କୋହଲିଙ୍କୁ ପଛରେ ପକାଇ ନମ୍ବର୍ ୱାନ୍ ହେଲେ ସ୍ମିଥ୍

ଦୁବାଇ: ଜାମାଇକା ଟେଷ୍ଟର ଦ୍ୱିତୀୟ ଇନିଂସରେ ପ୍ରଥମ ବଲରେ ଆଉଟ୍ ହେବା ଟିମ୍ ଇଣ୍ଡିଆ କ୍ୟାପଟେନ୍ ବିରାଟ କୋହଲିଙ୍କୁ ମହଙ୍ଗା ପଡ଼ିଛି। ଏହି କାରଣରୁ ଟେଷ୍ଟ ରାଙ୍କିଙ୍ଗରେ କୋହଲିଙ୍କ ହାତରୁ ଶୀର୍ଷ ସ୍ଥାନ ଚାଲିଯାଇଛି। ଅଷ୍ଟ୍ରେଲିଆର ରନ୍ ମେଶିନ୍ ଷ୍ଟିଭ୍ ସ୍ମିଥ୍ ବର୍ତ୍ତମାନ ଟେଷ୍ଟ ବ୍ୟାଟ୍ସମ୍ୟାନ ରାଙ୍କିଙ୍ଗର ଏକ ନମ୍ବର ସ୍ଥାନ ହାସଲ କରିଛନ୍ତି।

ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଟେଷ୍ଟର ପ୍ରଥମ ଇନିଂସରେ କୋହଲି ୭୬ ରନ୍ ଏବଂ ଦ୍ୱିତୀୟ ଇନିଂସରେ ଖାତା ଖୋଲିପାରିନଥିଲେ। ଏହି ବିଫଳତା ଯୋଗୁ ବିରାଟଙ୍କ ପଏଣ୍ଟ କାଟି ଦିଆଯାଇଛି। ଏବେ ବିରାଟ୍ ୯୦୩ ପଏଣ୍ଟ ସହ ଦ୍ୱିତୀୟ ସ୍ଥାନକୁ ଖସି ଆସିଛନ୍ତି। ତେବେ ସ୍ମିଥ୍ କୋହଲିଙ୍କଠାରୁ ମାତ୍ର ଗୋଟିଏ ପଏଣ୍ଟ ଆଗରେ ଅର୍ଥାତ୍ ୯୦୪ ପଏଣ୍ଟ ସହ ପ୍ରଥମ ସ୍ଥାନରେ ରହିଛନ୍ତି। ସ୍ମିଥ୍ ୨୦୧୮ ପରେ ପ୍ରଥମ ସ୍ଥାନକୁ ପ୍ରତ୍ୟାବର୍ତ୍ତନ କରିଛନ୍ତି।

ସ୍ମିଥ୍ ଡିସେମ୍ବର, ୨୦୧୫ରୁ ଅଗଷ୍ଟ ୨୦୧୮ ପର୍ଯ୍ୟନ୍ତ ଲଗାତାର ନମ୍ବର-୧ ସ୍ଥାନରେ ରହିଥିଲେ। ଏହା ପରେ ମାର୍ଚ୍ଚ, ୨୦୧୮ରେ ସେ ଦକ୍ଷିଣ ଆଫ୍ରିକା ବିପକ୍ଷ ଏକ ଟେଷ୍ଟ ମ୍ୟାଚରେ ବଲ୍ ଟ୍ୟାମ୍ପରିଂ ମାମଲାରେ ଦୋଷୀ ସାବ୍ୟସ୍ତ ହୋଇଥିଲା, ଯେଉଁକାରଣରୁ ତାଙ୍କ ଉପରେ ଅଷ୍ଟ୍ରେଲିଆନ୍ କ୍ରିକେଟ୍ ବୋର୍ଡ ବର୍ଷକ ପାଇଁ ବାସନ୍ଦ ଲଗାଇଥିଲା।

