ଅନ୍ୟମାନଙ୍କ ତୁଳନାରେ ଭାରତୀୟଙ୍କ ମସ୍ତିଷ୍କ ଛୋଟ

ନୂଆଦିଲ୍ଲୀ : ଭାରତୀୟଙ୍କ ମସ୍ତିଷ୍କ ଅନ୍ୟ ଦେଶର ବ୍ୟକ୍ତିଙ୍କଠାରୁ ଛୋଟ। ଉଚ୍ଚତା, ଚଉଡ଼ା ଓ ଆୟତନରେ ମଧ୍ୟ ଭାରତୀୟଙ୍କ ମସ୍ତିଷ୍କ ଛୋଟ ବୋଲି ଗବେଷଣାରୁ ସ୍ପଷ୍ଟ ହୋଇଛି। ହାଇଦ୍ରାବାଦ୍‌ର ସ୍ଥିତ ଇଣ୍ଟର୍ନ୍ୟାସ୍‌ନାଲ୍‌ ଇନ୍‌ଷ୍ଟିଟ୍ୟୁଟ୍‌ ଅଫ୍‌ ଟେକ୍ନୋଲୋଜି ପକ୍ଷରୁ ପ୍ରଥମଥର ପାଇଁ ଭାରତୀୟଙ୍କ ବ୍ରେନ୍‌ ଆଟଲାସ୍‌ ପ୍ରସ୍ତୁତ କରାଯାଇଛି। ଏହି ବ୍ରେନ୍‌ ଆଟଲାସ୍‌ ଦ୍ୱାରା ଅଲ୍‌ଜାଇମର୍‌ ଓ ଡିମେନ୍‌ସିଆ ପରି ଅନ୍ୟ ମସ୍ତିଷ୍କଜନିତ ରୋଗ ଚିହ୍ନଟ କରିବା ସହଜ ହେବ ବୋଲି ବିଶେଷଜ୍ଞମାନେ କହିଛନ୍ତି।

ଗବେଷଣାରେ ପ୍ରକାଶ ପାଇଥିବା ଏହି ତଥ୍ୟ ନ୍ୟୁରୋଲୋଜି ଇଣ୍ଡିଆ ମେଡିକାଲ୍‌ ଜର୍ଣ୍ଣାଲ୍‌ରେ ପ୍ରକାଶ ପାଇଛି।

ଏହି ଗବେଷଣାରେ କାମ କରୁଥିବା ଜୟନ୍ତୀ ଶିବସ୍ୱାମୀଙ୍କ କହିବା ଅନୁସାରେ ମସ୍ତିଷ୍କ ସହିତ ଜଡ଼ିତ ରୋଗକୁ ମନିଟର୍‌ କରିବା ପାଇଁ ‘ମଣ୍ଟ୍ରିଲ ନ୍ୟୁରୋଲୋଜିକାଲ୍‌ ଇନ୍‌ଷ୍ଟିଟ୍ୟୁଟ୍‌’ ପକ୍ଷରୁ ୧୯୯୩ ମସିହାରେ ପ୍ରଥମ ବ୍ରେନ୍‌ ଆଟଲାସ୍‌ ପ୍ରସ୍ତୁତ କରାଯାଇଥିଲା। ଏହି ଆଟଲାସ୍‌କୁ ସାରା ବିଶ୍ୱରେ ମାନକ ଭାବରେ ବ୍ୟବହାର କରାଯାଉଛି। ଏହି ଆଟଲାସ୍‌କୁ ମସ୍ତିଷ୍କର କୋଷକୁ ଧ୍ୟାନରେ ରଖି ପ୍ରସ୍ତୁତ କରାଯାଇଛି।

ଜୟନ୍ତୀ ଆହୁରି ମଧ୍ୟ କହିଛନ୍ତି, ଏହି ଗବେଷଣା ସହିତ ଜଡ଼ିତ ପ୍ରମାଣ ଆମ ପାଖରେ ରହିଛି। ଯେଉଁଥିରୁ ପ୍ରମାଣିତ ହୋଇଛି ଯେ ବ୍ରେନ୍‌ ଷ୍ଟ୍ରକଚର୍‌ ଓ ଏହା ସହିତ ଜଡ଼ିତ ଥିବା ରୋଗକୁ ଗବେଷଣା କରିବା ପାଇଁ ଏକ ବଡ଼ ଆଟଲାସ୍‌ର ଆବଶ୍ୟକତା ରହିଛି। ଏହି ଆଟଲାସ୍ ଯୋଗେ ମସ୍ତିଷ୍କର ଅଲଗା ଅଲଗା ସାଇଜ୍‌ ମଧ୍ୟରୁ କେଉଁ ଭାଗକୁ ନେଇ ଗବେଷଣା କରାଯିବ, ତାହା ଜଣାପଡ଼ିବ।

