ମାଟିରୁ ମହାକାଶ; ଚାଷୀ ପୁଅ ଆଜି ଇସ୍ରୋ ଅଧ୍ୟକ୍ଷ

ନୂଆଦିଲ୍ଲୀ: ଚନ୍ଦ୍ରଯାନ-୨ ମିଶନ୍‌ ସମୟରେ ସବୁଠାରୁ ଚର୍ଚ୍ଚିତ ନାମ ଥିଲା ଇସ୍ରୋ ମୁଖ୍ୟ କେ ଶିବନ୍‌ଙ୍କ ନାମ। ଗତବର୍ଷ ହିଁ ଏହି ଦାୟିତ୍ୱ ନେଇଥିବା ଶିବନ୍ ଗତକାଲି ଚନ୍ଦ୍ରଯାନ-୨ ମିଶନ୍‌ର ଶେଷ ମୁହୂର୍ତ୍ତକୁ ନେଇ ଭାଙ୍ଗିପଡ଼ିଥିଲେ। ଏହାପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଆଲିଙ୍ଗନ କରି ପିଠି ଥାପୁଡ଼ାଇବାର ଦୃଶ୍ୟ ସାରା ଦେଶରେ ଏବେ ଚର୍ଚ୍ଚାରେ ରହିଛି।

ତାମିଲନୁଡ଼ୁର ଏହି ରକେଟ ବିଜ୍ଞାନୀ ୨୦୧୮ ମସିହା ଜାନୁଆରୀରେ ଇସ୍ରୋ ମୁଖ୍ୟ ଦାୟିତ୍ୱ ନେଇଥିଲେ। କନ୍ୟାକୁମାରୀ ଜିଲ୍ଲାର ତାରାକାନ୍‌ଭିଲ୍ଲାଇ ଗାଁର ଏକ ଚାଷୀ ପରିବାରରେ ଜନ୍ମିତ ଶିବନ୍‌ଙ୍କ ସ୍କୁଲ୍ ପଢ଼ାପଢ଼ି ସ୍ଥାନୀୟ ଏକ ସରକାରୀ ସ୍କୁଲରେ ହୋଇଥିଲା। ସେ ଏହା ପୂର୍ବରୁ ବିକ୍ରମ ସରାଭାଇ ସ୍ପେସ୍‌ ସେଣ୍ଟରର ଦାୟିତ୍ୱ ନେଇଥିଲେ। ସେ ପିଲାବେଳେ କେବେ ମଧ୍ୟ ଟ୍ୟୁସନ୍‌ ବା କୋଚିଂ କ୍ଲାସ୍‌ ଯାଇନଥିଲେ, ବରଂ ନିଜ ପ୍ରୟାସରେ ପରିବାରର ପ୍ରଥମ ଗ୍ରାଜୁଏଟ୍‌ ହୋଇଥିଲେ। ବେଙ୍ଗାଲୁରୁ ଆଇଆଇଏସ୍‌ସିରୁ ଏରୋସ୍ପେସ୍‌ ଇଞ୍ଜିନିୟରିଂରେ ମାଷ୍ଟର୍ସ ସାରିବା ପରେ ୨୦୦୬ରେ ଆଇଆଇଟି ବମ୍ବେରେ ପିଏଚ୍‌ଡି ସାରିଥିଲେ। ୧୯୮୨ରେ ସେ ଇସ୍ରୋରେ ଯୋଗଦେଇଥିଲେ। ଲଞ୍ଚ୍ ଭେଇକିଲ୍‌ ମିଶନ୍‌ ପିଏସ୍‌ଏଲ୍‌ଭି ପ୍ରକଳ୍ପରେ ସେ ବଡ଼ ଭୂମିକା ନିଭାଇଥିଲେ। ଏଥିରେ ସେ ପ୍ଲାନିଂ, ଡିଜାଇନିଂ, ଇଣ୍ଟିଗ୍ରେସନ୍‌ ଏବଂ ଆନାଲିସିସ୍‌ ଆଦି କ୍ଷେତ୍ରରେ କାମ କରିଥିଲେ।

