ଗୋଲ୍‌ଡ କପ୍‌ ମହିଳା ଫୁଟ୍‌ବଲ୍‌: ବିଜୟରୁ ଅଭିଯାନ ଆରମ୍ଭ କଲା ଭାରତ

ରାଜ୍ୟ ପାଇଁ ଗୌରବ ଆଣିଲେ ଏହି ଓଡ଼ିଆ ଝିଅ

ଭୁବନେଶ୍ୱର: କଳିଙ୍ଗ ଷ୍ଟାଡ଼ିୟମରେ ଆରମ୍ଭ ହୋଇଥିବା ଚତୁଃରାଷ୍ଟ୍ରୀୟ ଗୋଲ୍‌ଡ କପ୍‌ ମହିଳା ଫୁଟବଲ୍‌ ଟୁର୍ଣ୍ଣାମେଣ୍ଟରେ ଆୟୋଜକ ଭାରତ ବିଜୟରୁ ଅଭିଯାନ ଆରମ୍ଭ କରିଛି।

ଗତକାଲି ଖେଳାଯାଇଥିବା ଏକ ଲିଗ୍‌ ମ୍ୟାଚରେ ଭାରତ ୧-୦ ଗୋଲରେ ଇରାନକୁ ହରାଇ ଦେଇଛି।  ଭାରତୀୟ ଦଳର ଖେଳାଳି ସଞ୍ଜୁ ତମାଙ୍ଗ ଗୋଲ୍‌ ସ୍କୋର୍‌ କରିଥିଲେ। ସେହିପରି ଅନ୍ୟ ଏକ ମ୍ୟାଚ୍‌ରେ ମିଆଁମାର ୩-୦ଗୋଲ୍‌ରେ ନେପାଳକୁ ପରାସ୍ତ କରିଛି।

ଗତକାଲି ଦୁଇଟି ମ୍ୟାଚ୍‌ ଖେଳାଯାଇଥିଲା, ପ୍ରଥମ ମ୍ୟାଚ୍‌ ମିଆଁମାର ଏବଂ ନେପାଳ ମଧ୍ୟରେ ଖେଳାଯାଇଥିବା ବେଳେ ଦ୍ୱିତୀୟ ମ୍ୟାଚ୍‌ ଭାରତ ଓ ଇରାନ ମଧ୍ୟରେ ଖେଳାଯାଇଥିଲା।

picture credit-Latestly.com

ଏହି ମ୍ୟାଚ୍‌ ଓଡ଼ିଶାରେ ଖେଳାଯାଉଥିବା ବେଳେ ରାଜ୍ୟ ପାଇଁ ଗୌରବ ଆଣିଛନ୍ତି ଓଡ଼ିଆ ଝିଅ ଜବାବମଣି ଟୁଡୁ। କାରଣ ଓଡ଼ିଶାରେ ଅନେକ ମହିଳା ଆନ୍ତର୍ଜାତିକ ଫୁଟବଲ୍‌ ଖେଳାଳି ସୃଷ୍ଟି ହୋଇଛନ୍ତି। ହେଲେ କୌଣସି ଖେଳାଳି ନିଜ ଜନ୍ମ ମାଟିରେ ଆନ୍ତର୍ଜାତିକ ମ୍ୟାଚ୍‌ ଖେଳିବାର ସୁଯୋଗ ପାଇ ନଥିଲେ। ପ୍ରଥମ ଓଡ଼ିଆ ମହିଳା ଫୁଟବଲ୍ ଖେଳାଳି ଭାବେ ଜବାମଣି ଟୁଡୁ ନିଜ ଜନ୍ମ ମାଟିରେ ଆନ୍ତର୍ଜାତିକ ମ୍ୟାଚ୍‌ ଖେଳିବା ସୌଭାଗ୍ୟ ଅର୍ଜନ କରିଛନ୍ତି।

You might also like