ଭୁବନେଶ୍ୱରରେ ପହଞ୍ଚିଲା ଆର୍ଜେଣ୍ଟିନା ଟିମ୍

ପ୍ରଥମ ବିଦେଶୀ ଦଳ ଭାବେ ପହଞ୍ଚିଲା ଆର୍ଜେଣ୍ଟିନା ଟିମ୍‌

ଭୁବନେଶ୍ୱର: ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ହେବାକୁ ଥିବା ହକି ବିଶ୍ୱକପକୁ ଆଉ ମାତ୍ର ୬ ଦିନ ବାକି ଅଛି। ଏହି ହକି ମହାକୁମ୍ଭ ପାଇଁ ଆଜିଠୁ ବିଦେଶୀ ଦଳଙ୍କ ଆଗମନ ହୋଇଛି।

ଟୁର୍ଣ୍ଣାମେଣ୍ଟରେ ଭାଗ ନେବା ଲାଗି ପ୍ରଥମ ବିଦେଶୀ ଦଳ ଭାବେ ଆର୍ଜେଣ୍ଟିନା ଟିମ୍‌ ଭୁବନେଶ୍ୱରରେ ପହଞ୍ଚିଛି। ଭୁବନେଶ୍ୱର ବିମାନବନ୍ଦରରେ ଆର୍ଜେଣ୍ଟିନା ଖେଳାଳିଙ୍କୁ ସ୍ୱାଗତ କରାଯାଇଥିଲା।

ପରେ ସେମାନଙ୍କୁ କଡ଼ା ସୁରକ୍ଷାରେ ହୋଟେଲକୁ ନିଆଯାଇଥିଲା। ଅନ୍ୟପଟେ ଆଜି ରାତିରେ ଦକ୍ଷିଣ ଆଫ୍ରିକା ଟିମ୍‌ ପହଞ୍ଚିବ ବୋଲି ଜଣାପଡ଼ିଛି। ବିଦେଶୀ ଟିମ୍‌ ଆସୁଥିବାରୁ କମିଶନରେଟ୍ ପୁଲିସ୍‌ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଆଉ ୬ ଦିନ ପରେ ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଆରମ୍ଭ ହେବ ପୁରୁଷ ବିଶ୍ୱକପ୍ ହକି। ବିଶ୍ୱର ଟପ୍ ୧୬ଟି ଟପ୍ ଟିମକୁ ନେଇ ଲଢ଼େଇ ହେବ।

You might also like