ଜଳିଗଲା ୨ ଶହରୁ ଅଧିକ କାର୍

ମେଡିକାଲ କଲେଜ ପଡ଼ିଆ ପାର୍କିଂରେ ନିଆଁ

ଚେନ୍ନାଇ : ଚାହୁଁ ଚାହୁଁ ଜଳିଗଲା ୨ଶହରୁ ଅଧିକ କାର୍। ଚେନ୍ନାଇ ନିକଟ ରାମଚନ୍ଦ୍ର ମେଡିକାଲ୍ କଲେଜ ପଡ଼ିଆ ପାର୍କିଂରେ ଜଳିଯାଇଛି ଏହି ସବୁ କାର୍। ଆଜି ଅପରାହ୍ନରେ ହଠାତ୍ ଏହି ପାର୍କିଂ ପଡ଼ିଆରେ ନିଆଁ ଲାଗି ଯାଇଥିଲା। ପଡ଼ିଆରେ ଶୁଖିଲା ଘାସ ଥିବାରୁ ନିଆଁ ଅଳ୍ପ ସମୟ ମଧ୍ୟରେ ସବୁଆଡ଼କୁ ବ୍ୟାପି ଯାଇଥିଲା।

୧୦ରୁ ଅଧିକ ଦମକଳ ଗାଡ଼ି ଲାଗିଥିଲେ ବି ନିଆଁକୁ ଶୀଘ୍ର ଲିଭା ଯାଇପାରିନଥିଲା। ଅଗ୍ନିକାଣ୍ଡର ପ୍ରକୃତ କାରଣ ଏ ଯାଏ ଜଣାପଡ଼ି ନାହିଁ।

ଗତକାଲି ବେଙ୍ଗାଲୁରୁରେ ଏୟାର ଶୋ’ ବେଳେ ଏଭଳି ନିଆଁ ଲାଗି ୩ ଶହରୁ ଅଧିକ କାର୍ ଜଳି ଯାଇଥିଲା। ଆଜି ସେହି ଅଞ୍ଚଳକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ। ଭାରତୀୟ ବାୟୁ ସେନା ପକ୍ଷରୁ କୋର୍ଟ ଅଫ୍ ଇନକ୍ୱାରୀ ନିର୍ଦ୍ଦେଶ ଦିଆଯାଇଛି।

 

You might also like