କନେଷ୍ଟବଳଙ୍କୁ ଶୌଚାଳୟରେ ବନ୍ଦ କରି ଫେରାର୍‌ ଅଭିଯୁକ୍ତ ମହିଳା

ନୂଆଦିଲ୍ଲୀ : ଦିଲ୍ଲୀ ପୁଲିସ୍‌ଙ୍କ ମୁଣ୍ଡବଥାର କାରଣ ସାଜିଛନ୍ତି ଜଣେ ମହିଳା। ଏହି ଅଭିଯୁକ୍ତ ମହିଳାଙ୍କୁ ଖୋଜିବାରେ ରାତିଦିନ ଏକ୍‌ କରିଦେଇଛି ଦିଲ୍ଲୀ ପୁଲିସ୍‌। ଜଣେ ମହିଳା କନେଷ୍ଟବଳଙ୍କୁ ଶୌଚାଳୟରେ ବନ୍ଦ କରି ଫେରାର୍‌ ହୋଇଯାଇଛନ୍ତି ଏହି ଅଭିଯୁକ୍ତ ମହିଳା ଜଣଙ୍କ ।

ସୂଚନା ମୁତାବକ , ପଡୋଶୀଙ୍କ ସହ ମାଡ଼ପିଟି କରିବା ଓ ଅନ୍ୟର ଘରେ ଜବରଦସ୍ତ ପଶିବା ନେଇ ପୁଲିସ୍‌ ବିମଳା ନାମକ ମହିଳାଙ୍କୁ ଗିରଫ କରିଥିଲା । ମେଡିକଲ ଟେଷ୍ଟ ପାଇଁ ଏହି ମହିଳା କନେଷ୍ଟବଳ କୋମଳଙ୍କ ସହ ଡାକ୍ତରଖାନା ଯାଇଥିଲେ। ବିମଳା ଶୌଚାଳୟ ଯିବାକୁ କହିବାରୁ ତାଙ୍କୁ ସାଥିରେ ନେଇ ଯାଇଥିଲେ କନେଷ୍ଟବଳ କୋମଳ । ସେଠାରେ ପୂର୍ବରୁ ଦୁଇ ଜଣ ଯୁବକ ଛିଡ଼ା ହୋଇଥିଲେ।

କନେଷ୍ଟବଳ କୋମଳଙ୍କ କହିବାନୁସାରେ , ସେହି ଯୁବକ ଦୁଇ ଜଣ ଅଭିଯୁକ୍ତ ମହିଳାଙ୍କର ସହଯୋଗୀ ଥିଲେ । ମହିଳା ଜଣଙ୍କ ସେମାନଙ୍କ ସହ ମିଶି କନେଷ୍ଟବଳଙ୍କୁ ଶୌଚାଳୟରେ ବନ୍ଦ କରି ଫେରାର୍‌ ହୋଇଯାଇଥିଲେ । କନେଷ୍ଟବଳ କୋମଳ ଆଲାର୍ମ ବଜାଇଥିଲେ ବି କେହି ଶୁଣି ଆସିନଥିଲେ । ପରେ ଅନେକ ବିଳମ୍ବ ହେବା ଦେଖି କୋମଳଙ୍କର ଅନ୍ୟ ଷ୍ଟାପ୍‌ ଆସି ଶୌଚାଳୟରୁ ତାଙ୍କୁ ବାହାର କରିଥିଲେ ।

ଜିଟିବି ମେଡିକାଲରୁ ଫେରାର୍‌ ହୋଇଯାଇଥିବା ଅଭିଯୁକ୍ତ ମହିଳା ଓ ତାଙ୍କର ଦୁଇ ସାଥିଙ୍କୁ ପୁଲିସ୍‌ ଖୋଜିବା ଜାରି ରଖିଛି ।

ଆହୁରି ପଢ଼ନ୍ତୁ

You might also like