୩ ଦଶନ୍ଧିର କ୍ୟାରିଅରରେ ସେ ଜିଏସ୍‌ଏଲ୍‌ଭି, ପିଏସ୍‌ଏଲ୍‌ଭି, ଜିଏସ୍‌ଏଲ୍‌ଭି ଏମ୍‌କେ ୩ ଆଦି ପ୍ରମୁଖ ରକେଟ୍‌ ମିଶନ୍‌ରେ ସାମିଲ ହୋଇଥିଲେ। ସେ ବିଭିନ୍ନ ସମୟରେ ଏଥିପାଇଁ ସମ୍ମାନିତ ମଧ୍ୟ ହୋଇଛନ୍ତି। ସେ ବର୍ତ୍ତମାନ ଇସ୍ରୋ ଅଧ୍ୟକ୍ଷ ସହ ସ୍ପେସ୍‌ ଆଣ୍ଡ ଚେୟାର ମ୍ୟାନ୍ ଅଫ୍ ସ୍ପେସ୍‌ କମିଶନ୍‌ ସଚିବ ଭାବେ କାର୍ଯ୍ୟ କରୁଛନ୍ତି। ତାଙ୍କ ଅମଳରେ ଚନ୍ଦ୍ରଯାନ-୨ ବ୍ୟତୀତ ଏହି ମହାକାଶ ଯାନକୁ ଚନ୍ଦ୍ରରେ ପହଞ୍ଚାଇଥିବା ରକେଟ୍‌ ଜିଏସ୍‌ଏଲ୍‌ଭି-ଏମ୍‌କେ ୩ ମଧ୍ୟ ନିର୍ମିତ ହୋଇଥିଲା।

ଆହୁରି ପଢ଼ନ୍ତୁ

ବେଶରେ ପୁରାପୂରି ଘରଣୀ, ହେଲେ ପେଶାରେ ଅଟୋ ଡ୍ରାଇଭର

ଭାରତର ଚନ୍ଦ୍ରମିଶନ ଏକ ଗବେଷଣାତ୍ମକ ବିଶ୍ଲେଷଣ

ଓଡ଼ିଆ କିନ୍ନର ହେଲେ ଭାରତର ଏକ ନମ୍ବର ଉବେର ଚାଳକ

୧୨ ବର୍ଷିୟ ଜଗନ୍ନାଥଙ୍କ ଅପୂର୍ବ ଦକ୍ଷତା ; ପାଟି ସାହାଯ୍ୟରେ ବଜାଉଛନ୍ତି ବାଜା

ଗପ ନୁହେଁ ସତ କାହାଣୀ ; ବିଧବା ବୋହୂର ବାହାଘର କଲେ ଶାଶୂ

ଗୋରା କ୍ରିମ୍‌ର କଳା କାହାଣୀ ; ପ୍ରସାଧନ ନାଁରେ ଔଷଧ ବିକ୍ରି

୮୦ ବର୍ଷର ବୃଦ୍ଧ ବେଶରେ ଆମେରିକା ଯାଇଥିଲେ ଏହି ଯୁବକ, ଧରାପଡିଗଲେ

କିଏ ଏହି ସବୁଜ ଆଖିର ଝିଅ, ଯାହାକୁ ଖୋଜି ପାଇବାକୁ ଲାଗିଲା ୧୭ ବର୍ଷ

ଛୋଟ ପିଲାଙ୍କ ହାତରେ କେଉଁ ନେଲ୍‌ ପଲିସ୍‌ ସୁରକ୍ଷିତ !

ଇଛାଶକ୍ତି ଆଗରେ ହାର୍ ମାନିଛି ଶାରୀରିକ ଅକ୍ଷମତା ; ସବୁଥିରେ ସକ୍ଷମ ଜଗନ୍ନାଥ

ଚନ୍ଦ୍ର ପୃଷ୍ଠରେ ଅବତରଣ କରୁଛି ଚନ୍ଦ୍ରଯାନ-୨: ୧୦ଟି ରୋଚକ ତଥ୍ୟ ଜାଣନ୍ତୁ

ଏଣିକି ଚାରା ରୋପଣ ନୁହେଁ; ସିଡ୍‌ ବଲ୍‌ ଫିଙ୍ଗି ହେବ ବୃକ୍ଷରୋପଣ

You might also like