• translate
Satyendu Shekher Mishra

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୧ର ଅବଶିଷ୍ଟ ମ୍ୟାଚ୍ ଗୁଡ଼ିକ ଏବେ ସେପ୍ଟେମ୍ବରରେ ୟୁଏଇରେ ଅନୁଷ୍ଠିତ ହେବ । ବିସିସିଆଇର ଏକ ସ୍ୱତନ୍ତ୍ର ବୈଠକରେ ଏହି ବଡ଼ ନିଷ୍ପତ୍ତି ନିଆଯାଇଛି । କିନ୍ତୁ ଏବେ ଆଇପିଏଲ୍ ସହିତ ଜଡିତ ଆଉ ଏକ ଖୁସି ଖବର ଆସୁଛି । ରିପୋର୍ଟ ଅନୁଯାୟୀ, ଆଇପିଏଲର ଆବଶିଷ୍ଟ ୩୧ଟି ମ୍ୟାଚ୍, ଖାଲି ଷ୍ଟାଡିୟମ ନୁହେଁ ବରଂ ଦର୍ଶକଙ୍କ ଉପସ୍ଥିତିରେ ଅନୁଷ୍ଠିତ ହେବ । ୟୁଏଇ ଷ୍ଟାଡିୟମରେ ୫୦ ପ୍ରତିଶତ ପ୍ରଶଂସକଙ୍କୁ ପ୍ରବେଶ ଅନୁମତି ଦିଆଯିବ । କିନ୍ତୁ ଏଥିପାଇଁ କେବଳ ଗୋଟିଏ ସର୍ତ୍ତ ପୂରଣ କରିବାକୁ ହେବ ।

କ୍ରିକବଜ୍ ରିପୋର୍ଟ ଅନୁଯାୟୀ, ୟୁଏଇ କ୍ରିକେଟ୍ ବୋର୍ଡର ଅଧିକାରୀ କହିଛନ୍ତି, ‘ୟୁଏଇରେ ଆଇପିଏଲ୍ ମ୍ୟାଚ୍ ଫ୍ୟାନମାନଙ୍କ ଗହଣରେ ଅନୁଷ୍ଠିତ ହୋଇପାରିବ । ଅର୍ଥାତ୍ ଷ୍ଟାଡିୟମରେ ୫୦ ପ୍ରତିଶତ ଲୋକଙ୍କୁ ପ୍ରବେଶ ଅନୁମତି ଦିଆଯାଇପାରିବ । ଏଥିରେ ବିସିସିଆଇର ମଧ୍ୟ କୌଣସି କ୍ଷତି ହେବ ନାହିଁ । ୟୁଏଇର ନିୟମ ଅନୁଯାୟୀ, ଯେଉଁମାନେ କରୋନା ଟିକା ନେଇ ସାରିଛନ୍ତି, ସେହି ମାନେ ହିଁ ଷ୍ଟାଡିୟମ ଭିତରକୁ ଯାଇ ମ୍ୟାଚର ମଜା ନେଇପାରିବେ ।

ଦୁବାଇରେ ବିସିସିଆଇ ଅଧିକାରୀ

ବିସିସିଆଇର ଅଧିକାରୀମାନେ ଏବେ ଦୁବାଇରେ ଅଛନ୍ତି । ସେମାନେ ଇସିବି ଏବଂ ୟୁଏଇ ସହିତ ଆଇପିଏଲ ସମ୍ବନ୍ଧୀୟ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା କରୁଛନ୍ତି । ବିସିସିଆଇ ସଚିବ ଜୟ ଶାହା, କୋଷାଧ୍ୟକ୍ଷ ଅରୁଣ ସିଂ ଧୁମଲ, ଉପାଧ୍ୟକ୍ଷ ରାଜୀବ ଶୁକ୍ଲା ଏବଂ ଯୁଗ୍ମ ସଚିବ ଜୟଶ ଜର୍ଜ ସୋମବାର ଦୁବାଇରେ ପହଞ୍ଚିଛନ୍ତି । ବିସିସିଆଇର ଏହି ଅଧିକାରୀମାନେ ଆଇପିଏଲ ସହ ଜଡିତ ପ୍ରସଙ୍ଗରେ ଆଲୋଚନା ପାଇଁ ସେଠାରେ ପହଞ୍ଚିଛନ୍ତି । ଏଥିରେ ମୁଖ୍ୟ ପ୍ରସଙ୍ଗ ହେଉଛି ହୋଟେଲ ଗୁଡ଼ିକର ଭଡା । କାରଣ ଦୁବାଇ ଏକ୍ସପୋ ଯୋଗୁଁ ସେଠାରେ ଥିବା ହୋଟେଲ ଗୁଡ଼ିକର ମୂଲ୍ୟ ବହୁତ ଅଧିକ ରହିଥିବ ବୋଲି ଆଶଙ୍କା କରାଯାଉଛି ।

