ନୂଆଦିଲ୍ଲୀ : ୱେବସାଇଟରେ ପ୍ରତିଦିନ ଲକ୍ଷ ଲକ୍ଷ ଲୋକ ଟିକେଟ ବୁକ୍ କରନ୍ତି । ହେଲେ ଅଧିକ ବ୍ୟବହାର ହେତୁ ବେଳେବେଳ ଇ-ଟିକେଟିଂ ୱେବସାଇଟ୍ ହ୍ୟାଙ୍ଗ କିମ୍ବା ସ୍ଲୋ ହୋଇଯାଏ  । ଯଦ୍ୱାରା ଟିକେଟ ବୁକ୍ ହେଉ ହେଉ ଅଧାରୁ ଅଟକି ଯାଏ ।  କିନ୍ତୁ ଭାରତୀୟ ରେଳ (Indian Railways), IRCTC ଇ-ଟିକେଟିଂ ୱେବସାଇଟ୍ ଏବଂ ଆପ୍ ଉଭୟକୁ ଅପଗ୍ରେଡ଼୍ କରିବାକୁ ଯାଉଛି । ଆଜି ଏହି ୱେବସାଇଟକୁ ଲଞ୍ଚ କରିବେ ରେଳମନ୍ତ୍ରୀ ପୀୟୁଷ ଗୋଏଲ୍ (Railway Minister Piyush Goyal) । ନୂଆ ୱେବସାଇଟରେ ଟିକେଟ ବୁକିଂକୁ ଅଧିକ ସହଜ କରିବାର ଫିଚର ରହିବ । ଅନେକ ପରିବର୍ତ୍ତନ ସହ ଏହି ୱେବସାଇଟରେ କ୍ଷଣିକ ମଧ୍ୟରେ ଟିକେଟ ବୁକିଂ କରିହେବ ବୋଲି ସୂଚନା ମିଳିଛି ।

ୱେବସାଇଟ୍ ଅପଗ୍ରେଡ଼୍ ହେବା କାରଣରୁ ସହଜରେ ହେବ ଟିକେଟ୍ ବୁକିଂ . . 

  • IRCTC ର ୱେବସାଇଟ୍ ଓ ଆପ୍ ଅପଗ୍ରେଡ଼୍ ହେବା ପରେ ଯାତ୍ରୀ ପୂର୍ବ ତୁଳନାରେ ଅଧିକ ବେଗରେ ଓ ବିନା କୌଣସି ଅସୁବିଧାରେ ଟିକେଟ ବୁକ୍ କରିପାରିବେ  ।
  • ଇ-ଟିକେଟିଂ ୱେବସାଇଟରେ ୟୁଜରଙ୍କ ସୁବିଧାକୁ ଦୃଷ୍ଟିରେ ରଖି ଅଧିକ କାମ କରାଯାଉଛି ।
  • ଆଇଆରସିଟିସିର ନୂଆ ୱେବସାଇଟରେ ଯାତ୍ରୀଙ୍କ ପାଇଁ ଉଚ୍ଚମାନର ଫିଚର୍ସ ଖଞ୍ଜା ଯାଇଛି, ଯଦ୍ୱାରା ଟିକେଟ୍ ବ୍ୟବସ୍ଥା ଆହୁରି ସରଳ ହେବ ।
  • ଟିକେଟ୍ ବୁକ୍ କରିବା ସହ ଖାଇବା ସାମଗ୍ରୀ ବୁକ୍ କରିବା ପାଇଁ ଭିନ୍ନ ଭିଚର ଦିଆଯିବ, ଯଦ୍ୱାରା ଆପଣ ନିଜ ମନ ପସନ୍ଦର ଖାଦ୍ୟ ଅର୍ଡ଼ର କରିପାରିବେ ।
  • ଅଧିକ ୟୁଜର ଏକ ସମୟରେ ୱେବସାଇଟ୍ ବ୍ୟବହାର କଲେ ସୁଦ୍ଧା ହ୍ୟାଙ୍ଗ ହେବ ନାହିଁ ୱେବସାଇଟ୍ ।
  • ୱେବସାଇଟରେ ତୁଳାନାତ୍ମକ ଭାବେ ପୂର୍ବାପେକ୍ଷା ଅଧିକ ଆଡ଼୍ ଆସିବ, ଯଦ୍ୱାରା ଅଧିକ ରାଜସ୍ୱ ମଧ୍ୟ ମିଳିବ ।
  • ନୂଆ ୱେବସାଇଟରେ ପ୍ରତି ମିନିଟରେ  ୧୦ହଜାରରୁ ଅଧିକ ଟିକେଟ୍ ବୁକ୍ କରାଯାଇପାରିବ । ପୂର୍ବରୁ ମାତ୍ର ଏକ ମିନିଟରେ ୭୫୦୦ ଟିକେଟ ବୁକ୍ ହୋଇପାରୁଥିଲା ।

