ପତ୍ନୀ ରେହମ୍

ନୂଆଦିଲ୍ଲୀ: ପାକିସ୍ତାନ କ୍ରିକେଟ୍ ଦଳର ପୂର୍ବତନ ଅଧିନାୟକ ତଥା ବର୍ତ୍ତମାନ ସମୟର ରାଜନେତା ଇମ୍ରାନ୍ ଖାନଙ୍କ ବିରୋଧରେ ସଂଗୀନ ଅଭିଯୋଗ ଆଣିଛନ୍ତି ତାଙ୍କର ପୂର୍ବତନ ପତ୍ନୀ ରେହମ ଖାନ୍ । ପ୍ରଥମେ ଯୌନ ଉତ୍ପୀଡନ ଭଳି ଅଭିଯୋଗ ଆଣିଥିବା ରେହମ ତାଙ୍କର ପୁସ୍ତକରେ ଲେଖଛନ୍ତି ଇମରାନ ଜଣେ ସମଲିଙ୍ଗୀ ।

ସେ ଲେଖିଛନ୍ତି ପାକିସ୍ତାନ ତେହେରିକ ଇ ଇନସାଫ ପାର୍ଟିର ମୁଖ୍ୟ ଇମ୍ରାନ୍ ଦଳର ମିଡିଆ ସଂଯୋଜକ ଅନିଲା ଖ୍ୱାଜାଙ୍କ ସମେତ ଅନ୍ୟ ସଦସ୍ୟମାନଙ୍କ ସହ ସମଲିଙ୍ଗୀ ଯୌନ ସମ୍ପର୍କ ରଖିଛନ୍ତି  । ରେହମଙ୍କର ଆତ୍ମଜୀବନୀ ପୁସ୍ତକ ‘ରେହମ୍ ଖାନ୍’ ପାଣ୍ଡୁଲିପିର କିଛି ଅଂଶ ଅନଲାଇନରେ ଲିକ ହେବା ପରେ ଏହି ବିବାଦ ଦେଖା ଯାଇଛି I

ପାକିସ୍ତାନୀ ଗଣମାଧ୍ୟମରେ ରେହମଙ୍କ ଅଭିଯୋଗ ନେଇ ଏକ ଖବର ପ୍ରକାଶ ପାଇଛି।  ରେହମ୍ ତାଙ୍କ ପୁସ୍ତକରେ ଦର୍ଶାଇଛନ୍ତି ଯେ ତାଙ୍କ ପୂର୍ବତନ ସ୍ୱାମୀ ଇମ୍ରାନ୍ ଖାନ୍, ପାକିସ୍ତାନୀ ଅଭିନେତା  ହମଜା ଅଲ୍ଲୀ ଅବ୍ବଶି ଏବଂ ତେହେରିକ ଇ ଇନସାଫ ପାର୍ଟିର ସଦସ୍ୟ ମୁରାଦା ସୟଦ ସମଲିଙ୍ଗୀ ।  ଏହି ତିନିଜଣଙ୍କ ମଧ୍ୟରେ ଅନୈତିକ ଯୌନ ସମ୍ପର୍କ ରହିଛି । ଏହି ଘଟଣା ପରେ ବର୍ତ୍ତମାନ ପର୍ଯ୍ୟନ୍ତ ଇମ୍ରାନ୍ ଖାନ୍ ଓ ହମଜାଙ୍କ ପକ୍ଷରୁ କୌଣସି ସ୍ପଷ୍ଟୀକରଣ ଦିଆଯାଇନାହିଁ । ଅନ୍ୟପକ୍ଷରେ ମୁରାଦା ସୟଦ ଏହାକୁ ଖଣ୍ଡନ କରିଛନ୍ତି ଏବଂ ଟ୍ୱିଟ୍‌ ଯୋଗେ ନିଜର ପ୍ରତିକ୍ରିୟା ଜଣାଇଛନ୍ତି ।

