ସ୍ୱାମୀ ଚିକେନ୍‌ ବିରିୟାନୀ ନଦେବାରୁ ପତ୍ନୀ ନେଲେ ଚରମ ନିଷ୍ପତ୍ତି

ଚେନ୍ନାଇ: ତାମିଲନାଡୁର ମାମଲାଲାପୁରମରେ ଜଣେ ମହିଳା ଚିକେନ୍‌ ବିରିୟାନୀ ଖାଇବାକୁ ନେଇ ଆତ୍ମହତ୍ୟା କରିଛନ୍ତି। କଥାଟା ଶୁଣି ଆଶ୍ଚର୍ଯ୍ୟ ଲାଗୁଥିଲେ ବି ସମ୍ପୂର୍ଣ୍ଣ ସତ। ମହିଳା ଜଣଙ୍କ ଚିକେନ୍‌ ବିରିୟାନୀ ଖାଇବା ପାଇଁ ତାଙ୍କ ସ୍ୱାମୀକୁ କହିଥିଲେ। କିନ୍ତୁ ସ୍ୱାମୀ ଚିକେନ୍‌ ବିରିୟାନୀ ନଆଣିବାରୁ ମହିଳା ଜଣଙ୍କ ଆତ୍ମହତ୍ୟା କରିଥିଲେ। ଆତ୍ମହତ୍ୟା କରିଥିବା ମହିଳାଙ୍କ ନାଁ ସୌମ୍ୟା(୨୮)। ତାଙ୍କ ସ୍ୱାମୀଙ୍କ ନାଁ ମନୋହରନ୍‌(୩୨)।

ପୋଲିସର କହିବା ଅନୁଯାୟୀ, ସୌମ୍ୟା ଓ ତାଙ୍କ ସ୍ୱାମୀ ମନୋହରନ ଦୁହେଁ ମୂର୍ତ୍ତି ଗଢ଼ିବା କାମ କରୁଥିଲେ। ୧୨ ବର୍ଷ ହେଲା ଦୁହଁଙ୍କର ବାହାଘର ହୋଇଛି। ଦୁହଁଙ୍କର ୧୦ବର୍ଷର ଏକ ପୁଅ ଓ ୧୧ବର୍ଷର ଏକ ଝିଅ ମଧ୍ୟ ଅଛି। ଏହି ଘଟଣା ପରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ଖବର ଅନୁଯାୟୀ, ସୌମ୍ୟା ଓ ମନୋହରନ୍‌ଙ୍କ ଘର ପାଖରେ ଏକ ନୂଆ ରେଷ୍ଟୁରାଣ୍ଟ ଖୋଲାଯାଇଛି। ସେହି ରେଷ୍ଟୁରାଣ୍ଟରେ ଗୋଟେ ଚିକେନ୍‌ ବିରିୟାନୀ ନେଲେ ତା ସହ ଆଉ ଗୋଟେ ଚିକେନ୍‌ ବିରିୟାନୀ ଫ୍ରି ମିଳୁଥିଲା। ଏହାକୁ ଶୁଣି ସୌମ୍ୟା ତାଙ୍କ ସ୍ୱାମୀଙ୍କୁ ଚିକେନ୍‌ ବିରିୟାନୀ ଆଣିବାକୁ କହିଥିଲେ। ଏକଥା ଶୁଣି ମନୋହରନ୍‌ ଯେତେବେଳେ ବିରିୟାନୀ ଆଣିବାକୁ ଯାଇଥିଲେ, ସେତେବେଳେ ଚିକେନ୍‌ ବିରିୟାନୀ ଶେଷ ହୋଇଯାଇଥିଲା। ସରିଯିବା ପରେ ମନୋହରନ୍‌ ସେହି ରେଷ୍ଟୁରାଣ୍ଟରୁ ଏକ ପ୍ଲେନ୍‌(ସାଧା) ବିରିୟାନୀ ଆଣିଥିଲେ। ମନୋହରନ୍‌ ସାଧା ବିରିୟାନୀ ନେଇ ଘରେ ପହଁଞ୍ଚିଲେ। ଏହା ଦେଖି ସୌମ୍ୟା ରାଗି ଯାଇଥିଲେ ଏବଂ ଏହାକୁ ଖାଇବେ ନାହିଁ ବୋଲି ମନାକରିଦେଲେ। ତେଣୁ ମନୋହରନ୍‌ ବିରିୟାନୀକୁ ପଡ଼ୋଶୀକୁ ଦେଇଥିଲେ।