IRCTC ଆରମ୍ଭ ହେଲା ନୂଆ ସୁବିଧା  'Book now pay later'

ସେହିପରି IRCTC ଏକ ନୂତନ ପୋଷ୍ଟପେଡ୍ ପେମେଣ୍ଟ ବିକଳ୍ପ ବ୍ୟବସ୍ଥା ମଧ୍ୟ ଉପସ୍ଥାପନ କରିଛି । ଏହି ସୁବିଧା ମାଧ୍ୟମରେ, IRCTC ୱେବସାଇଟରୁ ଟିକେଟ ବୁକିଂ କରି ପରେ ଆପଣ ଟିକେଟ୍ ମୂଲ୍ୟ ପଇଠ କରିପାରିବେ ।  ଏହି ବ୍ୟବସ୍ଥା ଅନୁସାରେ, ଯାତ୍ରୀ ଟିକେଟ୍ ବୁକ୍ କରି  ଇ-ପେମେଣ୍ଟ ମାଧ୍ୟମରେ୧୫ ଦିନ ମଧ୍ୟରେ ପେମେଣ୍ଟ କରିପାରିବେ କିମ୍ବା ଟିକେଟ୍ ପାଇବାର ୨୪ ଘଣ୍ଟା ମଧ୍ୟରେ ପେମେଣ୍ଟ କରିପାରିବେ ।

ରେଳବାଇର ଟିକେଟିଂ ୱେବସାଇଟ୍, (ଆଇଆରସିଟିସି) ଅନଲାଇନ୍ ସଂରକ୍ଷଣ ସୁବିଧା ଯୋଗାଇଥାଏ।  ୨୦୧୪ ପରଠାରୁ ଟିକେଟ୍ ବୁକିଂକୁ ଉନ୍ନତି ମାନର କରିବା ସହ ଯାତ୍ରୀଙ୍କ ସୁବିଧା ଉପରେ ଲଗାତାର ଗୁରୁତ୍ୱ ଦିଆଯାଉଥିବା କଥା ପ୍ରକାଶ କରିଛି ଭାରତୀୟ ରେଳବାଇ । IRCTC ୱେବସାଇଟ୍ ହେଉଛି ରେଳପଥ ସହିତ ଯାତ୍ରା କରୁଥିବା ନାଗରିକମାନଙ୍କର ପ୍ରଥମ ଲିଙ୍କ୍ | ରେଳବାଇର ଇ-ଟିକେଟ୍ ୱେବସାଇଟ୍ ଯାତ୍ରୀମାନଙ୍କୁ ସେମାନଙ୍କ ଟ୍ରେନ୍ ଯାତ୍ରା ପାଇଁ ସମ୍ପୂର୍ଣ୍ଣ ସୁବିଧା ଯୋଗାଇବାକୁ ଲକ୍ଷ୍ୟ ରଖିଛି |

ସୂଚନା ଅନୁସାରେ ଚଳିତ ମାସ ପ୍ରଥମାର୍ଦ୍ଧରେ IRCTCରେ ଟ୍ରେନ ଟିକେଟ୍ ବୁକିଂ ନିୟମରେ ପରିବର୍ତ୍ତନ ହୋଇଥିଲା ।ଯେଉଁମାନେ ଅନ୍ୟର ଆଇଆରସିଟିସି (IRCTC) ଆଇଡି ବ୍ୟବହାର କରି ନିଜ ପାଇଁ ଟିକେଟ ବୁକିଂ କରନ୍ତି ସେମାନଙ୍କ ପାଇଁ ମୁଖ୍ୟତଃ  ନୂଆ ନିୟମ ହୋଇଥିଲା ।

