ନୂଆଦିଲ୍ଲୀ: ଭାରତର କରୋନା ବିରୋଧୀ ଲଢ଼େଇରେ ମୁଖ୍ୟ ଅସ୍ତ୍ର ଟିକା । ଆଉ ଏହି ବିଶ୍ୱର ସର୍ବବୃହତ ଟିକାକରଣ ଅଭିଯାନର ମେରୁଦଣ୍ଡ କୋ-ଓ୍ୱିନ୍ ଟିକା । ଉପଲବ୍ଧତା ଯାଞ୍ଚ ହେଉ, ସ୍ଲଟ୍ ବୁକିଂ ଅବା ରେଜିଷ୍ଟ୍ରେନ୍ କିମ୍ବା ଟିକା ନେବା ପରେ ତତ୍କାଳ ସାର୍ଟିଫିକେଟ୍ ହାସଲ, ସବୁ କାମ ପାଇଁ ବ୍ୟବହୃତ କୋ-ଓ୍ୱିନ୍ ପ୍ଲାଟ୍‌ଫର୍ମକୁ ଆଜି ସାରା ବିଶ୍ୱକୁ ଭେଟି ଦେଇଛି ଭାରତ । କୋ-ଓ୍ୱିନ୍ ଗ୍ଲୋବାଲ୍ କନ୍‌କ୍‌ଏଭ୍‌ରେ ଉଦ୍ବୋଧନ ଦେଇ ଏହାକୁ ଓପେନ୍ ସୋର୍ସ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ମୋଦି ସେପଟେ ୫୦ରୁ ଅଧିକ ଦେଶ ଏହାକୁ ଅାପଣାଇବାକୁ ଅାଗ୍ରହୀ ବୋଲି ସୂଚନା ମିଳିଛି ।

ଏଣିକି କୋ-ଓ୍ୱିନ୍‌ରେ ଅବାଧ ବ୍ୟବହାର କରିପାରିବ ସାରା ବିଶ୍ୱ । କୌଣସି ଦେଶ ପାଇଁ ଏହାର ପ୍ରଚଳନ ଉପରେ ରହିବନି ପ୍ରତିବନ୍ଧକ । ଭାରତର ବିଶାଳ କରୋନା ଟିକାକରଣ ଅଭିଯାନରେ ପ୍ରମୁଖ ଭୂମିକା ତୁଲାଉଥିବା ଏହି ପ୍ଲାଟ୍‌ଫର୍ମକୁ ଓପେନ୍ ସୋର୍ସ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କୋ-ଓ୍ୱିନ୍ ଗ୍ଲୋବାଲ୍ କନ୍‌କ୍ଲେଭ୍‌କୁ ସମ୍ବୋଧନ କରି ମୋଦି କହିଛନ୍ତି, ବିଗତ ୧୦୦ ବର୍ଷରେ କରୋନା ଭଳି ମହାମାରୀ ସଂକଟ ଆସିନାହିଁ । କୌଣସି ଦେଶ ଯେତେ ଶକ୍ତିଶାଳୀ ହୋଇଥାଉ ନା କାହିଁକି, ଏକାକି ଏହି ସମସ୍ୟାର ସମାଧାନ କରିବା ଅସମ୍ଭବ । ବସୁଧୈବ କୁଟୁମ୍ବକମ୍ ଦର୍ଶନରେ ବିଶ୍ୱାସ ରଖୁଥିବା ଭାରତ ମହାମାରୀ ପ୍ରାରମ୍ଭରୁ ସାରା ବିଶ୍ୱଠୁ ଉତ୍କୃଷ୍ଟ ଜ୍ଞାନକୌଶଳ ସଂପର୍କରେ ଶିଖିବାକୁ ଓ ନିଜର ଅଭିଜ୍ଞତା ତଥା କୌଶଳ ବାଣ୍ଟିବାକୁ ଆଗ୍ରହ ଦେଖାଇଆସିଛି । କରୋନା ଟ୍ରେସିଂ ଓ ଟ୍ରାକିଂ ପାଇଁ ଆରୋଗ୍ୟ ସେତୁ ଆପ୍‌କୁ ପୂର୍ବରୁ ଓପେନ୍ ସୋର୍ସ ଘୋଷଣା କରାଯାଇଛି । ଏବଂ ଆଜିଠାରୁ କୋ-ଓ୍ୱିନ୍‌କୁ ମଧ୍ୟ ସମସ୍ତ ଦେଶ ବ୍ୟବହାର କରିପାରିବେ ବୋଲି ମୋଦି ଘୋଷଣା କରିଛନ୍ତି ।

