ଏମାନେ ପକ୍ଷୀ ନା ମଣିଷ ? ଭିଡିଓ ଭାଇରାଲ

ନୂଆଦିଲ୍ଲୀ: ଫେସ୍‌ବୁକ୍‌ ପରେ ଏବେ ଟ୍ୱିଟର ବହୁଳ ବ୍ୟବହାର ହେଉଛି। ଏଥିରେ ସାଧାରଣ ଜନତାଙ୍କଠାରୁ ଆରମ୍ଭ କରି ପ୍ରତିଷ୍ଠିତ ବ୍ୟକ୍ତିମାନେ ମଧ୍ୟ ଟ୍ୱିଟର୍‌ ବ୍ୟବହାର କରୁଛନ୍ତି। ଅନେକ ସମୟରେ ଟ୍ୱିଟର୍‌ରେ ମଜାଳିଆ ଫଟୋ ଓ ଭିଡିଓ ଦେଖିବାକୁ ମିଳିଥାଏ। ଯାହା ଲୋକଙ୍କୁ ଖୁବ୍‌ ପସନ୍ଦ ଆସେ ଓ ଦେଖୁ ଦେଖୁ ଏହା ଖୁବ୍‌ ଭାଇରାଲ୍ ହୋଇଯାଏ। କିଛି ଲୋକ ମଧ୍ୟ ଏଭଳି ମଜାଦାର ଚ‍କ୍ଷୁସୁଲଭ ଭିଡିଓ ବା ମେମ୍‌ (ହସରୋଳ ସୃଷ୍ଟି କରୁଥିବା ସ୍ୱଳ୍ପ ଅବଧି ଯୁକ୍ତ ବ୍ୟଙ୍ଗାତ୍ମକ ଫଟୋ ବା ଭିଡିଓ) ତିଆରି କରିବାରେ ବେଶ୍ ପାରଙ୍ଗମ। ଏହା ଆମେ କହୁନୁ, ଏହି ଭିଡିଓରେ ତାହା ସ୍ପଷ୍ଟ ଜଣାପଡ଼ୁଛି।

କର୍ଲି କିଡ୍‌ ଲାଇପ୍‌ ନାମରେ ଏକ ଟ୍ୱିଟର ହ୍ୟାଣ୍ଡେଲ୍‌ରୁ ଶେୟାର ହୋଇଥିବା ଏହି ଭିଡିଓଟି ଏବେ ଖୁବ୍ ଭାଇରାଲ୍ ହେଉଛି। ଭିଡିଓଟି ପୋଷ୍ଟ କରି ସେ ଏହାର କ୍ୟାପସନରେ ଲେଖିଛନ୍ତି ଯେ “ଯଦି ପକ୍ଷୀମାନଙ୍କର ଡେଣା ଥାନ୍ତା”। ଏହି ଭିଡିଓରେ ପକ୍ଷୀ ମାନଙ୍କ ଡେଣା ଜାଗାରେ ମଣିଷ ମାନଙ୍କ ହାତକୁ ଯୋଡ଼ା ଯାଇଛି। ମଣିଷମାନଙ୍କ ଭଳି ସେମାନେ ମଧ୍ୟ ବିଭିନ୍ନ କାମ କରୁଛନ୍ତି।

ଭିଡିଓଟିରେ ପକ୍ଷୀମାନେ ଘରକାମ କରିବା ସହ ସେଲ୍ଫି ନେଉଛନ୍ତି, ଗିଟାର ବଜାଉଛନ୍ତି, ସୁଟକେଶ ନେଇ ଅଫିସ ଯାଉଛନ୍ତି, ସପିଙ୍ଗ କରୁଛନ୍ତି, ଜିମ୍ କରୁଛନ୍ତି ଏବଂ ବହି ମଧ୍ୟ ପଢ଼ୁଥିବାର ମଧ୍ୟ ଦେଖାଯାଉଛି। ଭିଡିଓଟି ଦେଖିବାକୁ ଭାରି ମଜାଳିଆ ଲାଗୁଛି। ସତରେ ଭିଡିଓକୁ ଦେଖିଲା ପରେ ଟିକେ ଭାବନ୍ତୁ ତ ଯଦି ସତରେ ପକ୍ଷୀମାନଙ୍କର ଡେଣା ବଦଳରେ ହାତ ଥାନ୍ତା ତେବେ ସେମାନେ କଣ କରିଥାନ୍ତେ ?

ଏହି ଭିଡିଓଟି ଟ୍ୱିଟରରେ ସେୟାର ହେବାପରେ ଏହାକୁ ପାଖାପାଖି ୭ ମିଲିୟନ ଲୋକ ଦେଖି ସାରିଲେଣି ଏବଂ ୨୬ ହଜାର ଲୋକ ଏହାକୁ ରିଟ୍ୱିଟ କରିସାରିଲେଣି।

You might also like