ଯେତେବେଳେ ମୋଦିଙ୍କୁ ସୁଷମା କହିଥିଲେ,‘ଆରେ ଭାଇ ଏମିତି ହୁଏନି’

‘ସେ ବୟସରେ ମୋଠାରୁ ସାନ ଥିଲେ। କିନ୍ତୁ ମୋତେ ବହୁତ କଥା ଶିଖାଇଛନ୍ତି।’

ନୂଆଦିଲ୍ଲୀ: ବରିଷ୍ଠ ବିଜେପି ନେତ୍ରୀ ତଥା ପୂର୍ବତନ ବୈଦେଶିକ ମନ୍ତ୍ରୀ ସୁଷମା ସ୍ୱରାଜଙ୍କର ଗତ ସପ୍ତାହର ମଙ୍ଗଳବାର ରାତିରେ ପରଲୋକ ହୋଇଥିଲା। ଗତକାଲି ତାଙ୍କ ସ୍ମୃତିରେ ବିଜେପି ପକ୍ଷରୁ ନୂଆଦିଲ୍ଲୀରେ ଏକ ସଭାର ଆୟୋଜନ କରାଯାଇଥିଲା। ଏଥିରେ ତାଙ୍କୁ ସମେସ୍ତ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହିତ ତାଙ୍କ ସ୍ମୃତିଚାରଣ କରିଥିଲେ। ସେମାନଙ୍କ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବି ଥିଲେ। ସେ ସୁଷମାଙ୍କ ସ୍ମୃତିଚାରଣ କରି କହିଥିଲେ, ସେ ବୟସରେ ମୋଠାରୁ ସାନ ଥିଲେ। କିନ୍ତୁ ମୋତେ ସେ ବହୁତ କଥା ଶିଖାଇଛନ୍ତି।

ପ୍ରଧାନମନ୍ତ୍ରୀ କହିଥିଲେ “ବୈଦେଶିକ ମନ୍ତ୍ରଣାଳୟରେ କିଛି ପରମ୍ପରା ରହିଛି ଯେଉଁଗୁଡ଼ିକ ଭାରି ଉତ୍ତମ। ମୁଁ ନୂଆ ନୂଆ ପ୍ରଧାନମନ୍ତ୍ରୀ ହୋଇଥିଲି ଓ ଜାତିସଂଘରେ ମୋର ଭାଷଣ ଦେବାର ଥିଲା। ପ୍ରଥମ ଥର ପାଇଁ ସେଠାକୁ ଯାଉଥିଲି। ସୁଷମାଜୀ ସେଠାରେ ପୂର୍ବରୁ ପହଞ୍ଚି ଯାଇଥିଲେ। ମୁଁ ସେଠାରେ ପହଞ୍ଚିବା ପରେ ସେ ମୋତେ ପାଛୋଟି ନେବା ପାଇଁ ଉପସ୍ଥିତ ଥିଲେ। ପହଞ୍ଚିବା ପରେ ମୁଁ କହିଥିଲି, ଚାଲ ବସି ବୈଠକ କରିବା ଓ କାଲି ସକାଳେ ମୋତେ କ’ଣ କରିବାକୁ ହେବ, ସେ ବିଷୟରେ କୁହନ୍ତୁ। ଏହା ପରେ ସୁଷମାଜୀ ମୋତେ ପଚାରିଲେ ଆପଣଙ୍କ ଭାଷଣ କାହିଁ। ମୁଁ କହିଲି ସେମିତି କହି ଦେବି। ସେଥିରେ କ’ଣ ଅଛି। ସେ କହିଲେ- ଆରେ ଭାଇ ଏମିତି ହୁଏନି। ଦୁନିଆ ଆଗରେ ଭାରତର କଥା ରଖିବାକୁ ହୁଏ। ସେମିତି ମନଇଚ୍ଛା କୁହାଯାଏନି।”