ଗତ ଜାନୁଆରୀରୁ ଭାରତରେ ଟିକାକରଣ ଅଭିଯାନ ଆରମ୍ଭ ହେବା ସହ କୋଓ୍ୱିନ୍ ପ୍ଲାଟ୍‌ଫର୍ମର ବ୍ୟବହାର ହେଉଛି । ଏହାର ଉଭୟ ସ୍ମାର୍ଟଫୋନ୍ ଆପ୍ ଓ ୱେବ୍‌ସାଇଟ୍, ଯେତିକି ସରଳ ସେତିକି ସମୃଦ୍ଧ । ସୂଚନା ଅନୁସାରେ, କୋ-ଓ୍ୱିନ୍ ପ୍ଲାଟ୍‌ଫର୍ମ ଆପଣାଇବାକୁ କାନାଡ଼ା, ମେକ୍ସିକୋ, ନାଇଜେରିଆ, ପାନାମା ଓ ୟୁଗାଣ୍ଡା ସମେତ ଏବେ ସୁଦ୍ଧା ବିଶ୍ୱର ୫୦ରୁ ଅଧିକ ଦେଶ ଆଗ୍ରହ ଦେଖାଇଛନ୍ତି ।କରୋନା ଟିକାକରଣରେ କୋ-ଓ୍ୱିନ୍‌ର ଉପଯୋଗିତା ସଂପର୍କରେ ଅଭିଜ୍ଞତା ବାଣ୍ଟିବାକୁ ସ୍ୱାସ୍ଥ୍ୟ ମନ୍ତ୍ରାଳୟ ଓ ବୈଦେଶିକ ବ୍ୟାପାର ମନ୍ତ୍ରାଳୟ ପକ୍ଷରୁ କୋଓ୍ୱିନ୍ ଗ୍ଲୋବାଲ୍ କନ୍‌କ୍ଲେଭ୍‌ ଆୟୋଜିତ ହୋଇଛି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ଏହାର ଅଧ୍ୟକ୍ଷତା କରିଥିବା ବେଳେ, କୋ-ଓ୍ୱିନ୍ ମୁଖ୍ୟଙ୍କ ସମେତ ଦେଶ ବିଦେଶରୁ ବହୁ ସଂଖ୍ୟାରେ ବିଶେଷଜ୍ଞ ଏଥିରେ ଯୋଗ ଦେଇଛନ୍ତି ।

Other Stories

  • Delivery Boy
    Delivery Boy ପୋଲିସ୍ ସାଜିଲା ଡେଲିଭରି ବୟ

    ଆମେରିକାରେ ରହୁଥିବା ଜଣେ ମହିଳା ନିଜ ପାଇଁ ଅନ୍‌ଲାଇନ୍‌ରେ ଖାଦ୍ୟ ଅର୍ଡର କରିଥିଲେ। ଯେତେବେଳେ ସେ ଖାଦ୍ୟ ପାଇଁ ଅପେକ୍ଷା କରିଥିଲେ ସେତେବେଳେ ଜଣେ ପୋଲିସ ଅଧିକାରୀ ତାଙ୍କ ଘରର କବାଟ ବାଡେଇଥିଲେ ।

  • PMAY
    Odisha ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି !

    ଭୁବନେଶ୍ୱର: ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ଅଭିଯୋଗ ଆଣି ରାଜ୍ୟ ସରକାରଙ୍କୁ ବିଜେପିର ଟାର୍ଗେଟ୍ । ଏମିତିକି ଏହି ଦୁର୍ନୀତି ଓ ଅନିୟମିତତା ପ୍ରତିବାଦରେ ଆସନ୍ତା ୭ରୁ ୯ ଯାଏଁ ଆନ୍ଦୋଳନ କରିବାକୁ ଦଳ...

  • Small-girl
    Odisha ମା‘ ଭାଇର ଜୀବନ ବଞ୍ଚେଇ ଦେଲା କୁନି ଝିଅ

    ମୁରାଦାବାଦ୍‌: ଯେଉଁ ବୟସରେ ଚାଲି ଶିଖିବା କଥା ସେ ବୟସରେ ସେ ମାଆ ପାଇଁ ସାହାରା ହେଲା । ଅଜଣା ରାସ୍ତାରେ ମାଆ, ଭାଇ ପାଇଁ ଖୋଜି ଆଣିଲା ଉଦ୍ଧାରକାରୀ ଟିମ୍ । ଷ୍ଟେସନ୍‌ରେ ଅଚେତ୍ ଅବସ୍ଥାରେ...

  • bank
    Offbeat ଏହି ମାସରେ ୧୫ ଦିନ ପାଇଁ ବନ୍ଦ ରହିବ ବ୍ୟାଙ୍କ୍‌

    ବ୍ୟାଙ୍କ୍‌ରେ ଆପଣଙ୍କର କୌଣସି କାମ ରହିଯାଇଛି କି? ଯଦି ହଁ ତେବେ ଆଦୌ ବିଳମ୍ବ ନକରି ଯଥାଶୀଘ୍ର କାମ ସାରନ୍ତୁ। କାରଣ ୧୫ ଦିନ ପାଇଁ ବନ୍ଦ ରହିବ ବ୍ୟାଙ୍କ। ଠପ୍‌ ହୋଇଯିବ ପୂରା ବ୍ୟାଙ୍କ ସେବା।...