କଠୁଆ ଗଣଦୁଷ୍କର୍ମ ଓ ହତ୍ୟା ମାମଲା: ୩ ଜଣଙ୍କୁ ଆଜୀବନ, ବାକି ୩ ଜଣଙ୍କୁ ୫ ବର୍ଷ ଲେଖାଏଁ ସଜା

ପଠାନକୋଟ : ବହୁଚର୍ଚ୍ଚିତ ଜମ୍ମୁ କଶ୍ମୀର କଠୁଆ ଗଣଦୁଷ୍କର୍ମ ମାମଲାର ପଠାନକୋଟର ସ୍ୱତନ୍ତ୍ର ଅଦାଲତା ଦଣ୍ଡାଦେଶ ଶୁଣାଣି କରିଛନ୍ତି। ତିନି ମୁଖ୍ୟ ଅଭିଯୁକ୍ତଙ୍କୁ ଆଜୀବନ କାରା ଦଣ୍ଡାଦେଶେ ହୋଇଥିବା ବେଳେ ଅନ୍ୟ ତିନି ଜଣଙ୍କୁ ୫ ବର୍ଷ ପାଇଁ ଜେଲ ଦଣ୍ଡାଦେଶ ହୋଇଛି। ଅନ୍ୟ ଜଣେ ଅଭିଯୁକ୍ତ ବିଶାଲ ରାମ ପ୍ରମାଣ ଅଭାବରୁ ଦୋଷମୁକ୍ତ ହୋଇଛି।

ମୁଖ୍ୟ ଅଭିଯୁକ୍ତ ସାଞ୍ଜି ରାମ, ପରଭେଶ କୁମାର ଏବଂ ସ୍ୱତନ୍ତ୍ର ପୁଲିସ ଅଫିସର(ଏସପିଓ) ଦୀପକ ଖଜୁରିଆଙ୍କୁ ଆଜୀବନ ଜେଲଦଣ୍ଡାଦେଶ ହୋଇଛି। ଏମାନଙ୍କ ବିରୋଧରେ ଅପହରଣ (ଦଫା ୩୬୩), ହତ୍ୟା (ଦଫା ୩୦୨), ଗଣଦୁଷ୍କର୍ମ (ଦଫା ୩୭୬ଡି), ଅପରାଧ ଷଡ଼ଯନ୍ତ୍ର(ଦଫା ୧୨୦(ବି)) ଲାଗିଛି।

ସେହିପରି ଏବଂ ଅନ୍ୟ ତିନି ଜଣ ଏସପିଓ ସୁରିନ୍ଦର ବର୍ମା, ହେଡ୍ କନଷ୍ଟେବଲ ତିଲକ ରାଜ, ସବ୍ ଇନସପେକ୍ଟର ଆନନ୍ଦ ଦତ୍ତଙ୍କୁ ୫ ବର୍ଷ ପାଇଁ ଜେଲ ଦଣ୍ଡାଦେଶ ଶୁଣାଇଛନ୍ତି କୋର୍ଟ। ଏମାନଙ୍କ ବିରୋଧରେ ପ୍ରମାଣ ନଷ୍ଟ କରିବା ଅଭିଯୋଗରେ ଦଫା ୨୦୧ ଲାଗିଛି। ପଞ୍ଜାବ ସ୍ଥିତ ପଠାନକୋଟର ସ୍ୱତନ୍ତ୍ର ଅଦାଲତ ବିଚାରପତି ଜଷ୍ଟିସ୍ ତେଜଓ୍ୱିନ୍ଦର ସିଂହ ଏହି ଦଣ୍ଡାଦେଶ ଶୁଣାଇଛନ୍ତି।

ଜମ୍ମୁ କଶ୍ମୀରରେ ଭାରତୀୟ ପେନାଲ କୋଡ(ଆଇପିସି) ଲାଗୁ ହେଉନଥିବାରୁ ଏଠାରେ ରନବିର ପେନାଲ କୋଡ(ଆରପିସି) ଲାଗୁ ହୋଇଥାଏ। ଆଇପିସି ଭଳି ଆରଏନବି ଏକ ଦଣ୍ଡବିଧାନ ସଂହିତା।