ଗତ ବର୍ଷ ମଧ୍ୟ କରୋନା ଭାଇରସ ଯୋଗୁଁ ଭାରତରେ ଆଇପିଏଲ ଅନୁଷ୍ଠିତ ହୋଇପାରି ନଥିଲା । ଏହି କାରଣରୁ ଆବୁଧାବି, ଶାରଜା ଏବଂ ଦୁବାଇରେ ଆଇପିଏଲ୍ ମ୍ୟାଚ୍ ଅନୁଷ୍ଠିତ ହୋଇଥିଲା । ତେବେ ସେହି ସମୟରେ ଖାଲି ଷ୍ଟାଡିୟମରେ ମ୍ୟାଚ୍ ଅନୁଷ୍ଠିତ ହୋଇଥିଲା । କୌଣସି ଦର୍ଶକଙ୍କୁ ଷ୍ଟାଡିୟମ ଭିତରକୁ ଛଡ଼ା ଯାଇନଥିଲା । କିନ୍ତୁ ଏଥର ଷ୍ଟାଡିୟମର କ୍ଷମତା ଅନୁଯାୟୀ ତାର ୫୦ ପ୍ରତିଶତ ଦର୍ଶକ ଷ୍ଟାଡିୟମରେ ବସି ଖେଳ ଦେଖିପାରିବେ । ଏହାଦ୍ୱାରା ଟିଭିରେ ଆଇପିଏଲ୍ ମ୍ୟାଚ୍ ଦେଖୁଥିବା ଦର୍ଶକ ମଧ୍ୟ ଖୁସି ହେବେ ।

ଅନ୍ୟପଟେ ୟୁଏଇରେ ହେବାକୁ ଥିବା IPL ୨୦୨୧, କେବେ ଆରମ୍ଭ ହେବ ସେନେଇ ଏବେ ସୁଦ୍ଧା ତାରିଖ ସ୍ଥିର ହୋଇନାହିଁ । କିନ୍ତୁ ଯାହା ଖବର ରହିଛି, ସେପ୍ଟେମ୍ବର ୧୯ରୁ ଆଇପିଏଲ ଆରମ୍ଭ ହେବାର ସମ୍ଭାବନା ରହିଛି ।

Other Stories

  • Former MLA Prafulla Majhi
    Prafulla Majhi କଂଗ୍ରେସରୁ ବିଦା ହେଲେ ପ୍ରଫୁଲ୍ଲ ମାଝୀ

    ବିଶୃଙ୍ଖଳିତ ଆଚରଣ ଓ ଦଳ ବିରୋଧୀ କାର୍ଯ୍ୟ ପାଇଁ ପୂର୍ବତନ ବିଧାୟକ ପ୍ରଫୁଲ୍ଲ ମାଝୀ କଂଗ୍ରେସରୁ ବହିଷ୍କୃତ ହୋଇଛନ୍ତି। ବରିଷ୍ଠ ନେତା ତଥା ପୂର୍ବତନ ବିଧାୟକ ପ୍ରଫୁଲ୍ଲ ମାଝୀ କଂଗ୍ରେସ ଛାଡ଼ି ପାରନ୍ତି ବୋଲି ପୂର୍ବରୁ ଚର୍ଚ୍ଚା ହେଉଥିଲା।...

  • BJD-BJP Faceoff Over Paika Rebellion
    Paika Rebellion ପାଇକ ବିଦ୍ରୋହକୁ ନେଇ ବିଜେଡି-ବିଜେପି ମୁହାଁମୁହିଁ

    ପାଇକ ବିଦ୍ରୋହକୁ ଦେଶର ପ୍ରଥମ ସ୍ୱାଧୀନତା ସଂଗ୍ରାମର ମାନ୍ୟତା ଦେବାକୁ କେନ୍ଦ୍ର ସରକାର ମନା କରିବା ପରେ ଏହାକୁ ନେଇ ରାଜନୀତି ଆରମ୍ଭ ହୋଇଯାଇଛି।

  • Odisha Assembly |  Tara Bahinipati Appeals CM To Call All Party Meet, Revoke Dibya Shankar Mishra
    Odisha Assembly ‘ବିଧାନସଭାକୁ ବନ୍ଦ କଲା ବିଜେଡି’

    ଆଜି ବି ଚାଲିପାରିଲାନି ବିଧାନସଭା.. ମନ୍ତ୍ରୀ ଦିବ୍ୟଶଙ୍କରଙ୍କ ବହିଷ୍କାର ଦାବିରେ ବିରୋଧୀ ହଟ୍ଟଗୋଳ କରିଥିବା ବେଳେ ବିଜେଡି ମୁଖା ପିନ୍ଧି ପ୍ରତିବାଦ କରିଥିଲା..ପରେ ବାଚସ୍ପତି ଗୃହକୁ ମୁଲତବି ଘୋଷଣା କରିଥିଲେ.. ଏହାକୁ ନିନ୍ଦା କରିଛନ୍ତି କଂଗ୍ରେସ ବିଧାୟକ...

  • Pandemonium Continues In Odisha Assembly, Adjourned Till 4 PM
    Pandemonium Continues ମୁଖା ପିନ୍ଧି ପ୍ରତିବାଦ କଲା ବିଜେଡି

    ମମିତା ମେହେର ହତ୍ୟା ମାମଲାରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବହିଷ୍କାର ଦାବିରେ ବିଧାନସଭାରେ ବିରୋଧୀ ହଟ୍ଟଗୋଳ କରିଥିବା ବେଳେ ଶାସକ ଗୋଷ୍ଠୀ ବିଜେଡି ଗାନ୍ଧି ମୂର୍ତ୍ତି ତଳେ ଜୟୀ ରାଜଗୁକୁଙ୍କ ମୁଖା ପିନ୍ଧି କେନ୍ଦ୍ର ସରକାର ବିରୋଧରେ...