ଇଣ୍ଟରନେଟ୍‌ରେ ଆପଣ ଅନାବିଳ ବନ୍ଧୁତ୍ୱର ଅନେକ ନିଦର୍ଶନ ଦେଖିବାକୁ ପାଉଥିବେ।  ହେଲେ ଏମାନଙ୍କ ବନ୍ଧୁତା କିନ୍ତୁ ନିଆରା।  ଏମାନେ ଗୋଟିଏ ରକ୍ତର ନୁହଁନ୍ତି କିମ୍ବା ଗୋଟିଏ ପ୍ରଜାତିର ନୁହଁନ୍ତି । ହେଲେ ମନ ଯେମିତି ଗୋଟିଏ। ପରସ୍ପରର ସୁଖଦୁଃଖକୁ ସେମାନେ ବୁଝିପାରନ୍ତି। ଆବଶ୍ୟକତାକୁ ଅନୁଭବ କରିପାରନ୍ତି। ହଁ, ଆମେ ଏଠି କହୁଛୁ ଦୁଇ ବନ୍ଧୁ ମୋରିସ୍‌ ଏବଂ ଚାମ୍ପିଙ୍କ କାହାଣୀ। ଏମାନେ ମଣିଷ ନୁହଁନ୍ତି ସତ, ମଣିଷଠାରୁ ବନ୍ଧୁତ୍ୱର ମୂଲ୍ୟକୁ ଯେମିତି ଅଧିକ ବୁଝି ପାରିଛନ୍ତି।

ଫଟୋରେ ଦେଖୁଥିବା ଘୋଡ଼ାଟିର ନାମ ହେଉଛି ଚାମ୍ପି ଏବଂ ଘୋଡ଼ାଟିର ପିଠି ଉପରେ ବସିଥିବା ବିଲେଇଟିର ନାଁ ହେଉଛି ମୋରିସ୍‌। ଏହି ଦୁଇଜଣ ହେଉଛନ୍ତି ଭଲ ଦୋସ୍ତ। ଦୀର୍ଘ ସାତ ବର୍ଷ ଧରି ଦୁଇଜଣ ଏକାଠି ଅଛନ୍ତି।

ମୋରିସ୍‌କୁ ତା’ର ମାଲିକ ଏକ ରେସ୍କ୍ୟୁ ସେଣ୍ଟରରୁ ଆଣିଥିଲେ। ପୂର୍ବରୁ ତାଙ୍କ ପାଖରେ ଚାମ୍ପି ରହିଥିଲା। ମୋରିସ୍‌ ଆସିଲା ପରେ ଘୋଡ଼ାଟି ତା ପାଖକୁ ଧିରେଧିରେ ଯିବାକୁ ଚେଷ୍ଟା କଲା। ମାଲିକଙ୍କ କହିବା ଅନୁଯାୟୀ,  ବିଲେଇଟି ଲାଜକୁଳା ସ୍ୱଭାବର ଥିଲା। ସେ ଅନ୍ୟ ଜୀବଜନ୍ତୁଙ୍କ ସହ ଶିଘ୍ର ମିଶି ପାରୁନଥିଲା। ହେଲେ ଚାମ୍ପିଙ୍କ ସହ ଖୁବ୍ ଶିଘ୍ର ଦୋସ୍ତି କରିନେଇଥିଲା।

ମୋରିସ୍‌ ଏବଂ ଚାମ୍ପିର ଦୋସ୍ତି ଏମିତି ଯେ ଚାମ୍ପି ବୁଲିଲା ସମୟରେ ମୋରିସ୍‌ ତା ପିଠିରେ ବସି ବୁଲିଥାଏ।

ଚାମ୍ପି ଏକ କାଠର ଖୁଣ୍ଟ ପାଖରେ ଯାଇ ଛିଡ଼ା ହୋଇଯାଏ। ମୋରିସ୍‌ ସେଇ କାଠ ଖୁଣ୍ଟ ପାଖକୁ ଆସି ତା ଉପରେ ବସେ ଏବଂ ସେଠାରୁ ଚାମ୍ପି ପିଠିକୁ ଜମ୍ପ୍‌ କରେ। ଏହାପରେ ଦୁଇ ବନ୍ଧୁ ଫାର୍ମ ହାଉସ୍‌ର ଚାରିପାଖରେ ବୁଲାବୁଲି କରିଥାନ୍ତି।

ମୋରିସ୍‌ ଚାମ୍ପିକୁ ବହୁତ ଭଲ ପାଏ। ସେ ତାକୁ ଚୁମ୍ୱନ ମଧ୍ୟ ଦେଇଥାଏ।

ଦୁଇଜଣ ଯାକ ମୁହଁକୁ ମୁହଁ ଲଗାଇ କିଛି ସମୟ ନିରବରେ ରହିଥାନ୍ତି। ଏଥିରୁ ଦୁହିଁକ ଭିତରେ ଥିବା ଭଲପାଇବା ବେଶ୍‌ ବାରି ହୁଏ।

 

