ଭାରତରେ ତିଆରି ହେବ iPhone-11 ସ୍ମାର୍ଟଫୋନ୍‌

ନୂଆଦିଲ୍ଲୀ: ପ୍ରିମିୟମ୍‌ ସ୍ମାର୍ଟଫୋନ୍‌ କମ୍ପାନୀ ଆପଲ ଭାରତରେ  iPhone 11 ମଡେଲ୍‌ର ମ୍ୟାନୁଫେକ୍ଚରିଂ  ଆରମ୍ଭ କରିଦେଇଛି। ଚେନ୍ନାଇ ସ୍ଥିତ Foxconn ପ୍ଲାଣ୍ଟରେ ଏହି ମଡେଲ୍ ତିଆରି ଚାଲିଛି। କେନ୍ଦ୍ର ବାଣିଜ୍ୟମନ୍ତ୍ରୀ ପିୟୂଷ ଗୋୟଲ୍ ଟ୍ୱିଟ୍ କରି ଏହି ସୂଚନା ଦେଇଛନ୍ତି।

ତେବେ ଭାରତରେ iPhone 11 ତିଆରି ହେଲେ ଏଥିରେ ଖର୍ଚ୍ଚ କମ୍ ହେବ। ତା ସହିତ ସରକାରଙ୍କୁ କମ୍ପାନୀ ଦେଉଥିବା ୨୨ ପ୍ରତିଶତ ଆମଦାନୀ ଶୁଳ୍କକୁ ସଞ୍ଚୟ ହୋଇପାରିବ। ଫଳରେ ଆଗାମୀ ସମୟରେ ଭାରତୀୟ ବଜାରରେ iPhone 11 ମୂଲ୍ୟ କମ୍‌ ରହିବ ବୋଲି କୁହାଯାଉଛି।

ଏହା ପୁର୍ବରୁ କମ୍ପାନୀ iPhone XR ମଡେଲ୍‌କୁ ଭାରତରେ ଆସମ୍ବଲ(ବିଭିନ୍ନ ପାର୍ଟକୁ ଯୋଡ଼ିବା) କାମ କରିଥିଲା। ଏହାର ୯ ମାସ ପରେ ଏବେ ଅପଲ iPhone 11 ମଡେଲ୍‌କୁ ଭାରତରେ ମ୍ୟାନୁଫେକ୍ଚରିଂ କରିବା ଆରମ୍ଭ କରିଦେଇଛି।

ଭାରତରେ Foxconn, Wistron ଓ Pegatron ଭଳି କମ୍ପାନୀ ଆପଲ୍‌ ମୋବାଇଲ୍ କମ୍ପାନୀର ସପ୍ଲାୟର୍ସ ଭାବେ କାର୍ଯ୍ୟ କରୁଛନ୍ତି। ଏହି କମ୍ପାନୀଗୁଡ଼ିକ iphone ମଡେଲ୍‌କୁ ସପ୍ଲାଏ କରିଥାନ୍ତି। ଏବେ ଫୋନ୍‌ ତିଆରି କରିବା ପାଇଁ କମ୍ପାନୀଗୁଡ଼ିକ ଭାରତରେ ପୁଞ୍ଜି ନିବେଶ ମଧ୍ୟ କରିବାକୁ ଇଚ୍ଛା ରଖିଛନ୍ତି।

କମ୍ପାନୀଗୁଡ଼ିକ ମଧ୍ୟରୁ Foxconn ଭାରତରେ ଏକ ମିଲିୟନ ଡଲାର ନିବେଶ କରିବା ନେଇ ଘୋଷଣା କରିଛି। ଏହାପରେ Pegatron ମଧ୍ୟ ଭାରତରେ ପୁଞ୍ଜି ନିବେଶ କରିବା ପାଇଁ ଇଚ୍ଛା ପ୍ରକାଶ କରିଛି।

 

You might also like