ଅତ୍ୟାଧୁନିକ ଏମିସାଟ୍‌ର ଉତ୍‌କ୍ଷେପଣ ଆଜି

ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା କେନ୍ଦ୍ର ଇସ୍ରୋ ପକ୍ଷରୁ ଆଜି ଅତ୍ୟାଧୁନିକ ଏମିସାଟ୍‌ ସାଟେଲାଇଟ୍ ଉତ୍‌କ୍ଷେପଣ କରାଯିବ। ଏହି ସାଟେଲାଇଟ୍‌ ଇଲେକଟ୍ରୋନିକ୍ ସୂଚନା ଆଧାରରେ ଶତ୍ରୁପକ୍ଷର ରାଡାର ଉପରେ ତୀକ୍ଷଣ ନଜର ରଖିବ।

ଆଜି ଶ୍ରୀହରି କୋଟାସ୍ଥିତ ସତୀଶ ଧାୱନ ସ୍ପେସ୍‌ ସେଣ୍ଟରରୁ ଏହାର ଉତ୍‌କ୍ଷେପଣ କରାଯିବ। ଏଥିପାଇଁ ଗତକାଲି ସକାଳ ୬ଟା ୨୭ରୁ ଅବଗଣନା ଆରମ୍ଭ ହୋଇଛି। ୪୩୬ କେଜି ଓଜନ ବିଶିଷ୍ଟ ଏମିସାଟ୍ ସାଟେଲାଇଟ୍ ସହ ୨୮ଟି ବିଦେଶୀ ସାଟେଲାଇଟ୍ ମଧ୍ୟ ଉତ୍‌କ୍ଷେପଣ କରାଯିବ।

ଏଥିସହ ଇସ୍ରୋ ପକ୍ଷରୁ ଆସନ୍ତାକାଲି ଦୀର୍ଘତମ ମିଶନ ହାତକୁ ନିଆଯିବ। PSLV C-45 ଦ୍ୱାରା ଉତ୍‌କ୍ଷେପଣର ୧୮୦ ମିନିଟ୍‌ ପରେ ଏହା କକ୍ଷପଥରେ ଅବସ୍ଥାପିତ ହେବ।

ଅନ୍ୟପଟେ ଏସାଟ୍‌ ଉତକ୍ଷେପଣ ପରେ ଏହାର ଅନେକ ଭଗ୍ନାବଶେଷ ଏବେ ମହାକାଶରେ ଥିବାରୁ ଆସନ୍ତାକାଲିର ପିଏସଏଲଭି ଉତ୍‌କ୍ଷେପଣ ବେଳେ ଏହା ସହ ସଂଘର୍ଷ ହେବା ଆଶଙ୍କା କରାଯାଉଛି।

ଗତ ୨୭ରେ ଏସାଟ୍ ମିସାଇଲ ମହାକାଶକୁ ଯାଇଥିବା ବେଳେ ଏହାର ପ୍ରାୟ ୩୦୦ ଖଣ୍ଡ ବିଖଣ୍ଡିତ ଅଂଶ ଏବେ ମହାକାଶରେ ରହିଥିବା କୁହାଯାଉଛି।

You might also like