ଏ କଥାକୁ ଆଗେଇ ନେଇ ମୋଦି କହିଥିଲେ,“ମୁଁ ପ୍ରଧାନମନ୍ତ୍ରୀ ଥିଲି। ଆଉ ସେ ବୈଦେଶିକ ମନ୍ତ୍ରଣାଳୟ ସମ୍ଭାଳୁଥିବା ମୋ ସାଥୀ ମନ୍ତ୍ରୀ ଥିଲେ। ତଥାପି ସେ ମୋତେ କହିଥିଲେ- ଆରେ ଭାଇ ଏମିତି ହୁଏନି। ତା’ପରେ ମୁଁ କହିଲି, ଆରେ ଭାଇ ମୁଁ ତ ଭାଷଣ ଲେଖିକି ପଢ଼ିପାରେ ନାହିଁ। ମୋ ପାଇଁ ଏହା ବହୁତ ମୁସ୍କିଲ୍ ହୋଇଥାଏ। ମୁଁ ସେମିତି କହିଦେବି। ସେ କହିଲେ, ନା ହୋଇପାରିବନି। ତା’ପରେ ଆମେ ସେହି ରାତିରେ ବସିଲୁ। ମୁଁ କ’ଣ କହିବାକୁ ଚାହୁଁଛି, ସେ ବିଷୟରେ ସେ ମୋତେ ପଚାରିଲେ। ତା’ପରେ ଭାଷଣ ପ୍ରସ୍ତୁତ କରାଗଲା ଓ ତା’ପରଦିନ ସକାଳେ ମୋତେ ଲିଖିତ ଭାଷଣ ଦିଆଗଲା।”

ଆହୁରି ପଢ଼ନ୍ତୁ

ରହସ୍ୟରେ ଆଟଲସ୍‌ ସାଇକେଲ୍‌ କଂପାନୀ ମାଲିକଙ୍କ ପତ୍ନୀଙ୍କ ଆତ୍ମହତ୍ୟା !

ମିଶନ ଗଗନଯାନରେ ସାମିଲ ହେବ ଏହି ମହିଳା ରୋବୋଟ

ପିତା ନିଜ ନବଜାତ ପୁଅର ନାଁ ରଖିଲେ ‘କଂଗ୍ରେସ’ !

ସୋଶାଲ୍ ମିଡିଆରେ ଭାଇରାଲ୍ ଡାକ୍ତର-ରୋଗୀଙ୍କ ସୁସଂପର୍କ

ମାସର ସେହି ଦିନର ଯନ୍ତ୍ରଣା ଓ ଘରୋଇ ଉପଚାର…

ହାତ ଠାରି ଡାକେ ପ୍ରକୃତି… ମନ ମୋହୁଛି ପ୍ରାକୃତିକ ସୌନ୍ଦର୍ଯ୍ୟ

ସ୍ୱପ୍ନ ହେଲା ସତ ; ଲମ୍ୱା କେଶ ପାଇଁ ବିଶ୍ୱ ରେକର୍ଡ କଲେ ଯୁବତୀ  

୫ଶ୍ରେଣୀ ଛାତ୍ରଙ୍କ ମହତ ଉଦ୍ୟମ ; ପେଟ୍ରୋଲ ଚାଳିତ ସାଇକେଲ ନିର୍ମାଣ କରି ଚର୍ଚ୍ଚାରେ

ମା’ ହେଲେ ୧୧ବର୍ଷୀୟା ଛାତ୍ରୀ, ହଷ୍ଟେଲ୍‌ରେ ଜନ୍ମ କଲେ ପିଲା !

ସ୍ମାର୍ଟଫୋନ୍‌ରେ ବଡ଼ ଡିସ୍‌କାଉଣ୍ଟ , ଏକ୍ସଚେଞ୍ଜ ଅଫର ବି ଉପଲବ୍ଧ : ସୀମିତ ସମୟ

ହେଲମେଟ ନପିନ୍ଧି ଗାଡ଼ି ଚଳେଇଲେ ଲେଖିବାକୁ ହେବ ୧୦୦ ଶବ୍ଦରେ ପ୍ରବନ୍ଧ

ରିଲାକ୍ସ ହ୍ୱାଟ୍ସଆପ୍‌ ୟୁଜର୍‌; ଏବେ ଆଉ ଏମିତି ହେବନି !

You might also like