ମସ୍ତିଷ୍କ ସାଇଜ୍‌କୁ ନେଇ ଏପର୍ଯ୍ୟନ୍ତ ଯେତେ ବି ଟେମ୍ପଲେଟ୍‌ ପ୍ରସ୍ତୁତ କରାଯାଇଛି, ସେଥିରେ ଚୀନୀ ଓ କୋରିଆନ୍‌ ଟେମ୍ପଲେଟ୍‌ ମଧ୍ୟ ସାମିଲ ରହିଛି। କିନ୍ତୁ ଭାରତୀୟଙ୍କ ପାଇଁ କୌଣସି ଟେମ୍ପଲେଟ୍‌ ପ୍ରସ୍ତୁତ କରାଯାଇନଥିଲା। ଯେଉଁ ଟେମ୍ପଲେଟ୍‌କୁ ତିଆରି କରିବା ପାଇଁ ହାଇଦ୍ରାବାଦ୍‌ର ଆଇଆଇଟି ପ୍ରଥମ ପ୍ରୟାସ କରିଛି।

ଏମ୍‌ଏନ୍‌ଆଇ ଆଟଲାସ୍ ଅନୁସାରେ ଅନ୍ୟ ଦେଶ ବ୍ୟକ୍ତିଙ୍କର ମସ୍ତିଷ୍କର ଲମ୍ୱ ୧୮୧ ମିଲିମିଟର ରହିଥିବା ବେଳେ ଆଇବିଏ ଆଟଲାସ୍‌ ଅନୁସାରେ ଭାରତୀୟଙ୍କ ମସ୍ତିଷ୍କର ଲମ୍ୱ ୧୬୦ ମିଲିମିଟର ରହିଛି। ସେହିପରି ଚାଇନିଜ୍‌ ଓ କୋରିଆନ୍‌ ବ୍ୟକ୍ତିଙ୍କର ମସ୍ତିଷ୍କର ଲମ୍ୱ ୧୭୫ ଓ ୧୬୦ ମିଲିମିଟର ଥିବା ଜଣାପଡ଼ିଛି।

ଠିକ୍‌ ସେହିପରି ଏମ୍‌ଏନ୍‌ଆଇ ଆଟଲାସ୍‌ରେ ମସ୍ତିଷ୍କର ଉଚ୍ଚତା ୧୪୨ ରହିଥିବା ବେଳେ ଭାରତୀୟ ଆଟଲାସ୍‌(ଆଇବିଏ)ରେ ମସ୍ତିଷ୍କର ଉଚ୍ଚତା ୧୩୦ ମିଲିମିଟର ରହିଛି।

ଆହୁରି ପଢ଼ନ୍ତୁ

ଭୟଙ୍କର ସଡ଼କ ଦୁର୍ଘଟଣା, ଚାଲିଗଲା ୭ ଜୀବନ

ଅଯୋଧ୍ୟା ବିବାଦ: ମୁସଲିମ୍‌ ପକ୍ଷ କହିଲେ ଜମି ନେବୁ ତ ସେଇଠି

ବିଜେପି, ଶିବସେନା କଳିକୁ ନେଇ ଏମିତି କହିଲେ ଅମିତ ଶାହ

୧୧ ଲକ୍ଷ ଟଙ୍କାର ଯୌତୁକ ଆଡେଇ ଦେଲେ, ନେଲେ ୧୧ ଟଙ୍କା

ଆଇସିଜେ ଛାଟ; କୁଳଭୂଷଣଙ୍କ ପାଇଁ ଆର୍ମି ଆଇନ୍‌ ପରିବର୍ତ୍ତନ କଲା ପାକିସ୍ତାନ

ସୁପ୍ରିମକୋର୍ଟ ପ୍ରଧାନ ବିଚାରପତିଙ୍କ କାର୍ଯ୍ୟାଳୟ ହେବ RTI ପରିସରଭୁକ୍ତ

ମହାରାଷ୍ଟ୍ର ରାଜନୀତି; ମୁଖ୍ୟମନ୍ତ୍ରୀ ଚୌକିରେ ୫୦-୫୦ ବସିବେ କଂଗ୍ରେସ-ଶିବସେନା !

ମାଙ୍କଡ଼ କଲା ଅନ୍‌ଲାଇନ୍‌ ସପିଂ !

ଅଯୋଗ୍ୟ ଘୋଷିତ ୧୭ ବିଧାୟକ ଉପନିର୍ବାଚନ ଲଢ଼ିପାରିବେ-ସୁପ୍ରିମ କୋର୍ଟ

ଏୟାରଷ୍ଟ୍ରାଇକ୍‌; କୁଖ୍ୟାତ ଆତଙ୍କବାଦୀ ଅବୁ ଅଲ ଅତା ନିହତ

୯୦ ଟଙ୍କାରେ କିଣିଥିବା ଫୁଲଦାନୀକୁ ବିକିଲେ ୪.୪୮ କୋଟି ଟଙ୍କାରେ

ରିଲିଫ୍‌ ଫଣ୍ଡକୁ ଦାନ କଲେ, ଗୋଡ଼ରେ ମୁଖ୍ୟମନ୍ତ୍ରୀଙ୍କ ସହ ସେଲ୍‌ଫି ନେଲେ ଦିବ୍ୟାଙ୍ଗ ପ୍ରଣବ

You might also like