ଆଶେସ ଟେଷ୍ଟର ପ୍ରଥମ ମ୍ୟାଚ୍ ଜରିଆରେ ସ୍ମିଥ୍ ଜବରଦସ୍ତ ପ୍ରତ୍ୟାବର୍ତ୍ତନ କରିଥିଲେ। ସେ ଦୁଇଟି ଟେଷ୍ଟର ତିନୋଟି ଇନିଂସ୍ ଖେଳି ମୋଟ ୩୭୮ (୧୪୪, ୧୪୨ ଓ ୯୨) ରନ୍ କରିଥିଲେ। ସ୍ମିଥଙ୍କ ପାଖରେ ଚଳିତ ଆଶେସ୍ ସିରିଜରେ ଦୁଇଟି ମ୍ୟାଚ୍ ବାକି ଅଛି ଏବଂ ସେ ଭଲ ପ୍ରଦର୍ଶନ କରି ନିଜ ରାଙ୍କିଙ୍ଗ୍ ପଏଣ୍ଟକୁ ଆହୁରି ବଢ଼ାଇବାକୁ ପ୍ରୟାସ କରିବେ।

ସ୍ମିଥ୍ ଓ କୋହଲିଙ୍କୁ ଆଧୁନିକ ଯୁଗର ମହାନ ବ୍ୟାଟ୍ସମ୍ୟାନ୍ କୁହାଯାଉଛି। ସ୍ମିଥ୍ ୬୬ ଟେଷ୍ଟ ମ୍ୟାଚ୍ ଖେଳି ୨୫ ଶତକ ସହ ୬୫୭୭ ରନ୍ ଏବଂ କୋହଲି ୭୯ ଟେଷ୍ଟରେ ୨୫ ଶତକ ସହ ୬୭୪୯ ରନ୍ କରିଛନ୍ତି। ରାଙ୍କିଙ୍ଗରେ ଭାରତର ମିଡିଲ ଅର୍ଡର ବ୍ୟାଟ୍ସମ୍ୟାନ୍ ଆଜିଙ୍କ୍ୟ ରାହାଣେ ସପ୍ତମ ସ୍ଥାନକୁ ଉଠିଛନ୍ତି। ଚେତେଶ୍ୱର ପୂଜାରା ଚତୁର୍ଥ ସ୍ଥାନରେ ରହିଛନ୍ତି।

ଆହୁରି ପଢ଼ନ୍ତୁ

ଇଂଲିଶ୍ ଟିମ୍‌କୁ ତା’ ଘରେ ଧୂଳି ଚଟାଇଲା ୱେଷ୍ଟଇଣ୍ଡିଜ୍

ଗାଭାସ୍କରଙ୍କ ସାଥୀ କ୍ରିକେଟର୍ କରୋନରେ ଆକ୍ରାନ୍ତ

କାର୍ ବିକ୍ରି ନେଇ ଫେସ୍‌ବୁକରେ କରିଥିବା ପୋଷ୍ଟକୁ ଡିଲିଟ୍ କଲେ ଦୂତୀ ଚାନ୍ଦ

ଶାହରୁଖ୍‌ ଖାନ୍‌ଙ୍କ ବିରୋଧରେ ବଡ଼ ବୟାନ ଦେଲେ ଗାଙ୍ଗୁଲି

୨୦୪ ରନରେ ଆଣ୍ଠେଇଲା ଇଂଲଣ୍ଡ

ବହୁ ପ୍ରତୀକ୍ଷାର ଅନ୍ତ ଘଟିଲା: ଆରମ୍ଭ ହେଲା କ୍ରିକେଟ୍‌, ମ୍ୟାଚ୍‌ ପୂର୍ବରୁ ଆଣ୍ଠେଇ ପଡ଼ି ନିରବ ପ୍ରାର୍ଥନା କଲେ ଖେଳାଳି

‘ପ୍ରିନ୍ସ ଅଫ୍ କୋଲକାତା’ @୪୮

୧୧୭ ଦିନର ବିରତି ପରେ ପଡ଼ିଆକୁ ଫେରିବ କ୍ରିକେଟ୍

ହ୍ୟାପି ବାର୍ଥ ଡେ ମାହି; ‘ଧୋନିଙ୍କ ପ୍ରତିନିଧିତ୍ୱ ଶୈଳୀ ଶବ୍ଦରେ ପ୍ରକାଶ କରିହେବନି’

ସଚିନଙ୍କ ବଡ଼ ରହସ୍ୟ ଖୋଲିଦେଲେ ଗାଙ୍ଗୁଲି

ପ୍ରମାଣ ଅଭାବରୁ ୨୦୧୧ ବିଶ୍ୱକପ୍ ଫାଇନାଲ୍‌ ଫିକ୍ସିଂର ଅଭିଯାେଗର ତଦନ୍ତ ବନ୍ଦ

ଆଇସିସି ଅଧ୍ୟକ୍ଷ ପଦରୁ ଇସ୍ତଫା ଦେଲେ ଶଶାଙ୍କ ମନୋହର

You might also like