ଜଳଖିଆରେ ଚୁଟି ପଡିଥିବା ଦେଖି ପତ୍ନୀଙ୍କୁ ଲଣ୍ଡା କଲେ ସ୍ୱାମୀ !

ଢାକା : ଜଳଖିଆରେ ଚୁଟି ପଡିଥିବା ଦେଖି ଜଣେ  ବଙ୍ଗୀୟ ବ୍ୟକ୍ତି ନିଜ ପତ୍ନୀଙ୍କ ସହ କରିଛନ୍ତି ଅଜବ କାଣ୍ଡ। ପତ୍ନୀଙ୍କର ମୁଣ୍ଡକୁ ସଂପୂର୍ଣ୍ଣ ଲଣ୍ଡା କରିଦେଇଛନ୍ତି । ଆଉ ଏହି ଘଟଣାରେ ବାଂଲାଦେଶ ପୁଲିସ୍‌ ଏହି ବ୍ୟକ୍ତିଙ୍କୁ ଗିରଫ କରିଛି । 

ଜୟପୁରହାଟ ଠାରେ ଚଢ଼ଉ କରି ପୁଲିସ୍‌ ଅଭିଯୁକ୍ତ ବବୁଲ ମଣ୍ଡଳଙ୍କୁ ଗିରଫ କରିଛନ୍ତି। ଗାଁ ଲୋକଙ୍କ ସୂଚନା ଆଧାରରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି। ପୁଲିସ୍‌ କହିବା ଅନୁଯାୟୀ, ପତ୍ନୀଙ୍କ ପ୍ରସ୍ତୁତ ସକାଳ ଜଳଖିଆରେ ଏକ ଚୁଟି ଦେଖିବାକୁ ମିଳିଥିଲା। ଏହାପରେ ସେ ରାଗିଯାଇଥିଲେ ଏବଂ ଏଥିପାଇଁ ପତ୍ନୀଙ୍କୁ ଦାୟୀ କରିଥିଲେ। ଏହାପରେ ସେ ଏକ ବ୍ଲେଡ୍‌ ନେଇ ଜୋର ଜବରଦସ୍ତ ଲଣ୍ଡା କରିଦେଇଥିଲେ।

ବର୍ତ୍ତମାନ ବବଲୁଙ୍କ ନାମରେ ଯେଉଁ ମାମଲା ରୁଜୁ କରାଯାଇଛି ଏଥିରେ ୧୪ ବର୍ଷ ଯାଏ ଜେଲ ହେବ। ସାମାଜିକ କର୍ମୀମାନେ କହିଛନ୍ତି, ଏହା ଦର୍ଶାଉଛି କିଭଳି ବାଂଲାଦେଶରେ ନିର୍ଯାତନା ବଢ଼ିବାରେ ଲାଗିଛି। ଆଉ ଏ ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି।
You might also like