ଆପଣ ଯଦି ଅନ୍ୟର ଆଇଡି କିମ୍ୱା ଏଜେଣ୍ଟଙ୍କ ଦ୍ୱାରା ଟିକେଟ୍ ବୁକିଂ କରୁଛନ୍ତି, ତେବେ ଏହାଦ୍ୱାରା ଟିକେଟ ବୁକିଂ ବେଳେ ଯାତ୍ରୀଙ୍କ ସଂଖ୍ୟା ଯାତ୍ରୀ ସଂରକ୍ଷଣ ବ୍ୟବସ୍ଥାରେ ପଞ୍ଜୀକୃତ ହୋଇପାରୁ ନାହିଁ । କାରଣ ଟିକେଟ୍ ବୁକିଂ ହୋଇଥିବା ଆଇଡିଟି ଆଉ ଏକ ନମ୍ୱର ସହିତ ପଞ୍ଜିକରଣ ହୋଇପାରେ ନାହିଁ । ସେହିଭଳି ଅନ୍ୟ ଦ୍ୱାରା ଟିକେଟ୍ ବୁକ୍ କଲେ ଯାତ୍ରୀଙ୍କୁ ଟ୍ରେନ୍ ବିଳମ୍ବ କିମ୍ବା ବାତିଲ୍ ବିଷୟରେ ସୂଚନା ପହଞ୍ଚିବାରେ ବିଳମ୍ୱ ହୋଇଥାଏ । ଏସବୁକୁ ନଜରରେ ରଖି ରେଳବାଇ ନମ୍ବର ପଞ୍ଜିକରଣ କରିବା ବାଧ୍ୟତାମୂଳକ କରିଥିଲା ଭାରତୀୟ ରେଇବାଇ । 

Other Stories

  • Delivery Boy
    Delivery Boy ପୋଲିସ୍ ସାଜିଲା ଡେଲିଭରି ବୟ

    ଆମେରିକାରେ ରହୁଥିବା ଜଣେ ମହିଳା ନିଜ ପାଇଁ ଅନ୍‌ଲାଇନ୍‌ରେ ଖାଦ୍ୟ ଅର୍ଡର କରିଥିଲେ। ଯେତେବେଳେ ସେ ଖାଦ୍ୟ ପାଇଁ ଅପେକ୍ଷା କରିଥିଲେ ସେତେବେଳେ ଜଣେ ପୋଲିସ ଅଧିକାରୀ ତାଙ୍କ ଘରର କବାଟ ବାଡେଇଥିଲେ ।

  • PMAY
    Odisha ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି !

    ଭୁବନେଶ୍ୱର: ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ଅଭିଯୋଗ ଆଣି ରାଜ୍ୟ ସରକାରଙ୍କୁ ବିଜେପିର ଟାର୍ଗେଟ୍ । ଏମିତିକି ଏହି ଦୁର୍ନୀତି ଓ ଅନିୟମିତତା ପ୍ରତିବାଦରେ ଆସନ୍ତା ୭ରୁ ୯ ଯାଏଁ ଆନ୍ଦୋଳନ କରିବାକୁ ଦଳ...

  • COWIN
    Co Win ୫୦ ଦେଶ କୋ-ୱିନ୍‌ ଆପ୍‌ ବ୍ୟବହାର କରିବାକୁ ଆଗ୍ରହୀ

    ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇରେ ମୁଖ୍ୟ ଅସ୍ତ୍ର ଟିକା । ଆଉ ଏହି ବିଶ୍ୱର ସର୍ବବୃହତ ଟିକାକରଣ ଅଭିଯାନର ମେରୁଦଣ୍ଡ କୋ-ଓ୍ୱିନ୍ ଟିକା । ଉପଲବ୍ଧତା ଯାଞ୍ଚ ହେଉ, ସ୍ଲଟ୍ ବୁକିଂ ଅବା ରେଜିଷ୍ଟ୍ରେନ୍ କିମ୍ବା...

  • Small-girl
    Odisha ମା‘ ଭାଇର ଜୀବନ ବଞ୍ଚେଇ ଦେଲା କୁନି ଝିଅ

    ମୁରାଦାବାଦ୍‌: ଯେଉଁ ବୟସରେ ଚାଲି ଶିଖିବା କଥା ସେ ବୟସରେ ସେ ମାଆ ପାଇଁ ସାହାରା ହେଲା । ଅଜଣା ରାସ୍ତାରେ ମାଆ, ଭାଇ ପାଇଁ ଖୋଜି ଆଣିଲା ଉଦ୍ଧାରକାରୀ ଟିମ୍ । ଷ୍ଟେସନ୍‌ରେ ଅଚେତ୍ ଅବସ୍ଥାରେ...