ପୋଲିସର କହିବା ଅନୁଯାୟୀ, ପରେ ମନୋହରନ୍‌ କାମ କରିବାକୁ ଯାଇଥିଲେ। ଏହି ସମୟରେ ସୌମ୍ୟା ରାଗି ଯାଇ ଛାତ ଉପରକୁ ଯାଇଥିଲେ। ସେଠାରେ ଥିବା ଏକ ରୁମ୍‌ରେ ନିଜକୁ ବନ୍ଦ କରିଦେଇଥିଲେ। ପରେ ସୌମ୍ୟା ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ। ପରେ ପଡ଼ୋଶୀ ଏହି ଘଟଣା ବିଷୟରେ ପୋଲିସକୁ ସୂଚନା ଦେଇଥିଲେ। ସୌମ୍ୟାଙ୍କୁ ନିକଟସ୍ଥ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିନ୍ତୁ ସୌମ୍ୟାଙ୍କ ଶରୀର ଏତେ ମାତ୍ରାରେ ପୋଡ଼ି ଯାଇଥିଲା ଯେ ଶୁକ୍ରବାର ଦିନ ସେ ମୃତ୍ୟୁବରଣ କରିଥିଲେ।

ଏହି ଘଟଣାରେ ପୋଲିସ ଏକ ମାମଲା ରୁଜୁ କରିଛି। ଏନେଇ ପୋଲିସ ଟିମ୍ ପରିବାରର ଅନ୍ୟ ସଦସ୍ୟଙ୍କୁ ମଧ୍ୟ ପଚରାଉଚରା କରୁଛି। ଏହା ବ୍ୟତୀତ ପଡ଼ୋଶୀଙ୍କ ବୟାନ ମଧ୍ୟ ପୋଲିସ ରେକର୍ଡ କରୁଛି। ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ଆଗରୁ କୌଣସି କଥାକୁ ନେଇ ଝଗଡ଼ା ହୋଇଥିଲା କି ନାହିଁ, ତାହା ପୋଲିସ ଜାଣିବାକୁ ଚେଷ୍ଟା କରୁଛି ।

ଆହୁରି ପଢ଼ନ୍ତୁ

ସାଇକେଲ ଧରି ମନ ଖୁସିରେ ଖେଳୁଥିଲେ ପିଲା, ଏପଟେ ଛକି ବସିଥିଲା ମାଉଣ୍ଟେନ ଲାୟନ

ସବୁଜିମାରେ ହସିବ ମରୁଭୂମି; ୭ ଘଣ୍ଟାରେ ହୋଇପାରିବ ଚାଷ ଉପଯୋଗୀ

ଭାରତୀୟଙ୍କ ମସ୍ତିଷ୍କ ଚୀନ୍‌ ଲୋକଙ୍କ ମସ୍ତିଷ୍କଠାରୁ ଛୋଟ

ଆସନ୍ତାକାଲିଠାରୁ ଫଟାଫଟ୍ କ୍ରିକେଟ୍, କିଏ ମାରିବ ବାଜି?

ଗୀତ ଗାଇ ମନ ମୋହିଲେ କୋରାପୁଟ ଝିଅ ନମିତା

ନିଜ ପାଇଁ ନିଜେ: ଏକା ଏକା ୩ କିଲୋମିଟର କେନାଲ ଖୋଳିଲେ ଚାଷୀ

ଗଛରେ ମାତ୍ର ୪ଟି ପତ୍ର, ଦାମ୍ ଶୁଣିଲେ ହୋସ୍ ଉଡ଼ିଯିବ

Pranab Mukharjee Death: ପ୍ରଣବ ଦା’ ଙ୍କ ପାଞ୍ଚ ଦଶନ୍ଧିର ରାଜନୀତିରେ ପୂର୍ଣ୍ଣଛେଦ

ଚୀନ୍‌ରେ ଏବେ ବି ପୂଜା ପାଉଛନ୍ତି ଏଇ ଭାରତୀୟ

Atal Tunnel Rohtang Explained: ସେପ୍ଟେମ୍ବରରେ ଉଦ୍‌ଘାଟନ ହେବ ବିଶ୍ୱର ସର୍ବବୃହତ ସୁଡ଼ଙ୍ଗପଥ ‘ଅଟଳ ଟନେଲ୍‌‌’

ଜାତୀୟ କ୍ରୀଡ଼ା ଦିବସରେ ‘ହକି ଯାଦୁଗର’ଙ୍କୁ ସଲାମ୍

ଚିତ୍ରକର ଆଙ୍କିଥିଲେ ଜବରଦସ୍ତ ପେଣ୍ଟିଂ; ଲୋକେ କହିଲେ ସୁଶାନ୍ତ ସିଂହ ରାଜପୁତ

You might also like