ସେହିପରି ରେହମ ଏହା ପୂର୍ବରୁ ଇମ୍ରାନଙ୍କ ଉପରେ ଯୌନ ଉତ୍ପୀଡ଼ନ ଅଭିଯୋଗ ମଧ୍ୟ ଆଣି ସାରିଛନ୍ତି । ରେହମଙ୍କ ପୁସ୍ତକର କିଛି ଭାଗ ସୋସିଆଲ ମିଡିଆରେ ଲିକ୍ ହେବା ପରଠାରୁ ହିଁ ସେ ବିବାଦଘେରକୁ ଆସିଛନ୍ତି। ଅନ୍ୟ ପକ୍ଷରେ ପାକିସ୍ତାନୀ କ୍ରିକେଟର ଓ୍ୱାସିମ୍ ଆକ୍ରମଙ୍କ ବିରୋଧରେ ମଧ୍ୟ ସେ ତାଙ୍କ ପୁସ୍ତକରେ ଲେଖିଛନ୍ତି । ତାଙ୍କ ଅଭିଯୋଗ ଅନୁଯାଇ ଓ୍ୱାସିମ୍ ତାଙ୍କ ପତ୍ନୀଙ୍କୁ ଜଣେ କଳା ମଣିଷ ସହିତ ସମ୍ପର୍କ ରଖିବା ପାଇଁ ବାଧ୍ୟ କରିଥିଲେ ଓ ନିଜେ ସେହି ଦୃଶ୍ୟ ଦେଖିଥିଲେ ।  ଯାହା ପରେ ରେହମ୍ ଓ ଓ୍ୱାସିମଙ୍କ ମଧ୍ୟରେ ଆଇନଗତ ଲଢେଇ ଆରମ୍ଭ ହୋଇଯାଇଛି ।ImranKhan

ସୂଚନାଯୋଗ୍ୟ, ରେହମ୍ ଖାନ୍ ଓ ଇମ୍ରାନ ଖାନଙ୍କ ମଧ୍ୟରେ 2015 ଜାନୁଆରୀରେ ବିବାହ ହୋଇଥିଲା I ଉଭୟଙ୍କ ଦାମ୍ପତ୍ୟ ଗୋଟିଏ ବର୍ଷ ମଧ୍ୟ ତିଷ୍ଠି ନ ଥିଲା I ନଭେମ୍ବର ମାସରେ ଉଭୟଙ୍କ ବିଚ୍ଛେଦ ହୋଇଥିଲା । ନିର୍ବାଚନ ପୂର୍ବରୁ ରେହମ ଖାନଙ୍କ ଅଭିଯୋଗ ଇମ୍ରାନ ଖାନଙ୍କୁ ଅଡୁଆରେ ପକାଇବ ବୋଲି ପାକ ଗଣ ମାଧ୍ୟମରେ ଚର୍ଚ୍ଚା ହେଉଛି ।

ଆହୁରି ପଢ଼ନ୍ତୁ

ଦମ୍ ଦେଖାଇଲେ ରୋହିତ୍, କେକେଆରକୁ ୧୯୬ ରନ୍‌ର ଟାର୍ଗେଟ୍

ଆରମ୍ଭରୁ ଝଟ୍‌କା, ଆଇପିଏଲରୁ ବାଦ୍ ପଡ଼ିଲେ ଷ୍ଟାର୍ ଅଲରାଉଣ୍ଡର୍

ଧୋନିଙ୍କୁ ଦେଖିବା ମାତ୍ରକେ ହାତ ଯୋଡ଼ି ନମସ୍କାର କଲେ ଏହି ଯୁବ କ୍ରିକେଟର୍

ବିରାଟ୍ କୋହଲିଙ୍କ ସହ କଥା ହେବେ ପ୍ରଧାନମନ୍ତ୍ରୀ ମୋଦି

IPL 2020 News: କାହା ପାଇଁ ପଲଟିଲା ବାଜି, ଜବାବ ଦେଲେ ବିରାଟ୍ କୋହଲି

ଭୋଜପୁରୀ ଗୀତରେ ଧମାଲ୍ କଲେ ଗେଲ୍

IPL 2020 News: ଦମ୍ ଦେଖାଇଲେ ଷ୍ଟୋଇନିସ୍, ପଞ୍ଜାବକୁ ୧୫୮ ରନର ଟାର୍ଗେଟ୍

ରାୟୁଡୁଙ୍କ ଧମାକା: ମୁମ୍ବାଇକୁ ଚକମା ଦେଲା ଚେନ୍ନାଇ

ଆଇପିଏଲରେ ଡେବ୍ୟୁ କଲେ ଓଡ଼ିଆ ପୁଅ

ଚେନ୍ନାଇର ଜବରଦସ୍ତ କମବ୍ୟାକ୍, ୧୬୨ ରନରେ ଅଟକିଲା ଡିଫେଣ୍ଡିଂ ଚାମ୍ପିୟନ୍

ବାଜିଲା ଆଇପିଏଲ୍ ବିଗୁଲ୍‌, ଟସ୍ ଜିତିଲେ ଧୋନି

IPL 2020 Guidelines: ପ୍ରଥମଥର କଟକଣା ଭିତରେ ଆଇପିଏଲ୍, ଲାଗୁ ହେବ ଏହିସବୁ ନିୟମ

You might also like