ଗତବର୍ଷ ୧୦ ଜାନୁଆରୀରେ ଜମ୍ମୁ କଶ୍ମୀରର କଠୁଆ ଜିଲ୍ଲାରେ ଏହି ଦୁଷ୍କର୍ମ ଘଟଣା ହୋଇଥିଲା। ଜଣେ ଆଠ ବର୍ଷର ନାବାଳିକାକୁ ଏକ ମନ୍ଦିର ପାଖରୁ ଅପହରଣ କରିନେଇ ସପ୍ତାହେ ଧରି ଦୁଷ୍କର୍ମ କରିଥିଲେ। ଏହାପରେ ନାବାଳିକା ଜଣଙ୍କ ହତ୍ୟାର ଶିକାର ହୋଇଥିଲା। ନାବାଳିକାର ପରିବାର ଲୋକେ ନିଖୋଜ ନେଇ ଥାନାରେ ଏତଲା ଦେବା ପରେ ଜାନୁଆରୀ ୧୭, ୨୦୧୮ରେ ନାବାଳିକାର ମୃତ ଦେହ ଉଦ୍ଧାର କରିଥିଲା ପୁଲିସ। ଏହାପରେ ସ୍ଥାନୀୟ ଅଞ୍ଚଳରେ ହିଂସା ଦେଖିବାକୁ ମିଳିଥିଲା।

ମାମଲା ଜମ୍ମୁ କଶ୍ମୀରରେ ଚାଲିଥିଲା କିନ୍ତୁ ଅପରାଧୀ ମାନେ ପୀଡ଼ିତାଙ୍କ ଓକିଲ ଦୀପିକା ରାଜଓ୍ୱତ ଓ ନ୍ୟାୟ ପ୍ରକ୍ରିୟାକୁ ପ୍ରଭାବିତ କରିବାକୁ ଚେଷ୍ଟା କରୁଥିବା ଅଭିଯୋଗ ହୋଇଥିଲା। ଏହାପରେ ଅପ୍ରୀତିକର ପରିସ୍ଥିତିକୁ ଏଡ଼ାଇବା ପାଇଁ ସୁପ୍ରିମକୋର୍ଟ ମେ ୭ରେ ଜମ୍ମୁ କଶ୍ମୀରରୁ ପଠାନକୋଟକୁ ଏହି ମାମଲା ସ୍ଥାନାନ୍ତର କରିଥିଲେ। ମାମଲାର ବିଚାର ବେଳେ ଭିଡିଓ ରେକର୍ଡିଂ ହୋଇଛି ଏବଂ ମାମଲାର ନିରୀକ୍ଷଣ କରୁଛନ୍ତି ସୁପ୍ରିମକୋର୍ଟ।

ଆହୁରି ପଢ଼ନ୍ତୁ

ଡିପ୍ଲୋମା ଛାତ୍ରଙ୍କ ସ୍ୱତନ୍ତ୍ର ପ୍ରୟାସ ; ତିଆରି କଲେ ଅଟୋମେଟେଡ୍ ସୋଲାର ସ୍ପ୍ରେ ମେଶିନ

୬ ବର୍ଷର ବିସ୍ମୟ ବାଳକ ; ପଢୁଛନ୍ତି ଭାଗବତ

ଏୟାରପୋର୍ଟରେ ଚେକିଂ ବେଳେ ବ୍ୟାଗ୍ ଭିତରୁ ମିଳିଲା ୫ ମାସର ଶିଶୁ !

ଆର୍‌ଟିଓ ଅଫିସରେ ଚାଲିଛି ଦଲାଲ୍‌ଙ୍କ ରାଜ୍‌

ଅଶୋକ ଓ ଅନ୍‌ସାରୀଙ୍କ ଫଟୋ ପଛର ଅସଲ କାହାଣୀ ଜାଣିଛନ୍ତି କି ?

ସଂଗୀତ ମନସ୍କ ସରୋଜିନୀ ; ପରିଣତ ବୟସରେ ବି ତୁଟିନି ସଂଗୀତ ପ୍ରତି ମୋହ

ଜଣେ ଚାଷୀଙ୍କ ଅଭିନବ ପ୍ରୟାସ ; ତିଆରି କଲେ ବ୍ୟାଟେରି ଚାଳିତ ସାଇକେଲ

ବେଶରେ ପୁରାପୂରି ଘରଣୀ, ହେଲେ ପେଶାରେ ଅଟୋ ଡ୍ରାଇଭର

ଭାରତର ଚନ୍ଦ୍ରମିଶନ ଏକ ଗବେଷଣାତ୍ମକ ବିଶ୍ଲେଷଣ

ଓଡ଼ିଆ କିନ୍ନର ହେଲେ ଭାରତର ଏକ ନମ୍ବର ଉବେର ଚାଳକ

୧୨ ବର୍ଷିୟ ଜଗନ୍ନାଥଙ୍କ ଅପୂର୍ବ ଦକ୍ଷତା ; ପାଟି ସାହାଯ୍ୟରେ ବଜାଉଛନ୍ତି ବାଜା

ଗପ ନୁହେଁ ସତ କାହାଣୀ ; ବିଧବା ବୋହୂର ବାହାଘର କଲେ ଶାଶୂ

You might also like