ମୋରିସ୍‌ ଚାମ୍ପିର ପିଠି ଉପରେ ବସି ଚାରିଆଡ଼େ ବୁଲେ। ଏମିତିକି ସେ ପଡ଼ିଆରେ ଘାସ ଖାଇଲା ସମୟରେ ମଧ୍ୟ ମୋରିସ୍‌ ତାର ପିଠି ଉପରେ ବସି ବୁଲୁଥାଏ।

 


ଚାମ୍ପି ମୋରିସ୍‌କୁ ଅପେକ୍ଷା କରି ରହିଥାଏ। ଯେତେବେଳେ ମୋରିସ୍‌ ତାର ପିଠି ଉପରେ ବସି ପଡ଼େ ସେତେବେଳେ ସେ ବୁଲିବାକୁ ବାହାରିଥାଏ।

ଏଥିରୁ ମଣିଷ ନହୋଇ ମଧ୍ୟ ଦୁଇ ବନ୍ଧୁଙ୍କ ଭିତରେ ଥିବା ନିବିଡ଼ତା ଜାଣିହୁଏ। ତେବେ ଏହି ଫଟୋ ଏବଂ ଭିଡିଓ ଗୁଡ଼ିକ ଚାମ୍ପି ଏବଂ ମୋରିସ୍‌ ନାମକ ଇନ୍‌ଷ୍ଟାଗ୍ରାମ ଆକାଉଣ୍ଟରେ ଜେନିଫର ବୋୟେଲ ସେୟାର କରିଥିବା ଜଣାପଡ଼ିଛି।

Other Stories

  • tricolour designer
    Indipendence Day 2021 କିଏ କରିଥିଲା ତ୍ରିରଙ୍ଗାର ଡିଜାଇନ ?

    ସ୍କୁଲ,କଲେଜ ହେଉ, ୟୁନିଭର୍ସିଟି, ଅଫିସ ହେଉ.. ଫର ଫର ଉଡ଼ିଥିବା ତ୍ରିରଙ୍ଗାକୁ ଦେଖିଲେ ମନେପଡ଼ିଯାଏ ଆଜି ସ୍ୱାଧୀନତା ଦିବସ କିମ୍ବା ସାଧାରଣତନ୍ତ୍ର ଦିବସ। ତିନି ରଙ୍ଗର ସମାହାର ତ୍ରିରଙ୍ଗା। କୋଟି ଭାରତୀୟଙ୍କ ସ୍ୱାଭିମାନ, ଗର୍ବ, ସମ୍ମାନର ପ୍ରତୀକ...

  • freinds saree
    Friendship Day କଳାତ୍ମକ ଶାଢ଼ୀରେ ବନ୍ଧୁତାର ପରିଭାଷା

    ଆଜି ପରି ଏକ ଦୁର୍ଲଭ ଦିନରେ ବନ୍ଧୁଟିଏ ବନ୍ଧୁ ପାଇଁ ବିଭିନ୍ନ କିସମର ଉପହାର ଦିଆନିଆର ପରମ୍ପରା ରହିଛି । ତେବେ ଏହି ମହାର୍ଘ ଦିବସକୁ ଲକ୍ଷ୍ୟରେ ରଖି ଦେଶୀ ମଂଗାରେ ପ୍ରସ୍ତୁତ ହୋଇଛି ଫ୍ରେଣ୍ଡ୍ସ ଶାଢୀ...

  • Niladri Bije
    Niladri Bije ଆଜି ନୀଳକନ୍ଦରର ରତ୍ନସିଂହାସନରେ ବିଜେ କରିବେ ନୀଳାଦ୍ରିନାଥ

    ଜନ୍ମବେଦୀରେ ଲୀଳାଖେଳା ସରିବା ପରେ ଆଜି ନୀଳକନ୍ଦରର ରତ୍ନସିଂହାସନରେ ବିଜେ କରିବେ ନୀଳାଦ୍ରିନାଥ। ନବଦିନାତ୍ମକ ଯାତ୍ରା ଶେଷ କରି ଆଜି ରତ୍ନସିଂହାସନରେ ବିରାଜିତ ହେବେ କାଳିଆ ସାଆନ୍ତେ।

  • adharapana
    Adhara Pana ଆଜି ଶ୍ରୀଜିଉଙ୍କ ଅଧରପଣା ନୀତି

    ତ୍ରୟୋଦଶୀ ତିଥିରେ ରଥାରୁଢ଼ ଶ୍ରୀଜିଉଙ୍କ ଅଧରପଣା ଭୋଗ ନୀତି ଅନୁଷ୍ଠିତ ହେବ । ଅଧରପଣା ନୀତି ପାଇଁ ଶ୍ରୀମନ୍ଦିର ପ୍ରଶାସନ, ରାଘବଦାସ ମଠ ଓ ବଡ଼ ଓ଼ଡ଼ିଆ ମଠ ପକ୍ଷରୁ ସମସ୍ତ ପ୍ରସ୍ତୁତି ହୋଇଥାଏ